Y Tywyddiadur

Dydd iau. Diwrnod dwl tebig i ddryghin. Y Meibion yn mynd i Lyfnu’r Caecanol. Harri wedi mynd i’r Morfa at ffosydd y Cefna. Y Meibion ar ol hanner dydd yn mynd i lyfnu’r llainhir. Gwlaw a drychin [sic. drycin] trwm yn y Prydnhawn. Fi yn hau cefn o Wyniwns yn yr Ardd. Y Cywion gwydda yn mynd allan gyntaf.

Dydd gwener. Diwrnod sych clair [sic. claear]. Y Meibion yn carrio y darn o Ddâs y Morfa oedd y gwynt wedi ei daflu, i’r Beudy newydd. Fi yn mynd i Gynhebrwng William Jones Dolwgan  i Lanfrothon [sic.Llanfrothen] , ac yn mynd oddiyno i Benmorfa at Mr.Ellis Jones Dolgelley

Dydd Sadwrn. Diwrnod teg claiar, Y Meibion yn gorphen llyfnu y tir sych erbyn canol dydd. Will a Dic yn mynd ddaliad y Prydnhawn i’r Buarth gwyn i aredig i Golrenod. Harri yn cau clawdd buarth yr hen Erw. Yn trwsio llidiart y mynudd [sic.] Caeglâs. Fi yn codi at Ffa gyntaf eleni

Dydd Sul y Pasg. Diwrnod teg sych. Dafydd, Baili William Jones yn dwad a llythur [sic. llythyr] yma for Cyfraith Tyn lon wedi ei henill. Fi yn mynd i’r llan. Mary W.Tomas yn dwad yma o Langybi o achos Tynlon

Dydd llun y Pasg. Diwrnod sychwynt oer. Yn hel y mullt [sic. myllt] i’r mynudd [sic.] Thomas Humphrey’r Ynus [sic. Ynys] ddu yma. Yn clywed y GÔG. Will sion yn mynd a’r oga i’r Morfa. W.Williams yn trwsio llidiart y Ty mawr, Dic wedi mynd a Farmer i’r Efail. Fi yn mynd i Dremadoc i’r Gwylmabsant ac yn dyfod adref erbyn dau o’r gloch.

Dydd Mawrth Diwrnod budr gwlawog claiar W.Williams yn Aredig i Fwytatws [sic. tatws] yn y Buarth gwyn, ac ar ol hanner Dydd yn mynd i Aredig yr hen dir bytatws [sic. tatws] i Hendratyfi , Siani a Wil sion yn hel Cerrig yn Cae’r hendra. gwres brâf yn y Prydnhawn. Owen Roberts Porthmon yn galw yma

Dydd Mercher. Diwrnod gwresog mwll. Will yn Aredig yn Hendra tyfi Y Gwartheg hespion yn mynd i Gaegoronw. Wil sion, Dic a Siani yn hel cerrig yn Cae’r hendra. Yn hau ac yn llyfnu Hendratyfi. Mwll iawn yn y Prydnhawn ac yn Taranu yn bur drwm. Harry Edward Hendrasela yn mynd a cheirch hâd oddiyma adref Hobad [sic.] a Thri Hanner Telaid

Dydd iau. Diwrnod gwresog mwll. Yn dechreu llyfnu Ceirch llwyd yn y Morfa. Fi yn mynd i Benmorfa i’r Festri ar fy nhraed, Yn dwad yn Fellt ac yn Daranau trymion anghyffredin, yr oedd y Mellt yn sefyl [sic. sefyll?] yn oleu am amser ac y gallasid dal sulw [sic.] ar riwbeth[sic.] ac yn hynod o aml Will yn dwad a’r Ceffyl i fy nol adref o Siop Morris Jones gartref erbyn unarddeg o’r gloch y nos

Dydd Gwener Diwrnod mwll, dwl claiar. Y Meibion yn y Morfa yn llyfnu ceirch llwyd. Fi yn mynd i Dremadoc i’r Farchnad ac yn dwad a Weather Glass adref o Siop Morris Jones

Dydd Sadwrn. Diwrnod niwlog mwll claiar. Y Meibion yn planu Bytatws [sic.] yn y Bryncôch. Harri yn y Morfa yn glanhau y rhycha  Mr.William Jones Tyddyn Elen yma yn ei Frecwest [sic. frecwast] wrth ddyfod adref o Sesiwn y Bala  Doctor Edwards Tremadoc yma’n yfed tê y Prydnhawn. Fi yn cael Esgidia newyddion oddiwrth Richard Robert Crydd Tremadoc

Dydd Sul. Diwrnod teg claiar tarth tebig [sic.] i sychu, teg brâf yn y Prydnhawn. Elin a minau wedi bod ar ben bwlch y moch ar ol Ciniaw

Dydd llun. Diwrnod teg mwll. Yn troi y Defaid i’r Mynudd [sic.] ac yn marcio unarbymtheg a thriugain o Wyn...Y Meibion yn mynd i’r Morfa i ddechreu llyfnu Haidd ...

