Y Tywyddiadur

Dydd Mawrth. Diwrnod gwresog mwll iawn. Yn lladd gwair yn y Morfa. Fy Ewythr Owen Edwards Tyddyn y gwynt yma Evan James yn mynd i’r Dref i nol Cylcha haiarn

Dydd Mercher. Diwrnod gwresog mwll iawn. Yn tyrru peth o’r Glofer yn y Morfa, ac yn lladd gwair yn y Morfa bâch

Dydd iau. Diwrnod dwl sych. Yn carrio Gwair y Morfa ucha Betty Owen yma

Dydd Gwener. Diwrnod gwresog iawn a mwll, yn gorphen lladd gwair dâs y Morfa, ac yn carrio peth gwair. Fi yn mynd i Drefmadog [sic.] i’r Farchnad

Dydd Sadwrn. Diwrnod gwresog iawn a mwll. Wil Owen wedi bod yn danfon llwyth o lechi Toi o Fronyfoel i’r Cwrtucha y lleill yn chwynu’r Yd, ac yn gorphen carrio Gwair y Morfa  Cennad yn dwad yma oddiwrth Morris Jones Tremadoc eisia imi fynd yno i’w gynorthwyo mewn trwbwl oedd arno oddiwrth Robt.Morris Fi yn mynd yno, yn cael Pysgodyn bychan i ddwad adref

Dydd Sul. Diwrnod gwresog iawn a mwll, ar ol bwrw peth gwlaw yn y boreu. Evan Williams a’i Wraig  yma yn y Prydnhawn

Dydd llun. Diwrnod dwl niwlog yn y boreu ac yn bwrw peth gwlaw. Fi yn mynd efo Morris Jones i Bwllheli ac yn dwad trwy Langybi adref. Y Meibion yn gwneud lle i’r gwartheg gael dwfr, ac yn trwsio Dâs gwair yn y Morfa

Dydd Mawrth. Diwrnod dwl yn y boreu a gwres mawr at ganol dydd. Y Meibion yn gwneud pen Dâs gwair yn y Morfa Ellis Owen Cefnymaesydd yma

Dydd Mercher. Diwrnod dwl yn y boreu ac yn bwrw gwlaw trwm  gwres mawr at ganol dydd. Y ddau Wil yn yn [sic.] trwsio’r gwttar fawr yn y Morfa Dic a Sionun yn torri rhedyn. Wil Owen yma’n nol benthig Yslêd [sic.]  

Dydd iau. Diwrnod sych mwll. Y Meibion yn torri rhedyn Fi wedi bod yn Crafnant ac yn Tyddynygwynt

Dydd Gwener. Diwrnod gwresog mwll Fi wedi bod yn Tremadoc Y Meibion yn trwsio Dâs gwair y Morfa

Dydd Sadwrn. Diwrnod gwresog mwll. Y Meibion yn lladd rhedyn Ffair yn Criccieth Fi yn mynd yno  Owen Roberts ai Wraig yn dwad efo mi adref

Dydd Sul Diwrnod sych dwl –

Dydd llun. Diwrnod dwl. Sion Hugh a Sion Morris yn dwad yma. Yn dechreu ar y gwair yn Caegoronw

Dydd Mawrth. Diwrnod gwlawog iawn yn y boreu teg at y Prydnhawn. Yn lladd gwair yn Caegoronw...

Dydd Mercher. Diwrnod dwl mwll. Yn diwedd lladd gwair Caegoronw ucha ac yn dechreu lladd gwair Caegoronw isa Ellis y Pladurwr yn dwad yma. Mr.Owen Aberglâslyn yma’n ymdroi Yn tynu Clorenod newyddion gyntaf eleni

Dydd iau. Diwrnod niwlog mwll ar ol gwlaw trwm yn y boreu. Yn lladd gwair yn Caegoronw isa

Dydd Gwener. Diwrnod dwl mwll. Yn lladd gwair yn Caegoronw isa. Will Owen a Dic yn trwsio Dâs gwair y Morfa ac yn dechreu ei doi. Fi yn gollwng pedair hanner rhaff rawn, ac yn mynd i Dref Madoc [sic.] i’r Farchnad

Dydd Sadwrn. Diwrnod dwl sych. Yn carrio Gwair Caegronw [sic.]ucha

Dydd Sul. Diwrnod dwl sych  Fi wedi bod yn y llan. Elin a minau yn mynd i Aberglâslyn yn Prydnhawn yn cael llythyr yno oddiwrth Mr.Williams Benar

Dydd llun. Diwrnod dwl sych, ac yn bwrw dafna gwlaw yn y Prydnhawn Yn carrio y rhan fwyaf o Wair Caegronw [sic.]isaf. Elin wedi bod efo mi yno

Dydd Mawrth. Diwrnod gwlawog iawn. Yn diwedd lladd gwair yn Caegoronw, ac yn dechreu peth yn Tymawr yn y Prydnhawn. Fi wedi bod yn y Dinas ddu yn siarad ynghylch y Pysgotta, ac yn cael fy ngwlychu’n drwm wrth ddyfod adref. yn mynd ar ol Ciniaw i Drefmadog [sic.]. Trol Wm.Jones ‘Sgubor hen yn nol llwyth o frwyn yn y Morfa

Dydd Mercher. Diwrnod dwl claiar. Yn anialwch hyd yr Henerw ac yn ei garrio i ffwrdd ac yn torri rhedyn y nghaerfoty ar Caeglas, ac yn torri’r anialwch wrth Lidiart bryn magl  Evan James yn dwad yma. Mr.Owen Aberglaslyn yma’n ymdroi yn y Prydnhawn

Dydd iau. Diwrnod dwl claiar gwlawog. Tri o’r Meibion yn torri rhedyn yn caea’r Tymawr ac yn mynd i flaen y Coed i dorri rhedyn ar ol Ciniaw. Y lleill yn mynd a thô at Ddâs gwair Caegoronw, ac yn gorphen torri’r anialwch wrth Lidiart Bryn magl. Fi wedi bod yn Reiniog yn siarad efo Richd.Ellis ynghylch Pysgotta Llyncwmystrallyn [sic.]. Y Merched wedi bod yn Caegoronw yn gorphen casglu’r Gwanafa.

Dydd Gwener. Diwrnod dwl claiar. Y Meibion yn mynd i Gaegoronw i dynu cerrig at y Clawdd rhwng y ddau Gaegoronw. Fi yn mynd i Drefmadog i’r Farchnad, ac oddiyno i Benmorfa at Mr.Williams Benar. Evan Evans Pwllheli yn dwad efo mi adref