Y Tywyddiadur

Dydd Mawrth. Diwrnod dwl ac yn bwrw gwlaw oer o’r Dwyrain  Y Meibion yn teilio [sic] i’r Caemain Dic wedi bod yn y Ffarm Yard Tanrallt yn nol dau hesbwrn oedd yno wedi eu rhoi i mewn.

Dydd Mercher. Diwrnod claiar, distaw, niwlog, tyner, Y Meibion yn teilo i’r Caemain John Hugh Drwsyrymlid yma’n talu rhan o’i Rent

Dydd iau. Diwrnod sych distaw claiar. Dyn oddiwrth Lewis Gwehydd o Lanfrothan [sic] yn nol dau hobad o Haidd. Y Meibion yn teilo i’r Caemain. Fi yn mynd i Benmorfa i’r Festri. Gornfelan wedi dwad a llo yn y dyddia yma

Dydd Gwener Diwrnod dwl budr ac yn bwrw peth gwlaw. Will yn mynd a Heirns [sic. heyrn] y Gwydd Aradr i’r Efail. Gwraig Richd.GriffithTelyrni yma yn prynu Hobad o Haidd a Hobad o Wenith. Y Fastiffgiast yn rhwygo twll yn ei mantell Fi yn mynd i Dremadoc i’r Farchnad

Dydd Sadwrn. Diwrnod sych dwl mwll. Fi yn mynd at Benygroes i fesur ffordd fawr, ac yn dal ysgyfarnog yn gallt Tyddyndicwm wrth fynd Fy Ewythr Tyddynygwynt yma yn talu rhan o ei Ardreth. Buwch CM efo’r Tarw

Dydd Sul. Diwrnod sych lled oer yn chwythu o’r Dwyrain  Fi yn mynd i Aberglâslyn at Mr.Owen yn y Prydnhawn

Dydd llun. Diwrnod dwl gwlawog ar hyd y dydd. Will wedi bod yn dechreu Aredig yn y Buarth gwyn

Dydd Mawrth Diwrnod Dwl sych claiar Will yn Aredig yn y buarthgwyn Richard Griffith Telyrni yma yn nol Hobad o Haidd a Hobad o Wenith  Siani wedi bod yn y Felin isa yn nol pwn o flawd Haidd. Harry Edward yn diwedd dyrnu’r ail Helm Haidd 

Dydd Mercher Diwrnod dwl claiar Humphrey Jones y Marchogwr yn mynd i ffwrdd wedi bod yma bythefnos  Harri a Will efo’r Merched yn nithio. Will a Dic yn Aredig yn y buarth gwyn Fi yn mynd i Dremadoc i dorri fy ngwallt.

Dydd iau. Diwrnod dwl gwlawog budr, Harri efo’r Merched yn puro’r Haidd. Naw Hobad [sic.] Will yn Aredig y bryncoch

Dydd Gwener. Diwrnod niwliog [sic. niwlog] gwlawog budr hynod, y ddau Will yn nol llwyth o Wair o’r Morfa i’r Beudy Newydd. Harri Edward yn mynd at hanner dydd i chwalu tail i’r Tymawr  Fi yn mynd i Dremadoc i’r Farchnad ar gefn y Ferlan

Dydd Sadwrn. Diwrnod niwliog [sic.] budr. Dic wedi bod a Denbi yn yr Efail ac yn dwad a thelaid o Frag o Benamser efo fo. Siani wedi mynd a Hobaid o Haidd i’r Felin iw falu i’r Fuwch. Will a Harri yn codi Cerrig yn y Weirglodd ucha

Dydd Sul Diwrnod niwliog gwlyb budr. Mr Owen Aberglaslyn yma

Dydd llun. Diwrnod gwlyb niwliog budr. Will yn dechreu Aredig y Caemain  Harri a Will Sion yn mynd i’r Weirglodd ucha i godi Cerrig  Elizabeth Griffith Llangybi yn dwad yma. Harri Owen Tyddynadi yma yn dweyd fod Mochyn imi i’w gael yn Nhy Robt.Jones Tremadoc wedi ei ladd. Yn Darllaw diod fain [bragu] Will Sion yn mynd i’r Dre i nol y Mochyn ar ôl Porthi., finau yn ei dorri yn barod i’w hallty [sic. halltu]–

