Y Tywyddiadur

Dydd Sul. Diwrnod lled wyntog ac yn bwrw ambell gawod oer Yn mynd i Dremadoc i wrando ar Edward Davies yn Pregethu  Morris Jones Siopwr yn dwad efo mi adref  Elin yn aros yno

Dydd llun. Diwrnod sych oer lled wyntog. Dic wedi bod yn y Ffarm Yard yn nol hespwrn. Yn mynd a llwyth o Wellt i’r Beudy ucha, ac yn mynd i Deilo i’r Caelleppa ucha

Dydd Mawrth Diwrnod teg distaw claiar. Wil Sion wedi mynd a’r Ebol i’r Efail. Mary wedi mynd a phwn o Haidd i’r Felin isa y lleill yn teilo yn y Bryncoch i Fytatws [sic.], Richd. Ellis yma’n seinio’r Assessment i hel treth tylodion [sic.]

Dydd Mercher Diwrnod teg distaw. yn rhoi’r Helm Haidd ddiwaetha [sic.] i mewn. Yn teilo i’r Caelleppa ucha. Wil Owen wedi bod ac Aradr y Morfa yn yr Efail. Wil y Gorllwyn yma yn gwneud Cewill [sic. cewyll]. Fi yn tori rhai Clorenod.

Dydd iau. Diwrnod teg distaw claiar. Yn dwad a Llwyth o Wair o’r Morfa i’r Beudy newydd. Yn mynd i hel mamoga [sic. mamogiaid] iw gwerthu, Harry Owen yma yn prynu ugiain [sic.] Wil Sion a Dic yn ei danfon i’r Dref. Wil y Gorllwyn yn dechreu dal tyrchod daiar [sic.]. Wil Owen wedi mynd i’r Efail i nol Aradr y Morfa [darlun o jwg ar ochr y dudalen]

Dydd Gwener. Diwrnod teg distaw. Yn dwad a dwy siwrna o Wair o Gaegoronw i’r Beudy ucha. ac yn dechreu aredig yn Gwern clowna. Sion Hugh Drwsyrymlid yma eisia cau y rhaniadauy mynudd Llanfair.  Fi yn efo fo i’r Farchnad. Yn cael basged o Pwllheli Gaernarfon a plans [sic. planhigion?] Cabbage a phys ynddi heb wybod oddiwrth bwy. Yr oen bach cyntaf eleni yma

Dydd Sadwrn. Diwrnod dryghinllyd iawn. Yn gorphen aredig Gwernclowna. Fi yn planu [sic.] tri dwsin o Fresych cynar yn yr ardd [darlun o botel ar ochr y dudalen] 

Dydd Sul. Diwrnod budr yn bwrw gwlaw dwys claiar ar hyd y dydd. [darlun o lythyren P addurnedig ar ochr y dudalen]

Dydd llun. Diwrnod dwl mwll, Yn dechreu Aredig yn yr hen Forfa Gwair

Dydd Mawrth. Diwrnod dwl mwll ac yn bwrw gwlaw dwys weithia. Mwinig yn dwad a Llo rhwng un a dau o’r gloch y boreu heddyw [sic.], ac yn bwrw ei Llestr Llo. yn ei roi yn ei ol, hithau yn sâl iawn trwy’r dydd. Fi wedi bod yn Tremadog. W.Williams yr hên Wâs yn dwad a Brithylliad [sic.] yma. Wil Sion Japheth yn dwad a Llythur [sic.] yma o Langybi, yn dechreu Aredig yn y Cae main,

Dydd Mercher. Diwrnod dwl mwll, ac yn bwrw gwlaw mân dwys claiar, Sionun wedi bod a’r Cwlltwr yn yr Efail- yn Aredig yn y Cae main  

Dydd Iau. Diwrnod dwll [sic.] mwll, ac yn bwrw gwlaw mân dwys  Yn Aredig yn y Caemain, yn dal yr Ebol gwina (Farmer) gynta Eleni Mari wedi mynd a Thelaid o Wenith i Felin rhyd Benllig iw Falu Sion Jones Glanygors yma'n trwsio’r Beudy ucha. Yn rhoi Wya dan yr Wydd. Fi yn mynd i’r Festri yr oedd yr ofersirs [sic. overseers] yn rhoi eu cyfri i fynu [sic.] William Robert Baili yma’n danfon rhybudd imi fynd i’r Sesiwn

