Y Tywyddiadur

Dydd Sul  diwrnod dwl lled oer. Y Mam ac  E Griffith yn mynd i Erwsuran i’r Bregeth. Will yn mynd i’r Ty ucha. Mam, Griffith Elin a Betty yn mynd i’r Dre Madoc i’r Bregeth are eu traed. yn dyfod yn ddryghin. Yfi yn gyrru tri cheffyl yno iddynt ddyfod adref

Dydd llun Diwrnod lled oer ac yn bwrw peth eira yn y boreu yn gyru’r helm Haidd i mewn Owen wedi mynd a Jack[ceffyl?] i’r Efail. E Griffith yn mynd adref Elin a Betty yn mynd i Dyddynadi. Will a Huwcyn y Prydnhawn yn y Morfa yn gwastadau tyllau  Sion yn Dyrnu

Dydd Mawrth. Diwrnod teg braf wedi rhewi’n bur galed. Y Meibion yn mynd a llwyth o’r hen wair o’r Morfa i’r Beudyucha. Will yn mynd i’r Morfa i ddechreu Aredig

Dydd Mercher Diwrnod lled ddwl ac yn bwrw peth. Will yn y Morfa yn Aredig Huwcyn yno yn gwasdadau  Minau yn mynd i Dremadoc i ddanfon fy Esgidiau i’w trwsio ac i chwilio am rai newyddion. yn dyfod adref erbyn hanner awr wedi 9

Dydd iau Diwrnod oer dryghinllyd ac yn bwrw eirlaw. Cyfarfod Dissenters yn Carreg y Felin ar dir yr Eisteddfa plwy Ynyscynhaearn. Y Mam wedi mynd yno, Will yn y Morfa yn Aredig. Huwcyn a Sion yno yn gwastadau tyllau Owain wedi mynd a’r Ebolas i’r Efail

Dydd gwener  Diwrnod oerllyd ac yn lled fwrw eira ac wedi bwrw peth neithiwr. Y Meibion yn y morfa yn gwastadau Yfi yn trwsio dor y Beudyucha yn mynd i Dremadoc i’r Farchnad

Dydd Sadwrn  Diwrnod oer wedi rhewi’n bur galed. Yfi yn mynd i Gaernarfon efo Morris Jones a Rob.t Jones Tremadoc mewn Chaise i ymofyn Drain gwynion i’w planu oddiwrth John Norton Caemawr ac yn ymdroi peth yn Tyddyn Elen ac yn dyfod adref erbyn hanner nos.

Dydd Sul Diwrnod teg braf wedi rhewi’n bur galed. 

Dydd llun  Diwrnod teg wedi rhewi’n bur galed. Y Meibion yn carrio’r calch oeddwn wedi ei gael i Rundre’r Ty i Hendratyfi i Bytatws. Griffith Williams Overseer yma yn nol Treth y Tlodion. Owain wedi bod a Denbigh [ceffyl?] yn yr Efail. minau  wedi bod yn goddeithio Cors Cae’rhafodty a pheth o’r ochr, ac yn gweithio peth ar y Clawdd yn y drws.

Dydd Mawrth. Diwrnod dwl tebig i fwrw eirlaw. Y Meibion wedi mynd i Reiniog i nol y llwyth mawr. Y ddau oen bach cyntaf yma yn dwad. Yn bwrw gwlaw yn y Prydnhawn

Dydd Mercher. Diwrnod lled Ddryghinllid ac yn bwrw cafodydd. Y Meibion yn nol gwair o Gaegoronw. Sion yn darfod dyrnu un helm Haidd. Minau yn mynd i Dremadoc i’r Cyfarfod Cyffredinol Cymdeithas Eifionydd ar Cospi Lladron. Unarbymthegarhugain o’r aelodau yn Ciniawa Will yn dyfod a’r ceffyl i fy nol ac yn dyfod adref cyn deg

Dydd iau  Diwrnod lled oerllyd. Y Meibion yn mynd i’r Morfa i Aredig ac i wastadau. Yn dwad yn lluwch mawr y Meibion yn dwad i fyny o’r Morfa ac yn mynd i nithio’r Haidd

Dydd gwener  Diwrnod teg wedi rhewi’n bur galed. Will yn mynd i Aredig i Gae’r hendra a’r lleill yn gorphen nithio’r haidd. ac yn mynd i buro. Minau yn mynd i Dremadoc i’r Farchnad. Yn gwerthu’r Gwartheg allan (Bustuch) i Tom Davies gwas M.r Williams Coedaeres. ac yn dyfod adref erbyn naw o’r nos 

