Y Tywyddiadur

 Dydd Sul Diwrnod mwll yn gwlitho ychydig yn y Prydnhawn. Fi yn mynd i'r Llan yn Ciniawa y mhenmorfa efo Richd Thomas a Mr. Holland y Person yn dwad adref erbyn Tea

Dydd llun Gwlaw trwm a Dryghinllyd ar hyd y Dydd Will yn gwneud rhaffa a Guto yn gwneud Panelau.

Dydd mawrth Diwrnod niwlog ac yn bwrw peth gwlaw Y Meibion yn torri anialwch yn blaenycoed Fi yn mynd i Gynhebrwng Dafydd Humphrey'r Borthygest i'r Ynus gunhaiarn ac yn dwad adref cyn y nos.

Dydd Mercher Diwrnod niwlog mwll ac heb fwrw dim Y Meibion yn torri anialwch Willyn settio'r Cloddia Y Bachgen yn mynd i'r Efail i nol heirns at ofergarfanau y Drol ac heb eu cael i gyd. Fi yn gwerthu Maharen i Robt Jones Gorllwyn am Ddeuddeg swllt Owen Robert Porthmon yn galw yma finau heb fod yn Ty - Siani wedi bod yn y Factory y Garn yn ymofyn rholia

Dydd iau Diwrnod dryghinllyd yn y boreu mwll a theg at ganol dydd. Y Meibion yn torri anialwch. Fi yn mynd i Bwllheli i'r Correcsiwn ac yn mynd i Langyby y noson

Dydd gwener. Yn bwrw gwlaw yn y boreu ac yn deg braf at y Prydnhawn Fi yn dwad adref o Langybi. Yn dechreu Medi y Gwenith Fi yn mynd i Dremadoc i'r Farchnad ac yn mynd heibio i Tanrallt i ymofyn arian dau hobad o Wenith. Ffowlar Mr. Gore yn dwad efo mi adref i nol benthyg gwn

Dydd Sadwrn. Yn bwrw cawodydd yn y boreu, ac yn deg braf at y Prydnhawn Y Meibion yn medi gwenith Fi yn mynd i Langybi

Dydd Sul Diwrnod teg Fi yn Llangybi ac yn dyfod adref yn y Prydnhawn

Dydd llun. Diwrnod teg. Y Buchod yn mynd i flaen y coed. Y chwech bustach yn mynd i Gaegoronw ucha. Y tair Heffer yn mynd i'r Morfa at y Tarw. Y Meibion yn gorphen Medi y gwenith Ffair y Mhenmorfa Fi yn mynd yno. Y 2 ddynewad yn mynd i ffwrdd ac yn cae[sic] arian yn eu lle yndwad adref erbyn deg. Robt Wynne Cefncymerau yma

Dydd Mawrth Diwrnod teg ac yn chwthu yn drwm o'r dwyrain. Robt Wynne yn mynd i ffwrdd yn foreu. Owen Robert Tynllwyd yma yn cymmell tri dynewad gwrw. Fi yn mynd yno ac yn prynu'r Tri, dau ohonynt yn dyfod yma y llall yn aros yn i'w yspaddu yn talu unbuntarddeg am danunt. Y Meibion yn lladd Haidd hyd amser Ciniaw yn mynd wedi i gneifio'r Wyn.

Dydd Mercher Diwrnod teg Sych Fi yn mynd i Gaernarfon i'r Sesiwn y Meibion yn torri yr Haidd yn y Morfa Du yn mynd a thri o'r Ceffyla i Efal [sic] Sion Evan. Elin a Betsan yn dwad i Gaernarfon

Dydd iau. Yn debygu i wlaw ac yn dwad i fwrw gwlaw trwm yn y Prydnhawn. Y Meibion yn carrio'r Gwenith Fi yn nghaernarfon

Dydd gwener Gwlaw trwm Fi ynghaernarfon ac yn dwad adref rhwng naw a deg o'r gloch y nos yn cael fy ngwlchu yn drwm o ben y Waen fawr i Bettws

Dydd Sadwrn Diwrnod teg ac yn bwrw Cawodydd  Y Meibion yn torri anialwch yn y boreu ac ar ol ciniaw Sion Morris a Guto yn mynd i'r llain hir i ddechreu lladd Ceirch. Will yn trwsio'r helmi Gwenith. Yn rhoi math o Garchar ar y Tarw rhag iddo fynd tros Gloddiau Cawodydd trymion yn y Prydnhawn a rhai Taranau Prentis Richd Robert Crydd Tremadoc yma'n danfon Esgidia newyddion i mi

