Y Tywyddiadur

Dydd Mercher. Diwrnod gwresog mwll iawn Fi yn mynd efo Owen Roberts i Ffair Feestiniog i roi mesur i gael byrddau Cerrig iw rhoi yn y llaethdy. Y Meibion efo Owen Owens Portreuddyn y lladd gwair

Dydd Gwener. Diwrnod gwresog mwll iawn. Y gwres fesurydd cyn uched a 76 graddau mewn cysgod. Y Meibion yn tynu cerrig ac yn gwneud clawdd wrth gorlan y pant hir. Fi gartref heb fynd i'r Farchnad! Gwas Morris Jones Tremadoc yn dwad a hanner Baril o Borter

Dydd Sadwrn. Diwrnod dwl mwll iawn, wedi Taranu a goleuo Mellt yn aml anghyffredin neithiwr. Y Meibion efo'r clawdd wrth Gorlan y Pant hir. Fi yn gwneud bocs i'r Colomenod, ac yn ei osod ar dalcen y Ty^ Mawn. peth gwlaw ac ambell Daran yn y Prydnhawn. Robt. Wynne Cefncymerau yn dwad yma yn yr hwyr

Dydd Sul. Diwrnod dwl mwll wedi bwrw cawod drom o wlaw Taranau yn y boreu. Robt. Wynne yn mynd adref ar ol Ciniaw Elin a minau yn mynd i Aberglaslyn yn y Prydnhawn

Dydd llun. Diwrnod dwl lled wyntog oer ac yn bwrw 'chydig wlaw Y Meibion yn cau clawdd y mynudd wrth Gorlan y Pant hir. Grace Jones Cae Eitnintew, Jane Thomas, Hwmphra, a Merch Mochres yma ac yn dwad a Photia Fflowers yma, oedd Elin wedi eu prynu yn Ffair Penmorfa Yn gwaedu dwy o'r Buchod i'w troi i'r adladd i bwintio

Dydd Mawrth. Diwrnod oer Dryghinllydd ac yn bwrw peth gwlaw Yn rhoi Ffisig ymoliau'r Buchod iw troi ir Adladd iw Pwintio. Y Mebion yn codi Cerrig at glawdd y Mynudd wrth Gorlan y Pant hir. Ann Sion Prenteg yn dwad a dau Bysgodyn bychain yma. Mam wedi mynd i Lidiart 'sbyty Dic a Sionun wedu mynd i hel W^yn o'r Mynudd. Yn Potleu dau ddeg pedair o Botteli Cwrw, a dwy Jar o'r un peth. Y Buchod yn mynd i'r Hen Erw Harri William Wernla^s de^g Beddgelert yma

Dydd Mercher. Diwrnod dryghinllid oer. Y Meibion efo'r Clawdd wrth Gorlan y pant hir. Morgan Tai cochion wedi marw allan neithiwr yn agos ir Gorllwyn ucha!!! Nid oes hanes cywir etto pa sut a pa [sic], os daw gwybodaeth

Dydd iau. Diwrnod teg mwll. Y Meibion efo'r clawdd wrth Gorlan y Pant hir

Dydd Gwener. Diwrnod dwl mwll. Y Meibion yn dechreu torri Ceirch yn y Morfa ar ol Brecwast. ac yn mynd ar ol Ciniaw i drwsio clawdd y Mynudd. Fi yn mynd i Dremadoc i'r Farchnad. Elizabeth Williams y Rhosgill yma ac Evan Williams Cae'r Eithintew, yma yn yfed Te^

Dydd Sadwrn. Diwrnod dwl mwll. Y Meibion yn trwsio clawdd y Mynudd. Mam wedi bod yn Nghynhebrwng Owen Pritchard Ffynon Beuno. Wil Sion wedi bod y Nghynebrwng Morgan Taicochion.

Dydd Sul. Diwrnod dwl mwll. Fi ag Elin wedi bod yn y Llan yn cael rhannau llyfrau iw benthig gan Mr. Holland y Person.

Dydd llun. Diwrnod dwl mwll av yn bwrw ambell gawod fechan Y Meibion yn dechreu medi'r Haidd Sion Morris yn dwad yma. Begy Owen wedi mynd i Drefmadawg i nol chwech deg Pwys o Halen.

