Y Tywyddiadur

Dydd llun  Diwrnod tebig i ddryghin  Fi yn mynd i Bwllheli i Siarad efo Mr.Ellis ynhylch y ffordd fawr wrth y Pwllbudr o achos teuly Brynkir. Fi yn cael gwlaw trwm iawn wrth ddyfod adref yn dwad trwy Penmorfa i yru cennad i Frynkir iddynt ddyfod at y ffordd i’n cyfarfod y foru rhwng hanner dydd ac un o’r gloch

Dydd Mawrth. Diwrnod gwlyb dryghinllyd. Fi yn mynd at y ffordd fawr wrth Pwllbudr i gyfarfod teuly Brynkir a hwytha heb ddyfod yno yn dwad adref cyn nos. Sion gwas Elizabeth Griffith Llangybi yma yn ymofun y ddyniewad foel oedd yma yn y borfa. Bachgen Thomas y Cigydd yma yn nol y fuwch a’r Tarw tew. Will wedi bod yn Caegoronw yn ymofun gwair i’r Gwartheg allan gyntaf

Dydd Mercher Diwrnod teg distaw. Richd.Thomas Penmorfa yma oddiwrth Lloyd Brynkir o achos y ffordd fawr finau yn gyru Llythyr efo at M^r.Huddard, Y Meibion yn carrio gwellt o’r Beudy Newydd i’r Beudy ucha i’w wneud yn ddâs, Henry Edward yn darfod Dyrnu yn y Beudy ucha, Howel Owen y Gorllwyn yma yn nol Cosun, Fi yn saethu tair o Lygod ffreinig yn y cafn môch ar un ergyd  Yn gyru’r helm haidd gyntaf i mewn ac yn lladd un Lygoden ffreinig yn honno

Dydd iau  Diwrnod claiar budr, Y Meibion yn troi y Dâs [?] gwellt, Hunt i fod yn Llangybi. Ellis Evans Ty’n ffridd yn dwad yma i fwsoglu’r Tai. Fi yn mynd i Dremadoc i edrych y Fuwch a’r Tarw oedd wedi eu lladd

Dydd gwener. Diwrnod distaw têg braf. Siani wedi mynd a Thri hanner Telaid o Wenith i Felin rhyd.benllig iw falu. Yn nithio pwn o Haidd i fynd iw falu. Fi yn prynu Mochyn gan Mary Caeglâs ac yn mynd i’r Farchnad i Dremadoc.

Dydd Sadawrn  Diwrnod oer ac yn chwythu o’r Dwyrain. Y Meibion yn nithio yn y Beudy ucha. Fi yn mynd i gyfarfod Owen Humphreys at y ffordd fawr, ac yn cael fy siomi o herwydd ei fod wedi mynd i Briodi ei fab Griffith, Thomas William yma yn nol y Milgi

Dydd Sul. Diwrnod tebig i ddrychin  M^r.Owen Aberglaslyn 

Dydd llun  Diwrnod dwl claiar. Y Meibion yn gorphen nithio yn y Beudy ucha, Ellis y slatar yn trwsio Beudy ty’n bwlch, Will yn dwad a llwyth o’r Yd o’r Beudy ucha. Fi yn trwsio’r Peiriant malu gwellt. Bachgen Rich^d Thomas yn dwad a’r Milgi adref. Begi Owen Portreuddyn yma

Dydd Mawrth  Diwrnod sych distaw. Will yn mynd a llwyth o Yd i’r odyn. Fi yn mynd i fesur y ffordd fawr wrth y Pwllbudr, ac yn gosod darn o ben isa clwt y ffolt hyd at y ffrwd tu yma i Efail Morris Llewelyn am hanner coron y rhwd. Yn mynd efo Owen Humphreys i nol bwyd i’r Clenenney. Yn dwad a’r Milgi efo mi adref o Benmorfa. G Jones Tailiwr yn dwad yma i wneud Mantell i Elin

Dydd Mercher  Diwrnod sych distaw claiar. M^r.Owen Aberglâslyn yn dwad yma i fynd i’r Aberdeunant i ffowlio finau yn mynd efo fo yno, yn gweled un aderyn, fo a minau yn mynd adref heb ladd yr un  Will yn mynd a llwyth o yd  i’r odyn. Griffith Jones y Tailiwr yn mynd adref ar ol swper.

Dydd iau..Diwrnod dwl, sych distaw claiar. Y ddau Will yn cau Trains yn cae porfa’r Tymawr. Ellis y Slater yn darfod mwsoglu’r Ty a Beudy Ty’n y bwlch. Hary Edward yn darfod dyrnu’r helm Haidd

Dydd Gwener  Diwrnod dwl digynwr claiar hynod. Y ddau Will a Siani wedi mynd i’r Felin i silio. Dic wedi mynd a’r Drol yno, Harry Edward gartref eisio nithio. Elis y Slater yn trwsio Beudy yr Ty Mawr. Fi yn mynd i Dremadoc i’r farchnad

Dydd Sadwrn. Diwrnod claiar tyner. Y Meibion yn nithio Haidd.ac yn puro pump Hobad. Yn cael Llythur oddiwrth Edward Davies Gweinidog y Capel helig o Dremadoc.