Dydd Gwener. Diwrnod dwl distaw claiar Yn Aredig yn y Caemain. Yn planu Ffa a Phys gyntaf eleni Fi yn mynd i Dremadoc i’r Farchnad. Elin yn mynd i Langybi

Dydd Sadwrn. Diwrnod sych lled oer. Yn gorphen Aredig y Caemain. Fi yn mynd i Langybi, yn ymdroi peth y Nghriccieth

Dydd Sul Diwrnod sych lled oer

Dydd llun. Diwrnod sych lled oer. Fi ac Elin yn dwad adref o Langybi. Fi yn ymdroi peth yn y Cyfarfod Ustusiad y Nghriccieth  Dafad yn misio dwad ac oen Fi yn ei dynnu yn ddarnau wedi Madru [pydru]. Y Meibion yn Aredig yn y Morfa

Dydd Mawrth, Diwrnod niwlog claiar. Y Meibion yn Aredig yn y Morfa. Fi wedi bod yn y Traeth yn Genweirio. Yn dal y ddau Lwdwn oedd wedi bod yn y Farm Yard, a Llwdwn y Farm Yard efo hwy. Robt.Sion Hendrahowel yma

Dydd Mercher. Diwrnod dwl lled fudr. Y Meibion yn nol Gwair o Gaegoronw i’r Beudy ucha, ac yn dwad a llwyth o Wair o’r Morfa i’r Beudy ucha  Richd.Ellis yma’n nol Trethi Tylodion [sic. tlodion]. Yn lladd y ddau lwdwn [sic.lwdn]

Dydd iau. Diwrnod dwl budr claiar. Yn Aredig yn y Morfa  Fi wedi bod y Mhenmorfa yn y Festri

Dydd Gwener. Diwrnod teg distaw. yn Aredig yn y Morfa Wil Sion yn diwedd dyrnu’r Haidd. Fi yn mynd i’r Farchnad i Dre Madog [sic.]. Mr.Williams y Benar yno

Dydd Sadwrn. Diwrnod gwlawog iawn yn y boreu a gwynt trwm iawn yn y Prydnhawn. Yn Aredig yn y Morfa. Fi yn mynd i Langybi i osod Ty Tynlôn iw wneud. Elizabeth Griffith Llangybi yn galw yma wrth ddyfod Adref o Ffair Wrexham. ac yn fy nghyfarfod i wrth Llanystymdwy [sic.] wrth fynd adref

Dydd Sul Diwrnod sych oer wedi rhewi peth neithiwr. Fi wedi bod yn y Llan

Dydd llun. Diwrnod gwlawog yn y boreu, ac yn rhoi eira hyd bennau’r mynyddau. teg a sych yn y Prydnhawn. Yn dwad a dwy siwrna o wair o Gaegoronw i’r Beudy newydd. Yn dechreu teilo o’r Domen yn y Caemain i’r Caelleppa ucha. Fi wedi bod yn Tremadoc yn prynu deunydd hosanau botymog Pedwar o bobol yn dechreu trwsio clawdd mynudd [sic.] Tymawr

Dydd Mawrth Diwrnod sych teg. Yn gorphen teilo’r Caelleppa ucha. Prentis Risiart Robert y Crydd yn danfon Par o Esgidia newyddion, a Phar o Esgidia wedi ei gwadnu i mi  Griffith Jones y Tailiwr [Sic. teiliwr] yma yn gwned [sic.] gwasgod a hosanau botymog newyddion i mi

Dydd Mercher. Diwrnod dwl sych. Yn dwad a dwy siwrna o Wair o Gaegoronw i’r Beudy newydd. Yn Hau Winiwns [sic.] a Llysiau cochion [moron??] cynnar. Yn dechreu Llyfnu Ceirch du, yn Wernclowna ddaliad y Prydnhawn. Humphrey Parry (alias Hwmphra’r Bîg ) yma’n prynu crwyn defaid.