Y Tywyddiadur

Dydd gwener. Diwrnod sych wedi rhewi yn bur galed. Y Meibion yn teilo yn y Tymawr. Will wedi mynd i ddanfon Elin i Langybi. Fi yn mynd i Dremadoc i’r Farchnad.Robt. Lloyd yn dwad efo mi adref i bwyso’r Caws. Sion Griffith Tyddyn mawr y Pennant yn cynnyg talu tair Ceiniog y bunt o dreth dros y Wernddwirig yn lle naw ceiniog oedd pawb drwy’r plwy yn ei dalu am y flwyddyn 1818

Dydd Sadwrn. Eirlaw a rhewynt trwm, Yn pwyso Caws yn y boreu. dri chant a hanner. Fi yn mynd i Langybi yn yr hwyr 

Dydd Sul. Yn meirioli Elin a minau yn Llangybi 

Dydd Mawrth llun Diwrnod claiar dwl, Elin, Elizabeth a minau yn mynd o Langybi i Gefnycynferch i edrych am Sion Owen eu hewyrth. Will wedi bod yn danfon y Caws yn y Towyn

Dydd Mawrth. Diwrnod claiar niwlog. Elin a minau yn dyfod adref o Langybi a’r Gaseg a’r Forwyn yn dwad i’n danfon tu yma i Griccieth. Will wedi bod a llwyth o Geirch yn yr Odyn 

Dydd Mercher. Diwrnod niwlog budr. Fi efo’r Meibion yn gyru’r helm Wenith i mewn, ac yn mynd ar ol darfod i fesur y ffordd fawr oedd wedi ei thrwsio wrth Efail Morris Llewelyn. Will yn mynd a llwyth o Geirch i’r Odyn, ac yn dwad a hobad o Frâg o Benamser efo fo. Richd. Williams y Gôf yma yn trwsio’r Padelli Efydd

Dydd iau. Diwrnod claiar heb fwrw, Gwyl Domas  Fi yn mynd i Benmorfa i’r Festri. William Jones Tyddyn Elen yn Nhy Richd.Thomas ac yn dwad efo mi adref. Elin a’r Merched wedi Darllaw

Dydd gwener. Diwrnod claiar distaw Y Meibion yn gorphen teilo yn y Tymawr. Fi yn mynd efo William Jones i’r Farchnad i Dremadoc Yn gwerthu yr Ymenun yno i John Jones o’r Ganllwyd am wyth geiniog y pwys...  

Dydd Sadwrn. Diwrnod teg distaw tebig i sychu. Will, Harri a Siani wedi mynd i’r Felin i silio. Thomas William yma yn nol y Milgi i fynd ir Glyn i Hela. Will yn dwad a Thriugain pwys o halen o Siop Morris Jones.

Dydd Sul. Diwrnod sych oer

Dydd llun. Diwrnod sych oer wedi Rhewi’n bur galed. Fi yn mynd i Gynhebrwng Guto Hendrahowel a Sian Parry Murygwenyn y ddau y Mhenmorfa Dyddnadolig Newydd. Dyddnadolig Newydd

Dydd Mawrth Diwrnod sych oer wedi rhewi’n bur galed Fi yn mynd i Gynhebrwng Sian Owen. Merch Cwmmawr i Benmorfa. Y Meibion yn nol llwyth o Wair o’r Morfa i’r Beudynewydd ac yn mynd i Deilo Lludw

Dydd Mercher. Diwrnod sych oer wedi rhewi’n galed Y Meibion yn teilo yn Caegoronw. Sion Morris yn dwad a Stillions Newydd yma o Wolverhampton 

Dydd iau  Diwrnod sych oer gwyntog wedi rhewi’n galed. Y Meibion yn teilo yn Caegoronw  Harri efo’r Merched yn nithio dau Hobad o Wenith

Dydd Gwener Diwrnod sych oer gwyntog wedi rhewi’n galettach nac un diwrnod eleni. Yn mynd a phum llestr o’r Ymenun i Dremadoc i’w bwyso, ac yn mynd a dau Hobad o Wenith, a dau Hobad o Haidd i Morris Jones Siopwr Tremadoc. Yn prynu dau Ogor Newydd ac yn prynu Clo

Dydd Sadwrn. Diwrnod sych distaw wedi rhewi yn galed iawn Y Meibion yn teilo lludw  Humphrey Jones y Marchogwr yma. Lewis Gwehydd o Lanfrothen yma yn siarad am Begaid o Haidd... 

Dydd Sul  Diwrnod sych distaw wedi rhewi’n galed

Dydd llun  Diwrnod sych distaw tyner. Y Meibion yn nol gwair gyntaf o Gaegoronw. Fi yn gweld dwy Hwyadan [sic. hwyaden] yn ffôs y morfa gan amhaeaeth pa un ai dôf ai gwylltion oeddynt heb fentro eu saethu yn mynd yno i’w codi ac yn saethu ar eu hola ac yn misio lladd yr un  John Bachgen Richd.Thomas yma’n danfon y Milgi. Y Meibion a minau yn gweddeithio [llosgi] Cors Tyddyn Llewelyn. Dyddcalan Newydd

Dydd Mawrth  Diwrnod sych distaw tyner. Y Meibion yn nol llwyth o Wair o’r Morfa i’r Beudy Newydd, ac yn teilo i’r Bryncoch. Harri yn gorphen dyrnu’r helm Wenith

Dydd Mercher. Diwrnod sych, oer gwyntog wedi rhewi’n galed iawn Cathrine David Tyn y mynudd [sic.] yma’n talu ei rhent  Humphrey Jones y Marchogwr yma yn dechreu iwsio’r Eboles. Harri a’r Merched yn nithio’r Gwenith y lleill yn teilo i’r bryncoch. Fi yn saethu Hwyaden wyllt wrth lidiart bryn magl gyda’r twyllnos.ac yn mynd efo canwylla a lantar i chwilio am dani ac yn ei chael yn farw yngwaelod y Ceunant

Dydd iau Diwrnod sych distaw wedi rhewi. Y Meibion yn teilo i’r Caemain. Harri a’r Merched yn puro’r Gwenith. Mr.John Williams a Mr.Cadwalader Ellis Pwllheli yma’n seinio Gweithredoedd Robt.Williams Mur y Cypla –

Dydd Gwener. Diwrnod sych oer gwyntog wedi rhewi’n galed  Yn gyru [sic.] Helm Haidd i mewn. Lewis gwehydd o Lanfrothon [sic. Llanfrothen] yn danfon sachau yma i roi Haidd. Fi yn mynd i Dremadoc i’r Farchnad ac yn mynd oddiyno i Benmorfa at Mr.Williams y Steward yn dwad adref erbyn tri o’r Gloch.

Dydd Sadwrn. Yn Meirioli Fi yn mynd i Benmorfa, diwrnod talu y rhent. yn dwad  adref erbyn deuddeg. Yr Hen Nadolig.

Dydd Sul. Diwrnod distaw ac yn meirioli. Fi yn mynd i Benmorfa i ----------!!! [sic] Elizabeth Owen a Robt.Thomas Llangybi yma

Dydd llun Diwrnod dwl distaw ac yn meirioli Y Meibion yn teilo i’r Caemain...