Y Tywyddiadur

Dydd Mawrth. Diwrnod sychlyd lled oer. Y Meibion yn lladd gwair yn Caegoronw...

Dydd Mercher. Diwrnod sychlyd gwresog . Y Meibion yn lladd gwair yn Caegoronw.Sioned Griffith Bwlchymoch yn dwad yma i aros dros fis y Cynhauaf [sic.] gwair...

Dydd iau. Diwrnod tebig iawn i wlaw yn y boreu ac yn mynd yn deg at y Prydnhawn. Y Meibion yn carrio gwair Caegoronw uha [sic. Ucha] Fi yn mynd i Langybi ac i edrych Tynlôn, Owen Thomas y Morfa bychan yn dwad yma i liwio’r Parlwr a’r llofftydd 

Dydd Gwener. Diwrnod dwl ac wedi bwrw peth gwlaw yn y boreu Y Meibion yn lladd gwair yn Caegoronw isa. Mam wedi mynd i’r Farchnad. Fi gartref! gwlaw yn y Prydnhawn

Dydd Sadwrn. Diwrnod dwl distaw teg. Y Meibion yn gorphen lladd gwair Caegoronw isa, ac yn dwad ar ol Prydnhawnbryd i’r Tymawr i ddechreu lladd gwair...

Dydd Sul. Diwrnod sych gwresog. Cyfarfod Ysgolion Sabothawl [sic. Sabothol] yn Nhref Madog [sic. Tremadog]

Dydd llun. Diwrnod dwl sych. Y Meibion yn lladd gwair yn y Tymawr y boreu, ac yn mynd o gwmpas deg o’r gloch i Gaegoronw isa i dyrru’r gwair ac yn ei gario i gid [sic. gyd] cyn y nôs. Mr William Jones Tyddyn Elen a John Prichard Bronmiod yma yn yfed Te y Prydnhawn  ... Owen Tomas [sic. Thomas] y lliwiwr yma

Dydd Mawrth. Diwrnod dwl sych. Y Meibion yn gorphen lladd gwair y Tymawr ac yn dechrau lladd gwair yn y Morfa -Fi yn mynd i Benmorfa i’r Festri

Dydd Mercher. Diwrnod lled ddwl sych Y Meibion yn lladd gwair yn y morfa, yn mynd ar ol Ciniaw i droi gwair y Tymawr  Cathrine Humphrey Borth y gêst yn dwad a Physgodyn yma

Dydd iau. Gwres mawr iawn yn y boreu ac yn cymylu at hanner dydd. Cennad yn dwad yma oddiwrth G Griffiths y Gesail i ofyn  a gae [sic.gai) Owen Thomas fynd i wydro Ffenestr mewn brys. Y Meibion yn lladd gwair yn y Morfa y boreu, ddeg o’r gloch yn mynd i’r Tymawr ac yn carrio ei wair i gid [sic. gyd] cyn nos. Cynhauaf [sic. cynhaeaf] da anghyffredin.

Dydd Gwener. Diwrnod dwl ac yn gwlitho peth yn y boreu gwres yn y Prydnhawn. Tri o’r Meibion yn mynd ar ol Ciniaw i Gaegoronw i wneud pen y dâs gwair. y lleill yn tyru gwair yn y Morfa Fi heb fynd i’r Farchnad! rhai Cywion dan y Dyrcan

Dydd Sadwrn. Diwrnod gwresog hynod. Y Meibion yn gorphen lladd gwair y Morfa cyn brecwest [sic.]. Wm.Williams a Sion Morris yn torri anialwch i’w roi tan y dâs gwair, y lleill yn troi gwair yn y morfa. Yn dechreu ei garrio ddeg o’r gloch. Sionun wedi bod ar Picffyrch yn yr Efail yn eu blaenllymu  Yn Tapio’r Balir [sic. baril?] Cwrw William Robert y MARCHOGWR yn mynd i ffwrdd ac yn cael padwar swllt ar bymtheg am bythefnos. Yn dwad i wlitho ‘chydig y P[sic.] bump o’r gloch y Prydnhawn. Yn diwedd cario gwair y ddau forfa cyntaf.

Dydd Sul Diwrnod dwl ac yn lled fwrw peth gwlaw. Dydd gwyl Swithin, Dywediad ein hynafiaid am yr wyl hon, ydyw, mai yn gyffelyb y byddai’rhin [sic. byddai’r hin] ar y dywededig wyl, y byddai am ddeugain Diwrnod ar ol 

Dydd llun Diwrnod sych teg. W.Williams a Sion Morris yn tynu darn o Ddâs y Morfa, wedi bod cyn brecwest [sic.brecwast] yn dechrau lladd gwair Dâs y Beudy newydd. Yn lladd gwair Hendratyfi a Buarth tair derwen a darn o Gae’r Hendra.

Dydd Mawrth. Diwrnod distaw dwl mwll. Y Meibion yn lladd gwair yn Cae’r Hendra hyd hanner awr wedi un o’r gloch, ac yn mynd wedi hynny i Dyrru, ac i garrio [sic.] gwair y morfa bach, Diwedd carrio [sic.] gwair y Morfa, Fi yn mynd ar ol Prydnhawnbryd i roi tro ar yr Ebol i goffau iddo ei arferiad neu ei ddysg gan y Marchogwr ac yn ymdroi ‘chydig efo Mr.Owen yn Aberglaslyn...