Dydd Sul. Diwrnod budr ac yn bwrw gwlaw dwys claiar, ...

Dydd llun. Diwrnod dwl claiar. Robert Sion Hendrahowel yn dwad yma i orphen rundro’r Ty. Y lleill yn gorphen puro’r Haidd ac yn cael o gwbl unarddeg o Hobeidia. Elizabeth Griffith Llangybi yn mynd adref  Griffith Jones Gelli’r Yn, yn dyfod yma a Llythyr oddiwrth M^r.Williams Steward M^r.Gore. Tomas wedi bod yma prydnhawn ddoe yn nol y Milgi !

Dydd Mawrth. Diwrnod budr gwlawog. Ffair y Ngharnarfon  Robt. Sion Hendrahowel yn mynd y boreu i’r Tymawr ar feder ei drwsio  Yn dwad i fwrw gwlaw, yn dwad i lawr i bwintio’r pobty. Will yn lladd hespwrn oedd wedi syrthio dros graig . Y buwchod yn dwad i Gae’r hendre  Buwch Mr. Bedwel Tanrallt yma efo’r Tarw

Dydd Mercher. Diwrnod niwlog budr. Howel Owen Gorllwyn yma’n nol Hobad o Haidd. Fi efo Will yn y Beudy ucha yn trwsio’r presebi  Yn rhoi gwair gynta i’r Fuwch dew

Dydd iau. Diwrnod dwl niwlog, a gwlaw trwm at y nos  Y Meibion wedi bod yn darfod cau’r trains yn caea porfa Tymawr  Fi wedi bod yn Tremadoc y prydnhawn  Ellis y Slater yn darfod trwsio’r Ystabl ar Ty mawn. Fi yn diwedd gwneud rhidill 

Dydd gwener. Diwrnod niwlog budr ac yn bwrw gwlaw dwys claiar. Y Meibion yn trwsio llaesod y Beudy ucha a’r Beudy Ty’n y bwlch. Twm Jones Llangybi yn dwad a Llythur yma yn achos opiniwn oddiwrth Mr.Williams Twrna o achos Tynlon. Fi heb fod yn y Farchnad. Yn rhwmo’r lloia gynta...

Dydd Sadwrn. Diwrnod niwlog budr a Dryghin trwm at y nos. Robt Griffith Cwmcath yma yn siarad am hobad o Haidd  Fi yn gwneud tylla i’r Colomenod yn talcan y Ty Mawn  Bachgen William Sion yma’n danfon Llythur oddiwrth Mr.Owen Aberglâslyn. John Owen Braich y Saint ac Edward Davies Gweinidog y Capel helig yn dwad yma trwy ddryghin trwm efo’r twyllnos 

Dydd Sul. Gwlaw trwn a niwlog.dau Wyddel yma yn gofyn Tamaid. Ar ol swpper o gwmpas naw o’r gloch fel yr oeddwn yn eistedd wrth y tan, teimlais fel pe buasai y llawr ar Gadair yn crynu odditanaf ac yn hynnu swn tebig i swn Taran a’r llestri yn swnio yn y Cwpyrdda ac ar y Treselydd. Barnwyd gennym ni mai Daeargryn ydoed [sic]. Fe ei clywyd gan lawer yn y Gymdogaeth  

Dydd llun. Diwrnod sych distaw ar ol gwlybaniaeth trwm  Guto brawd Robt.Griffith Cwmcath yma yn nol Hobad o Haidd  Richard bachgen Richd. Thomas Penmorfa yma’n danfon y Milgi  Y Meibion yn trwsio hen houwel Ty’n bwlch. Yn rhwmo’r Buwchod  Ffair yn harlech. Elin Evan Peter yma. Yn dwad a’r Bustych o’r Tymawr i’r Henerw  yn dechreu tori das y Morfa. Yn rhoi’r Ceffyla i mewn yn y Stabal. Ellis y Slater yn dwad yma at ei Swpper

Dydd Mawrth.Diwrnod niwlog gwlawog budr. Fi yn mynd i’r Efail i beri gwneud caib.yn ymdroi yn Nhref Madawg [sic]

Dydd Mercher   Diwrnod sych a gwynt oer o’r Dwyrain.yn rhwymo gwartheg yn y Beudy ucha Dechreuad y Rhew

Dydd iau. Diwrnod sych distaw wedi rhewi peth, Y Meibion yn teilo yn y Tymawr. Doctor Edwards Tremadoc yn galw yma wrth ddyfod o Furygwenyn oddiwrth Wraig Morris David oedd yn sal o Glefyd y gwaed ac yn Ciniawa yma Rhew yn Dechreu