Y Tywyddiadur

Dydd Gwener. Diwrnod sych teg. Y Meibion yn carrio mawn i Gaegoronw. Mam wedi mynd i Fronygadair. Fi wedi bod yn Tremadoc yn y Farchnad

Dydd Sadwrn. Diwrnod sych teg. Y Meibion yn carrio Mawn o Gaegoronw. Elin a Beggy Owen wedi bod y Mhenmorfa. Mr Painter Amlwch ai Wraig yn galw yma. G Jones Tailiwr yma'n gosod Cyrtansia ar Ffenestri. Wil Sion Japheth o Langybi yma'n nol y gwlan Wyn.

Dydd Sul. Diwrnod dwl gwlawog. Morris Jones Siopwr Tremadoc yma yn y Prydnhawn.

Dydd llun. Diwrnod sych teg. Y Meibion yn cario mawn o Gaegoronw Fi yn mynd i Boreu i osod Clawdd i'w wneud rhwng y ddau Gaegoronw a rhwng Caegoronw isa a'r Mynudd i'w drwsio. Swllt y rhwd am drwsio'r hen glawdd a phum swllt a chwech cheiniog am wneud y Clawdd newydd. Beggy Llidiart 'spyty yma yn y Prydnhawn. Mam Siani Griffith yma.

Dydd Mawrth. Diwrnod cymylog ac yn bwrw ambell gawod. Dic a Wil Sion yn gorphen carrio Mawn Caegoronw ucha, ac yn dechreu tynu Clorenod yn y Buarth  gwyn iw cadw. Fi efo W. Williams yn gwneud un pentan Adwy Cadlas y Beudy ucha. Richd. Ellis Reiniog yma'n nol Treth Tylodion.

Dydd Mercher. Diwrnod niwliog budr ac yn bwrw gwlaw ma^n y rhan amlaf. Y Meibion yn tynu Clorenod yn y boreu. Yn mynd ar ol Ciniaw a tho at Dda^s mawn Caegoronw isa W. Williams a Dic yn mynd ar ol Prydnhawnbryd yno iw Toi a Wil Sion yn mynd at Owen Owens Portreuddyn i gau rhwng y ddwy Weirglawdd ucha.

Dydd iau Diwrnod lled fudr. Y Meibion yn tynu Clorenod

Dydd Gwener Diwrnod sych lled oer. Y Meibion yn tynu Clorenod Fi ac Elin yn mynd i Langybi

Dydd Sul Diwrnod gwlawog dryghinllyd. Mam yn dyfod adref Fi ac Elin yn Llangybi

Dydd Sul. Diwrnod gwlawog dryghinllyd Fi ac Elin yn Llangybi

Dydd llun. Diwrnod budr iawn ac yn bwrw cawodydd trymion Ffair y Nghriccieth Fi ac Elin yn dyfod yno o Langybi gartref erbyn deg.

Dydd Mawrth. Diwrnod teg ac yn bwrw ambell gawod. Y Meibion yn y Prydnhawn yn tynu Clorenod yn y Bryncoch. Fi wedi bod yn Penmorfa yn disgwyl cyfarfod ynghylch symud y Dollfa o Benmorfa yn cael fy siomi. gartref cyn deg

Dydd Mercher. Diwrnod sych teg. Y Meibion yn tynnu Clorenod yn y Bryncoch. Fi wedi bod yn Caegoronw efo'r bobol oedd yn codi Cerrig at y Clawdd rhwng y ddau Gaegoronw, yn misio lladd Ysgyfarnog y ngallt y Tymawr wrth ddyfod adref

Dydd iau Diwrnod gwlyb budr a gwlaw trwm ganol dydd Y Meibion yn gorphen tynu Clorenod y Bryncoch ac yn mynd yn y Prydnhawn i drwsio'r clawdd rhwng yr Allt a chae'r lloia Yr Heffer folwen yn cymeryd Tarw. Sion Hugh Drwsyrymlid yma

Dydd Gwener. Diwrnod dwl budr. Y lloia yn mynd o'r Morfa i Weirgloddia'r Tymawr. Wil Sion a Dic yn mynd i Gaegoronw i agor Ffosydd. Fi yn mynd i Dremadoc i'r Farchnad

Dydd Sadwrn. Diwrnod niwliog ac yn bwrw gwlaw ma^n claiar  Wil Sion a Dic y Nghaegoronw yn agor Ffosydd. W. Williams wedi mynd a dau sachad a hanner o Geirch i'r Felin iw falu i'r Moch a phwn o Haidd hefyd yno iw falu. Yr Odyn yn llawn iawn

Dydd Sul. Diwrnod niwliog ac yn bwrw gwlaw ma^n claiar yn y boreu. Edward Davies Gweinidog y Capel Helig yn Ynuspandy yn Pregethu am ddeg o'r gloch yn y boreu.

Dydd  llun. Diwtnod clir teg. Y Meibion yn tynu Clorenod yn y Buarth gwyn

Dydd Mawrth. Diwrnod dwl lled oer, ac heb fwrw dim gwlaw  Yn hel y Defaid, ac yn cneifio pum ugain a phymtheg o Famoga yn marcio ugain at ei gwerthu. Yn marcio deuddeg a deugain o Fyllt a hesbyrniaid.

Dydd Mercher. Diwrnod lled oer ac yn bwrw ambell gawod drom Y Meibion yn tynu Clorenod yn y buarth gwyn. Bachgen John yr Osler yma'n danfon llythur oddiwrth Mr. Holland

Dydd iau. Diwrnod gwlawog dryghinllyd. Owen Humphreys y Clenenney yn dwad yma. Fi yn mynd efo fo i Benmorfa i'r Festri

Dydd Gwener. Diwrnod gwlawog dryghinllyd iawn. Y Meibion yn gorphen tynu clorenod yn y boreu. Fi heb fynd i'r Farchnad

Dydd Sadwrn. Diwrnod dwl yn y boreu a gwlaw trwm iawn yn y Prydnhawn. Y Meibion wedi bod yn y Mynudd yn codi peth Cerrig Dyn oddiwrth Mr. Williams Bennar, (y Steward) yn danfon Warning a Llythur oddiwrth Mr. Williams yma ac yn cysgu yma. Fi wedi yn Ffowlio yn gweld dwy Ysgyfarnog, yn dwad adref heb ladd dim

Dydd Sul. Gwlaw a chenllysg trwm iawn yn y boreu Eira tew ar bennau'r Mynyddau a pheth yn sefyll hyd y gwaelodion. Yr Eira cyntaf yn ymddangos Eleni

Dydd llun Diwrnod sych lled oer. Y Meibion yn codi bwlch y nghlawdd Gwinllan y Tymawr ac yn dechreu torri Trains ynghae Porfa y Tymawr wrth Adwy y Mynudd. Fi yn mynd i Griccieth i'r Cyfarfod Ustusiaid yn dwad adref erbyn unarddeg o'r gloch