Dydd Mawrth. Diwrnod teg sych. Meibion yn y morfa yn llyfnu Haidd. W.Williams yn dechreu hau hâd Glofer yn y Morfa. Fi yn mynd i Dremadoc i brynu hâd gwair iw roi yn Hendratyfi. Mam wedi mynd i’r Gesail

Dydd Mercher. Diwrnod teg sych distaw, Y Meibion yn gorphen llyfnu’r Haidd yn y morfa.Will sion ddaliad y Prydnhawn yn y Morfa yn llyfnu hâd Glofer, ar ddau arall yn y buarthgwyn yn llyfnu tir Bytatws [sic.tatws], Elin yn darllaw [bragu] diod fain

Dydd iau. Diwrnod dwl sych claiar. Wil yn gorphen hau hâd glofer yn y morfa ac yn hau had gwair yn hendratyfi  Wil Sion yn llyfnu’r hâd yn y morfa. Dic a Siani yn gorphen llyfnu’r tir Bytatws [sic.] yn y buarthgwyn  W.Williams yn dechreu Teilo yno ddaliad y Prydnhawn. Fy nghefnither [sic. nghyfnither] , Mary Williams Caeddafydd yn dwad a dwsin o Frithylliad llyn Gwynant yma

Dydd Gwener. Diwrnod sych claiar. W.Williams yn teilo i Fytatws [sic.] i’r Buarth gwyn y lleill yn planu Bytatws yn y Bryncoch. Yn gosod clawdd i Sion Jones iw wneud ar draws yr hen Forfa gwair oddiwrth y Pistill du i ffôs yr hen glawdd gwrysg. Fi yn mynd i Dremadoc i’r Farchnad.

Dydd Sadwrn. Diwrnod sych claiar. W.Williams yn teilo i’r buarth gwyn i Fytatws [sic.] Y lleill yn planu Bytatws [sic.] yn y bryncoch, tebygu i ddryghin trwm yn y Prydnhawn

Dydd Sul. Diwrnod dwl gwyntog lled oer ac yn bwrw ambell gawod led oer.

Dydd llun Diwrnod gwyntog dryghinllid [sic.] Y Meibion yn rhychu Bytatws [sic.] yn Buarthgwyn, Fi yn mynd i Griccieth i gyfarfod Ustusiad [sic.] o achos bod Sion Griffith Tyddynmawr y Pennant yn naccau talu treth ffordd fawr er yr amser yr oedd yn dal Gwernddwirig [sic.]...

Dydd Mawrth. Diwrnod teg distaw. Y Meibion yn plannu Bytatws [sic.] yn y Buarth gwyn. Fi yn mynd a’r dyrcan efo ei chywion i Gae’r hendra gynta, Mr.Owen Aberglâslyn yn galw yma

Dydd Mercher. Diwrnod sych lled wyntog. Y Meibion yn gorphen planu Bytatws. Fi wedi bod yn hel treth ffordd fawr

Dydd iau. Diwrnod dwl lled wyntog. Will Sion, Dic a Siani yn y Ty mawr yn hel Cerrig. Mam wedi mynd i Dy’r Gwehydd i Lanfrothon [sic.]

Dydd Gwener. Diwrnod dwl claiar budr. Y Meibion yn Maencloi clawdd Mynudd [sic.] Tymawr. Fi yn mynd i Dremadoc i’r Farchnad

Dydd Sadwrn. Diwrnod dwl lled glaiar. Y Fuwch ddwydeth wedi dwad a llo neithiwr. Y Meibion yn nol gwair o Gaegoronw i’r Beudu [sic.] newydd Fi efo W.Williams yn gwneuthur Cwtar yn y Morfa. Yn mesur y Ffosydd a’r Clawdd yn y Morfa. Y ffosydd ar draws y Morfa yn 250 o Rydau, y Clawdd yn 13 o Rydau a 6 Llath Y ffôs efo’r Ffordd yn 29 o Rydau.

Dydd Sul. Diwrnod dwl oer. ychydig o eira ar bennau’r Mynyddau [sic.mynyddoedd] Cawodydd oerion ac ambell gawod Genllysg