Dydd Sul Diwrnod teg Dafydd y Baili yn dwad yma a chenad oddiwrth Mr. Williams Penrhos imi i fynd i Sesiwn Beaumaris. Fi yn mynd i Gaernarfon ac yn cysgu y nhy Robt Griffith

 llun. Yn bwrw Cawodydd trymion yn y boreu. Fi yn mynd i Beaumaris y boreu. yn gorfod dwad yn fy o^l i Gaernarfon i ymofyn Ellin a Betsan. Yn Beaumaris yn fy o^l erbyn saith o'r gloch y Prydnhawn. Fi yn cysgu yn arwydd y Tarw ef Mr. Wm. Jones Tyddyn Elen. hwythau yn cysgu mewn Ty^ Cyfrinachol

Dydd Mawrth. Diwrnod teg. Elin Betsan Mr. William Jones Tyddyn Elen a Miniau[sic] yn dyfod o'r Beaumaris i Fangor ar ein Traed erbyn nos ac yn dyfod oddiyno yn y Car i Gaernarfon erbyn deg o'r Gloch y nos. Yn cysgu y nhy Robt Griffith.

Dydd Mercher. Yn bwrw rhai Cawodydd. Fi yn dyfod adref yn ymdroi y nhy Mr. Owen Aberglaslyn ac gartref cyn y nos.

Dydd iau Diwrnod teg brâf. Y Meibion yn Cynull yr Haidd yn y Morfa. Robt Griffith y Saer yn dyfod yma. Yn  Taranu'n drwm iawn o gwmpas dau o'r gloch a bwrw Cawod drom. Cathrine Humphrey'r Borth fechan yma'n prynu Cosun pymtheg Pwys am dair Ceiniog a dimeu'r pwys. Robt Sion Hendrahowel yma'n medi ac yn cynull.

Dydd gwener Diwrnod distaw gwresog. Y Meibion yn lladd Ceirch yn y Morfa yn y boreu. y Prydnhawn yn Cynull Haidd yn y Morfa Fi yn mynd i Dremadoc i'r Farchnad ac yn mynd ir Efail i beru gwneud heurns at y Wintill

Dydd Sadwrn Diwrnod gwresog yn y boreu, yn bwrw Cawod o wlaw yn y Prydnhawn. Mr. Gore dyn arall a Mr. Williams y steward yn dwad yno wedi bod yn Ffowlio ac yn mynd i ffwrdd heb ymdroi dim Fi yn cael y gwn neweydd [sic] oeddwn wedi ei roi'n fenthig i ffowliar Mr. Gore i Dyfod adref Fi yn  talu i Drafaeliwr Mr. Cross Caer am Liquor

Dydd Sul Diwrnod teg bra^f. Wm. Robert gwas Mr. Bidwell Tanrallt yn dwad a buwch at y Tarw. Mr. Owen Abergla^slyn yma y Prydnhawn Mudan Ffestiniog yma'n Cael llety

Dydd llun. Gwres mawr. Y Buchod yn mynd i'r Henerw troi'r Fuwch frech a'r Tarw oddiwrthynt yw pesgi, Y gwartheg hesbion oedd yn Hafod y budredd Deg ohonynt yn mynd i'r Cae glas a chwech i'r Morfa ucha. Y Meibion yn gorphen tori Ceirch y Morfa ac yn gorphen Cynull yr Haidd ac ar o^l hanner Dydd yn mynd i gynull Ceirch i'r llain hir a gwernclowna.

Dydd Mawrth Diwrnod gwresog iawn Fi efo Sioncin yn troi'r chwech Bustach o Gaegoronwy ucha i'r isa. Sion y Clochydd yma yn nol Arian oedd yn dwad iddo am lanhau'r Llan. Y Meibion yn gorphen lladd y^d y Gelliwastad a'r Caecanol Fi efo Robt Griffith y Saer yn gosod y Wintill yn y Sgubor Robt. Hendrahowel yma'n Degymu'r Haidd, a cheirch Gwernclowna a'r Llainhir

Dydd Mercher Gwres mawr. Y Meibion yn carrio Haidd o'r Morfa Fi yn mynd i Dremadoc i nol lliain a strap at Wintill Yn codi hen lofft y Parlwr ac yn Dechreu rhoi lloft newydd. Robt. Lloyd Fowliwr Mr. Gore yma a rhew ddyn dieithr efo fo yma wedi bod yn ffowlio. Tri o Lanhawyr Simneau  yn glanhau simneu y llawr Clips mawr ar yr haul nid oedd i'w weled ond ychydig cyn ei ddiwedd o ran ei bod yn ddwl ac yn bwrw peth gwlaw. Y Meibion yn dechreu cynull Ceirch y Morfa. Mr. Owen Aberglaslyn yma nol benthig yr Yspienddrych ac yn gofyn i minau ddwad efo fo at Lyn y Gadair tu ucha i Feddgelert i saethu hwyad gwylltion