Dydd Mercher. Diwrnod distaw dwl mwll. Elizabeth Griffith Llangybi yn mynd i Gaernarfon. Y Meibion yn gorphen lladd gwair Cae’r Hendra, ac yn lladd gwair y Buarth gwyn, a’r Gelliwastad. yn tyrru gwair Hendratyfi a buarth tair derwen. Gwres mawr yn  y Prydnhawn  Mam yn lled sal, finna yn gollwng gwaed arni. Yn trwsio Carr [sic. car] llysg oedd wedi torri, yn dechrau lladd gwair Caelleppa

Dydd iau. Diwrnod gwresog iawn ar ol wybr goch yn y boreu  Y Meibion yn dechreu troi gwair Cae’r Hendra ar ol brecwest [sic.], yn carrio gwair Hendratyfi, Cae’r Hendra. y buarth gwyn, a’r buarth tair derwen Hugh Griffith.Druggist Carnarvon [sic.] a Robt.Roberts. Custom House yr un lle yn dwad yma. Fi yn mynd efo hwy i Dremadoc ac i’r Towyn, ac yn dyfod yn ol yma wedi meddwi yn lled drwm, yn cysgu yma’r noson

 YN CORONI’R BRENHIN

George y Pedwaredd

Dydd Gwener. Diwrnod dwl mwll lled wyntog. Y Meibion yn diwedd lladd gwair y Caelleppa, ac yn mynd i dddechreu lladd gwair Wernclowna. W.Williams yn mynd efo dau o’r Meibion i yru’r [sic.]  Mwdyla [sic. mydylau] gwair i’r Tygwair Tymawr. Hugh Griffith a Robt.Roberts yn mynd i ffwrdd, Owen Thomas y Lliwiwr yma yn settlio [sic.] am Baintio [sic. baentio] yn talu iddo am ei waith ddau swllt yn y dydd am ei werth bythefnos a dwy bunt a thri swllt a naw ceiniog am liw ac olew, a gwydr ar Gwpr Llyfra yn y Parlwr

Dydd Sadwrn. Diwrnod teg gwresog W.Williams efo dau o’r Meibion yn mynd ar ol brecwest [sic.] i drwsio dâs y Morfa a’r lleill yn mynd i droi gwair y Gelli wastad a’r ddau Gaelleppa. yn ei garrio i gid [sic.] cyn y nos a hynnu [sic.] yn ddiwedd Dâs y Beudy newydd. Y cnwd yn hynod anghyffredin o fychan. Fi yn mynd i Dremadog. Mr.Williams Benar Steward yno mewn cyfarfod ynghylch cau y Morfa bychan. Siotig [wedi] dwad a llo

Dydd Sul. Diwrnod dwl gwyntog ar ol Dryghin lled drwm neithiwr. Mr Owen Aberglâslyn yma

Dydd llun. Diwrnod dwl mwll cymylog tebig [sic.] i fwrw Cawodydd Sion Hugh ac Ellis yn mynd cyn brecwest [sic.] i gau bwlch yn clawdd Mynudd [sic.] Tymawr, yn mynd wedi hynnu [sic.] i hel to at Ddâs gwair Cae goronw. W.Williams a Sion Morris yn gwneud pen Dâs y Morfa ar ol darfod yn mynd i gau o ei gwmpas. Sionun wedi bod a Captan yn yr Efail

Dydd Mawrth. Diwrnod dwl ac ^ bwrw rhai Cawodydd lled drymion yn yr hwyr. Griffith Jones Gelli’r Ynn yn dwad yma’r boreu Finau yn mynd efo fo i Gyfarfod yn achos y Mynyddoedd oedd yn cael ei Gynal [sic. gynnal] yn yr Abermaw. Yn dwad y noson i’r Ty Cerrig Ynus [sic.] Llanfihengel [sic. Llanfihangel] y Traethau. W.Williams a Sion Morris a Dic yn Toi Dâs gwair Caegoronw.y lleill yn gorphen Cae o gwmpas Dâs y Morfa ac yn hel To atto [sic.]. Gwragedd o’r Abererch yma yn prynu gwlan

Dydd Mercher. Diwrnod dwl lled wyntog Fi yn dwad adref Y Meibion yn lladdd gwair Cae ty coch ac yn dechreu lladd gwair y Weirglawdd [sic. weirglodd] ucha. W.Williams sion Morris a Dic yn mynd yn y Prydnhawn i gau clawdd y mynudd [sic.]

Dydd iau Diwrnod sych gwyntog. Y Meibion yn lladd gwair yn y Weirglawdd [sic.] ucha yn y boreu, Yn troi ac yn tyrru gwair Gwernclowna a gwair Cae ty coch ac yn dechreu eu tyrru, yn dwad yn gawod drom at ddau o’r gloch y prydnhawn ac yn parhau yn gawodog hyd yr hwyr

Dydd Gwener. Diwrnod dwl lled wyntog. Y Meibion yn diwedd lladd gwair y Weirglawdd [sic.] ucha. W.Williams, Sion Morris a Wil Sion yn gwneud pen Dâs y Morfa, y lleill y [sic.] mynd i hel gwrysg i roi pleth ar y clawdd rhwng y Morfa Yd a’r Morfa pella. Yn dechrau toi Dâs y Morfa, Fi yn mynd i’r Farchnad