Dydd Sadwrn. Yn bwrw eira’n lled drwm yn y boreu Will yn mynd i Aredig i Gae’r hendra Sion yn Cau Clawdd yr Ardd. Owain yn mynd a Captan [ceffyl?]a Farmer [ceffyl?] i Efail Sion Evan Pentra’r Felin. o ran nad oedd werth mynd a hwy at ‘ofaint Tremadoc. Yn mynd efo’r Meibion i chwilio am ddau gi oedd dieithr oedd o gwmpas Hendra howel oeddis yn eu drwg dybio yn cerdded llawer hyd ôl eu traed yn yr eira ac yn dyfod hyd i’r ddau yn gorwedd ar ben cae Hendra howel yn Saethu at un ohonynt a’r ddau yn mynd i lawr heibio i Bortreuddyn i’r Ffordd fawr Will ac eraill yn mynd are eu hol ac yn lladd un sef gâst Sion Hugh Cerrigyrhwydwr yno

Dydd Sul Diwrnod teg yr eira yn parhau ac wedi rhewi’n bur galed. Yfi’n mynd i Benmorfa i’r Llan. Huwcyn yn cael Mam oen bach wedi dwad tros y graig wrth Trwyn y garreg. Y finau yn cael oen bach yn yr allt wedi i Fam ei adael y ddau yn dwad at y Ty . Yn cael hyd i Fam arall.   

Dydd llun  Diwrnod teg-distaw wedi rhewi’n galed. Ffair yn Pwllheli Yn gyru’r helm haidd ddiwetha i mewn. Y meibion yn nol llwyth o wair o’r Morfa i’r Beudy Newydd ac ar ol darfod yn teilo oddiyno i Hendra tyfi y ddau oen bach wedi marw. Yn mynd a llwyth o’r hen wair y Morfa i’r Beudyucha. Yn talu chwech swllt o’i gyflog i Owen Jones mab Sion Jones Pant llwyd Sion y Dyrnwrai wraig yn mynd a Thelaid o Haidd adref

Dydd Mawrth  wedi bwrw eira yn o drwm. Yfi yn gwneud caead i’r Drol. Ffair yn Penmorfa Y meibion yn teilo oddiwrth y Beudy Newydd i’r Gelli wastad . Fi yn mynd i’r ffair Robt Lloyd yma yn Pwyso’r Caws chwech chant a deuddeg pwys a deugain

Dydd mercher Diwrnod teg Y meibion yn mynd i’r Morfa i Aredig. Fi yn mynd i Ffair Ffestiniog Yn gwerthu’r menun [sic.]  ac yn prynu ceirch hâd o Gwernhowel Sir Dymbych [sic.]

Dydd iau Diwrnod dwl lled niwlog claiar. Will yn aredig yn Cae’rhendra y lleill yn gwastadau yn y Morfa. 

Dydd gwener Diwrnod hindda lled wyntog. Y Meibion yn y Morfa yn aredig Fi’n mynd i Dremadoc i’r Farchnad . ac yn cael arian y Moch gan Harry Owen

Dydd Sadwrn  Diwrnod teg ffeind wedi rhewi ‘chydig. Y Meibion yn y Morfa yn Aredig. Yn disgwyl Owen Humphreys yma hyd unarddeg o’r gloch i fynd i osod y Ffordd fawr i’w thrwsio tan allt y llys  yn gorfod mynd fy hûn ac yn ei gosod am 1/3 [s/d] y rhwd, a 6 swllt am wneuthur dwy gwtar. Yn mesur clawd sydd yn yr allt gyd efo Humphrey Lloyd wrth ddyfod adref 15 Rhwd a hanner

Dydd Sul  Diwrnod teg lled wyntog ... 

Dydd llun  Diwrnod Claiar distaw. Y Meibion yn y Morfa yn Aredig. Evan James a Robert Griffith (ei fab ynghyfraith) yn dyfod yma i Lifio. Y Meibion yn dwad a llwyth o wair o’r Morfa i’r Beudy Newydd.

Dydd Mawrth  Diwrnod gwlawog a niwlog yn y boreu. Y meibion yn nol gwair o Gaegoronw Lexiwn yn Harlech Harry Edward Hendrasela yma yn nôl Hobad o Haidd am Gini

Dydd Mercher  Diwrnod niwlog claiar hynod. Will a Huwcyn yn y Morfa yn Aredig Fi yn mynd i Gynhebrwng Edward David Braich y Dinas. Betty yn mynd i Gynhebrwng Gwraig Evan Ellis y Gôf i’r Ynyscynhaiarn. Y fi yn ymdroi yn y Clenney. Ac yn mhenmorfa ac yn dyfod adref erbyn unarddeg o’r gloch y nos