Dydd Mawrth. Diwrnod teg clir sych Elizabeth Griffith Llangybi yn cychwyn adref efo’r dydd. Will yn Aredig yn y Caemain, y lleill yn codi Cerrig yn y Weirglodd ucha. Yn cael llythur oddiwrth Mr.Owen Aberglâslyn eisiau benthig Trap haiarn, yn gyru [sic.] ei fenthig iddo efo bachgen William Sion Prenteg. Mam wedi mynd i’r Cefncoch ac i edrych am wraig Griffith Owen Clenenney

Dydd Mercher Diwrnod claiar niwliog budr, y ddau Will yn teilo i’r Caemain. Harri a Dic yn chwalu tail yn Tymawr. Hwmphra Parry Pîg yma’n prynu crwyn

Dydd iau. Diwrnod dwl claiar distaw. Y ddau Wil yn tynu cerrig o’r Weirglawdd [sic. weirglodd] ucha at glawdd terfyn Hendrahowel. Harri a Dic yn Caegoronw yn chwalu tail. Fi yn codi Ysgyfarnog yn Ochor y Caeglas efo’r Milgi. Y Milgi yn ei cholli yn Adwy’r Tymawr  Griffith Owen Llangybi yn dwad yma

Dydd Gwener  Diwrnod distaw claiar wedi barigo [sic. barugo] yn drwm  Y Meibion yn tynu [sic. tynnu] cerrig yn y Weirglodd ucha. Elin yn mynd yn sâl y boreu, yn gyrru Dic i Gwmystrallun i nol Mary Thomas, a Ganwyd yr Eneth bedwar o’r gloch y Prydnhawn.

Dydd Sadwrn. Diwrnod dwl distaw tebig [sic] i eira, y ddau Will yn dwad llwyth o wair o’r Morfa. Harri a Dic yn codi cerrig yn y Weirglawdd [sic. weirglodd] ucha  Y Mam yn dwad adref

Dydd Sul. Diwrnod dwl digynwrf, Elizabeth Griffith ac Elizabeth Owen Llangybi yn dwad yma. William Jones Tyddyn Elen a Morris Jones Siopwr Tremadoc a’i Wraig yn dyfod yma yn y Prydnhawn

Dydd llun Diwrnod dwl tebig [sic.] i ddryghin. Y Meibion yn y Weirglodd ucha yn tynu [sic.] cerrig. Coed Afalau yn dwad yma oddiwrth John Nicholas Abereirch

Dydd Mawrth. Diwrnod dwl lled ddryghinllyd. Y Meibion efo’r cerrig yn y Weirglawdd [sic] ucha. Dic wedi mynd a Farmer i’r Efail ac yn mynd a Llythur [sic.] at Mr.Holland i ofyn iddo ddwad yma i Fedyddio’r Eneth bach [sic]

Dydd Mercher Diwrnod dwl lled ddryghinllyd  Will wedi mynd i’r Towyn i nol hanner tunell o Glo [sic]. Harri yn plygu’r clawdd rhwng Cae’r Hendra a buarth Cae derwen. Hogun [sic] Wm.Sion Prenteg yn dwad a Hesbwrn at y Ty oedd wedi mynd tros y graig. Fi wedi planu Coedan [sic. coeden] afalau surion wrth yr Afon Prydnhawn ddoe yn bedyddio’r Eneth bach [sic]

Dydd iau. Diwrnod dwl lled ddryghinllyd. Y ddau Will yn carrio gwair o Gaegoronw. Robt.Griffith y Saer ai frawd yn dwad yma  Ellis y Slater yn dwad yma. Dic wedi bod a Denbi yn’r Efail...

Dydd Gwener. Diwrnod teg distaw. Gwyl fair Newydd, Yn gyru’r [sic.] helm Haidd ddiwaethaf [sic.] i mewn  Dic yn mynd a Jack a Captan i’r Efail. William Owen y Gwyndy yn dwad yma. Fi yn mynd efo fo i Dremadoc i’r Farchnad. William Jones Tyddyn Elen yn dwad efo mi adref ac yn cysgu yma. Harri Edward yn syrthio ar lawr y ‘Sgubor ac yn brifo peth ar ei glun. Bachgen tollfa Aberglaslyn yn danfon llawddryll Mr Owen Aberglaslyn yma i’w gadw –