Y Tywyddiadur

Dydd iau Diwrnod dwl tebig i wlaw. Yn Llyfnu’r Weirglawdd [sic.] ucha ac yn dechreu llyfnu’r Caelleppa ucha. Robt. Griffith y saer yn dwad yma, ac yn mynd ai Arfa i ffwrdd. Fi yn mynd at Gaernarvon at y Sesiwn

Dydd Gwener. Diwrnod sych oer. yn diwedd llyfnu’r Cae lleppa ac yn dechreu llyfnu y Caemain. Yn mynd ar Ymenyn i’r Dref y Dyn heb ddwad yno iw bwyso. Fi y ‘Nghaernarfon [sic.] yn y Sesiwn

Dydd Sadwrn. Diwrnod sych oer, Yn diwedd llyfnu y Caemain. Y Fuwch a fwriodd ei Llestr Llo yn marw. Fi yn dwad adref o Gaernarfon

Dydd Sul Diwrnod sych oer Sul y Pasg Fi wedi bod yn y llan

Dydd llun y Pasg. Diwrnod sych oer. Fi yn mynd i Gaernarvon Eira tew hyd bennau’r mynyddau. Hugh Griffith Druggist yn dwad i fy anfon i’r Bettws. Fi yn cysgu yno

Dydd Mawrth. Diwrnod sych oer ac yn bwrw ambell gawod o Eira. Yn aredig yn y Morfa. Y lleill yn curo biswail. Fi yn dwad adref wedi cysgu neithiwr yn y Bettws

Dydd Mercher. Diwrnod sych oer ac Eira hyd benna’r mynydda [sic.] Yn dwad a siwrna o Wair o Gaegoronw i’r Beudy ucha a siwrna i’r Beudy newydd, y lleill yn curo biswail. Yn aredig yn y Morfa ddaliad y Prydnhawn. Ann Sion yn dwad a lleda [sic. lledod?] yma. Dynion yn marcio rhan Madocks o’r Morfa. Wil Owen yn danfon Croen y Fuwch i’r Barcdy yn pwyso pump deg wyth

Dydd iau Diwrnod sych oer Dic wedi mynd a’r tri cheffyl gweithio i’r Efail. Y ddau arall wedi bod yn cau clawdd Mynudd [sic.] y Tymawr. Yn diwedd chwalu biswail. Sion Glanygors yma yn nol tâl am godi bwlch y nghlawdd y mynudd wrth adwy Tyddynllewelyn

Dydd Gwener Diwrnod gwyntog oerllyd ac yn bwrw’n drwm ganol dydd. Yn Aredig yn y Morfa. Evan James yn dwad yma i drwsio hen lestri. Fi heb fod yn y Farchnad. Pwnn [sic.] o Haidd wedi bod yn y Felin

Dydd Sadwrn. Diwrnod sych gwyntog. Yn dwad a dwy siwrna o Wair o Gaegorornw i’r Beudy newydd ac yn mynd ddaliad y Prydnhawn i Aredig i’r Morfa. Wil Sion yn palu’r Ardd  Ffair yn Tremadog. Fi yn mynd yno. Elin yn dwad yno

Dydd Sul. Diwrnod distaw claiar Elin a minau  wedi bod yn Cae Eithin tew yn y Prydnhawn

Dydd llun Diwrnod teg distaw claiar. Fi yn mynd y boreu i fesur clawdd mynudd [sic.] Tymawr oedd wedi cael eu drwsio ac yn talu pedair punt a hanner Coron am ei drwsio. Wil Sion yn trwsio clawdd y mynudd y lleill yn Aredig yn y Morfa, Owen Humphreys Clenenney yma yn plannu Ffa a phys yn yr Ardd, yn gosod y Caeglâs i Wm,Edward am ddegswllt a deugiain [sic. deugain]

