Y Tywyddiadur

llun Diwrnod dwl ac yn bwrw cawodydd trymion, Ffair y Nghriccieth. Fi wedi bod yno. Mr. William Roberts Twrna o Gaernarfon a'i Wraig yn dwad yma. Y Meibion wedi bod yn y Reiniog yn nol llwyth o Fawn. Evan James yn dwad yma i weithio

Mawrth Diwrnod dwl ac yn bwrw Cawodydd trymion. Mr. William Roberts ai Wraig yn mynd adref. Y Meibion wedi bod yn y Reiniog yn nol llwyth o Fawn. Yn mynd wedi i dynu cloron.

Mercher Diwrnod dwl sych. Y Meibion wedi bod yn y Reiniog yn nol y Llwyth Mawn diwaethaf ac yn danfon Mawn i'r Odyn. ddau bron

Iau. Diwrnod dwl ac yn bwrw cawodydd trymion o'r Gogledd. Y Meibion wedi bod y boreu yn tynu Cloron yn Cae'r Hendra. Yn mynd wedi i gau rhwng y Caea porfa a'r Caea Adladd. Dafydd yn dyrnu Ceirch gwyn. Fi yn prynu gwerth deunaw ceiniog o Benwaig, deuddeg am chwech cheiniog

Gwener. Diwrnod dwl wedi bwrw gwlaw'n drwm iawn trwy'r boreu. Y meibion yn cau rhwng Caea Gwair a'r Caea porfa. Fi yn mynd i'r Tynlon

Sadwrn Diwrnod sych gwyntog. Y Meibion yn tynu Cloron. Fi yn Tynlon a Llangybi

llun Diwrnod dwl claiar ac yn bwrw peth gwlaw mân weithia. Y Meibion yn tynu Cloron yn Cae'r hendra y boreu, yn mynd wedi i hel y Defaid i'r Caea heb eu Cneifio, yn gyru pedwar a thrigain o Fyllt i Gaegronw.

Mawrth. Diwrnod dwl sych. Y Buwchod yn dwad o'r Morfa i Flaenycoed, a'r Lloia i Wernclowna. Y ddwy Fuwch dew i'r Caealleppa a'r Cae main. Y Ceffyla a'r Gwartheg Hespion i gid yn mynd i'r Morfa. Y Meibion yn tynu Cloron. Fi wedi bod yn Tremadoc

Mercher. Diwrnod dwl ac yn bwrw Cawodydd trymion o'r Gogledd. Y Meibion yn tynu Cloron yn Cae'r hendra at eu Cadw.

Iau Diwrnod dwl sych. Y Meibion yn darfod tynu Cloron at eu cadw. Fi wedi bod yn Penmorfa mewn Festri. Gwen Williams Caeddafydd yn dwad yma

Gwener Diwrnod sych. Y Meibion yn gwneud y Cloron yn Ddas yn Ardd pen ucha Hendratyfi. Magdalen Robins Cefncynferch yma. Fi wedi bod yn Tremadoc yn y Farchnad

Sadwrn Diwrnod sych gwyntog. Yn Cneifio. Nansi Caeddafydd yn dwad yma. Gwen yn mynd efo hi adref. Gutto wedi bod yn y Plashen efo'r Doctor yn nol Ffisig i Elin oedd yn sal. Y chwech bustach at y Gwanwyn yn myn [sic] o'r Morfa i Weirglawddia'r Tymawr

Sul. Diwrnod dwl sych. Gutto wedi bod yn y Plâshen yn nol y Meddyg Williams at Elin

llun Diwrnod cymylog ac yn bwrw Cawodydd trymion efo'r nos. Y Meibion yn Toi'r Dâs Cloron Gutto wedi bod yn y Towyn yn nol Galwyn o Boethlyn. Y Meddyg Williams o'r Plashen a fy Mam ynghyfraith yn dwad yma. Mrs. Jones Shop Tremadoc yma

Mawrth Diwrnod sych distaw, wedi bwrw Eira tew hyd bennau'r Mynyddau. Y Meibion yn Cau rhwng y Caea Porfa a'r Caea Gwair Fy Mam ynghyfraith yn mynd adref ac yn mynd heibio i'r Plashen i Ofyn i'r Meddyg Williams ddwad yma at Elin oedd yn sâl. Yn gyru Gutto wedi i'r Plashên ar ei ol, yma rhwng saith ac wyth o'r Gloch. yma hyd rhwng deg ac unarddeg o'r Gloch o'r nod, Pan yr ymadawodd Elin a'r hen Fyd hwn ar ol byrr salwch

[Mae'r cofnod uchod wedi amgylchynnu gan blwch ddu]

Mercher. Diwrnod sych. Fy Mam ynghyfraith a Cattrin Thomas Bryn yr Hydd yn dwad yma efo'r twyll nos

Iau Diwrnod sych teg. Owen Owens wedi bod yn Trawsfynudd yn nol yr Elor Gerbyd, Morris Jones Tremadoc wedi bod yn Llangybi yn gorchymun Parrottoi torri Bedd i Elin. Fy Mam ynghyfraith a Cathrine Thomas yn mynd adref

Gwener. Diwrnod dwl ac yn bwrw gwlaw trwm yn y boreu. Robert Prisiart a'r Meibion yn dwad a'r ARCH yma yn y boreu. Fy Ewythr Tyddynygwynt a fy Nghefnder Griffith Ellis o Benarth yn dwad yma. Fy Mam ynghyfraith, Sion Thomas Bryn yr hydd a Griffith Owen Llangybi yn dwad yma.

Sadwrn Diwrnod dwl ac yn bwrw gwlaw'n drwm yn y Prydnhawn. DYDD CLADDEDIGAETH fy Ngwraig ELIN. Cychwynasom oddiyma wyth o'r Gloch y boreu, yn Llangybi rhwng hanner dydd ac un o'r gloch

[Gadewyd gofod ar ôl y cofnod uchod]

Sul Diwrnod sych lled oer. Fi yn Llangybi a'r Tynlon, gartref erbyn saith o'r gloch y nos

llun. Diwrnod dwl budr ac yn bwrw gwlaw agos ar hyd y dydd. Ffair y Mhenmorfa  fi heb fod yno

Mawrth. Diwrnod dwl oer ac yn bwrw cawodydd trymion, Y Gweinidogion yn ymadael i gid ond Dafydd a Mari sydd yn aros yma

Mercher Diwrnod dwl oer ac yn bwrw Cawodydd trymion. Sion Hugh yn dwad yma i ddyrnu. G Griffiths o'r Gesail wedi bod yma

Iau Diwrnod dwl sych. Sion Hugh yn Durnu [sic] Sion Hugh Drwsyrymlid yn dwad yma efo'r hwyr

Gwener Diwrnod dwl sych. Sion Hugh yn dyrnu Ceirch. Dafydd yn dechreu hel Gwiail. Evan James yn galw yma Harry Owen yma yn edrych y Môch