Dydd Mawrth. Diwrnod mwll ac yn bwrw gwlaw y rhan amlaf. Y Meibion efo'r Yd yn y Morfa. Evan James yma'n nol Llif hir Robert Griffith Cwmbychan Saer Coed. Wm. Williams a Dic yn mynd ar ol Prydnhawn bryd i godi bwlch y'nghlawdd mynudd y Ty mawr wrth y fuches la^s Gwynt trwm yn y Prydnhawn

Dydd Mercher Diwrnod sych gwyntog. ar ol gwynt trwm iawn neithiwr, yr hwn a wnaeth golled anghyffredin ar y^dau oedd heb eu torri. Y Meibion yn lladd yd y Caecanol a'r rhan fwyaf o yd y Caemain Fi efo W. Williams gyd a'r nos yn y morfa, yn gwneud hynnu o Haidd oedd wedi ei dorri yn Fychod mawr.

Dydd iau. Diwrnod lled wyntog ac yn bwrw ambell gawod Y Meibion yn gorphen lladd Yd y Caemain y llainhir a Gwernclowna ac yn mynd i'r Morfa i ladd ceirch ar ol Prydnawnbryd. Fi yn mynd i Drefmadawg i dorri fy ngwallt

Dydd Gwener. Diwrnod niwlog mwll budr. W Williams yn trwsio da^s y Beudy newydd, y lleill yn medi Ceirch yn Hendratyfi  Elin a minau yn mynd i Dremadoc i'r Farchnad yn prynu Het newydd

Dydd Sadwrn. Diwrnod sych teg. Y Meibion yn gorphen lladd y Ceirch yn y Morfa, ac yn medi Haidd a hynnu hydd y nos. Evan Williams Cae'r Eithintew yma'n Ciniawa ac yn edrych y pedwar Eidion oedd genuf[sic] i'w gwerthu

Dydd Sul. Diwrnod sych teg, ar ol gwlaw trwm anghyffredin iawn neithiwr. Fi wedi bod yn y Llan. Elizabeth Griffith Llangybi yn dwad yma

Dydd llun. Diwrnod dwl lled fudr yn y boreu, yn sychu'n lled dda ar ol hanner dydd. Elizabeth Griffith Llangybi yn mynd adref. Begi Owen yn mynd efo hi at Feddyg y Plai^shen. Y Meibion yn torri Ceirch Hendratyfi hyd amser Ciniaw. ac yn mynd wedi i Fedi Haidd i'r Morfa

Dydd Mawrth. Diwrnod teg ac yn sychu yn dda hynod. Y Meibion yn medi Haidd yn y Morfa. Griffith Jones Tailiwr Tremadoc yn dwad yma Y Meibion yn dechreu cynull Ceirch efo'r nos yn y Morfa, ac yn cynull hyd hanner awr wedi unarddeg o'r gloch y nos. Yna gwlaw trwm iawn

Dydd Mercher. Diwrnod dwl ac yn bwrw cawodydd trymion Eisteddfod y Nhaernarfon. Y Meibio yn soflio peth Ceirch yn y Morfa yn gorphen torri Ceirch Hendratyfi ac yn torri ambell dipyn o Haidd yn y Morfa. Gweision G. Jones Tailiwr yn dwad yma

Dydd iau. Diwrnod dwl sych. Y Meibion yn lladd haidd yn y Morfa Yn dwad yn wlaw at y Prydnhawn, y meibion yn dwad i fynu. W Williams yn mynd i raffio Da^s y Beudy newydd. Sion Morris a Wil Sion yn glanhau'r Sgubor. Dic yn mynd i'r Mynudd, at y Taicochion, i chwilio am ben gwlanog oeddwn wedi cael hanes ei fod yno, ac misio ei gael

Dydd Gwener. Diwrnod dwl gwlawog. gwlaw trwm iawn neithiwr Sion Morris a Wil Sion yn agor ffo^s y nghors tyddyn llewelyn. Elin a minau yn mynd i Dremadoc i'r Farchnad

Dydd Sadwrn. Diwrnod niwliog ac yn bwrw gwlaw ma^n mwll  Y Meibion yn soflio'r Ceirch. Y Fi yn mynd i Langybi ac yn dyfod adref erbyn hanner nos wedi ymdroi peth y Nghriccieth.

Dydd Sul. Diwrnod niwliog ac yn bwrw gwlaw ma^n mwll. Mr. Owen Aberglaslyn yma.