Dydd Mawrth. Diwrnod sych teg. Yn Aredig yn y Morfa Wil Sion yn cau Trainsia [sic.] yn y Tymawr. Fi yn mynd i Benmorfa at Mr.Williams Dolgelley ac yn mynd iw ddanfon i’r Towyn

Dydd Mercher. Diwrnod sych teg  Yn darfod aredig yn y Morfa, ac yn Aredig y Tir Clorenod yn y Buarthgwyn Robt.Sion Hendrahowel yma’n chwilio am goed at y Llidiart Terfyn Tymawr, Owen Roberts Tyddynwisgin yma’n yfed Tê y Prydnhawn

Dydd iau Diwrnod teg distaw. Yn dechreu llyfnu yn y Morfa. Fi wedi yn y mynudd [sic.?] mewn cyfarfod oedd genum [sic. gennym] i settlio am droi Defaid pawb i ffordd ar nad oedd yn perthynu iddo

Dydd Gwener.Diwrnod dwl claiar. Yn troi’r Defaid hespion i’r mynudd, ac yn mynd ddaliad y Prydnhawn i’r Morfa i lyfnu. Mr.Owen Aberglâslyn yn galw yma y tro cyntaf wedi dyfod adref. Fi wedi bod yn y Farchnad yn cael llythyr oddiwrth John Williams Plâsybrain. Mam wedi mynd i’r Bettws fawr

Dydd Sadwrn. Diwrnod dwl claiar, yn y boreu, dryghin at y Prydnhawn. Yn diwedd llyfnu ceirch yn y Morfa. Grace Jones Cae’r Eithintew yn dwad yma at Elin sydd a Dolur o ei gwddf Gwlaw trwm am ‘chydig yn y Prydnhawn

Dydd Sul. Diwrnod dwl lled oer. Fi wedi bod yn y llan

Dydd llun. Diwrnod sych gwyntog ar ol cawodydd trymion yn y boreu Sion Morris yn dwad yma. yn troi Defaid i’r Mynudd yn puro Haidd hâd, yn dechreu plannu Clorenod yn y bryncoch Fi wedi bod yn Tremadoc yn pwyso’r Ymenun, gartref erbyn Ciniaw. Grace Jones Cae’r Eithintew yma. Yn rhoi’r Dyrcan i eisde [sic.] Fi wedi bod yn Tremadoc yn edrych oedd Mr.Williams Benar wedi mynd trwadd i Benmorfa . Tremadoc yn cael ei goleuo am eni etifeddes arni

Dydd Mawrth. Diwrnod dwl claiar. Yn llyfnu Haidd yn y Morfa a Mary Tomas Cwmystrallyn yma

Dydd Mercher. Diwrnod dwl claiar. Yn gorphen llyfnu Haidd yn y Morfa ac yn llyfnu ‘chydig o geirch yn Cae’r hendra. W.Sion Japheth yma. Fi yn gwneud Genwair

Dydd iau. Diwrnod teg claiar ar ol gwlaw lled drwm yn y boreu Yn Aredig lle i Glorenod yn Cae’r Hendra. Sion Morris yn colli hanner diwrnod. Fi yn mynd i Benmorfa i’r Festri i roi cyfri yr Wardeiniaeth i fynu

Dydd iau [sic. Gwener]. Diwrnod dwl gwyntog. Yn troi’r Defaid a’r Wyn i’r mynudd, yn marcio saithdeg pedwar o Wyn. Yn darfod aredig Tir i’r Clorenod. Fi wedi bod yn Tremadoc yn y Farchnad

Dydd Sadwrn. Diwrnod claiar teg. Yn dwad a siwrna o Wair o Gaegoronw i’r Beudynewydd. Yn gorphen planu Clorenod yn y bryncoch. Yn clywed y GOG gyntaf eleni. Yn llyfnu Haidd yn y Buarth gwyn. Diwedd y Llyfnu. Yn dechreu Teilo i Glorenod Fi yn hau Cucymerau

Dydd Sul. Diwrnod teg claiar...