Y Tywyddiadur

Dydd iau  Diwrnod teg Claiar hynod, Sion Jones Pantllwyd yn mynd ar trondal cyntaf o ddrain i’w planu yn y Clawdd sydd yn mynd oddiwrth Trwyn y gareg i’r Traeth Fi yn mynd i’r Towyn i siarad am ddau begaid o Geirch du hâd. Yn Prynu Pâr o Dresi haearn Newydd yn Siop Morris Jones Tremadoc ac yn Prynu Deunydd tinbren haiarn ac yn mynd ac ef i’r Efail

Dydd Gwener  Diwrnod teg Claiar. Will yn Aredig yn Cae’rhendra Huwcyn yn chwalu tail yn y Gelli wastad. Yn danfon y Caws i’r Towyn ac yn dyfod a’r Ceirch hâd adref. Y Gwartheg allan yn mynd i ffwrdd. Thomas Jones Clwt y ffolt[?] gynt yma eisia mesur ffordd oedd yn ei wneud o ben y groes at Wernddwirig [Gwernddwyryd] Sian Maesyllech yma eisia benthig Punt

Dydd Sadwrn  Diwrnod teg. Yn mynd yn y boreu i fesur y ffordd o benygroes . i’r ffordd Newydd Owen Humphreys a minau yn talu am ei gwneud Ddwybuntarbymtheg a swllt yn ymdroi peth yn Penmorfa, ac ar ol dyfod adref yn parrottoi’r [sic.] Ymenun i fynd i ffwrdd. Meibion yn carrio gwair o Gaegoronw Griffith Owen Llangybi yn dwad yma.

Dydd Sul  Diwrnod teg ...

Dydd llun  Diwrnod teg wedi rhewi peth. Y Drol yn cychwyn bump o’r gloch y boreu i Ffestiniog i ddanfon Ymenyn ac i ymofyn ceirch hâd trol Richd. Thomas Penmorfa yn mynd yno hefyd. R. Thomas yn dyfod heibio i fynd yno ar eu hol erbyn wyth o’r gloch y boreu. Yn dyfod adref cyn deg o’r gloch y nos. haid Wenun [sic. gwenyn] yn dyfod o Langybi

Dydd Mawrth  Diwrnod teg claiar  Will yn aredig yn Cae’r Hendra y lleill yn nithio’r Haidd. Yn mynd i Dremadog i ymofyn y Tailiwr. ac yn prynu Almanac ‘Sta[?] Gwartheg y Beudyucha yn tynu y preseb oi le minau yno yn y Prydnhawn yn ei drwsio  Will yn dechreu Aredig yn y llain hîr. Yn gwerthu Cybynaid o haidd i Ann Humphrey Hendrahowel

Dydd Mercher  Diwrnod teg Claiar  Will yn aredig yn y Gelli wastad. Huwcyn yn y Morfa yn planu drain  Sion efo’r Merched yn puro’r Haidd yn y ‘Sgubor. Cathrine Tynymynudd ucha yma yn danfon Arian i’w Cudio. Yn bwrw peth yn y Prydnhawn

Dydd iau  Diwrnod gwyntog lled oerllyd. Will yn aredig yn y Gelli wastad  Huwcyn yn gorphen planu’r drain yn y Morfa ac yn mynd i’r Ty Mawr i lanhau Traina  Sion William yno yn tori tyllau i blanu Coed. Humphra’r big yma’n prynu brwyn am hanner Coron. Fi yn gwneud yr ardd bach o flaen y drws  Cadi’r h?nefel yn mynd a Juno [ceffyl?] adref i Langybi. Susan wedi bod a Phwn o Haidd yn y Felin isa

Dydd gwener  Diwrnod teg Claiar  Meibion yn cario gwair o Gaegoronw i’r Beudy ucha  Sion yn planu Coed masarn yn Ty Mawr. Y Fuwch moelan wedi dyfod a llo neithiwr Y Fi yn mynd i Tremadoc i’r Farchnad. Yn dyfod adref cyn deg o’r gloch y nos  Elin yn dyfod i’r Dref yn y Prydnhawn efo Margaret Owen Plâs Dolbenmaen

Dydd Sadwrn  Yn bwrw Cawodydd trymion o genllysg  Will yn gorphen Aredig Gelliwastad ac yn dechreu Aredig yn y Caecanol  Huwcyn a Sion yn cau trains wrth bistill y Ty Mawr. Buwch Hendrahowel efo’r TARW . Elizabeth Griffith Llangybi yn dyfod yma wrth fynd i Ffair Wrexham . yn aros y Sul.

Dydd Sul  Diwrnod niwlog ac yn bwrw gwlaw yn bur drwm...

Dydd llun  Diwrnod niwlog ac yn bwrw gwlaw man. Fi yn cychwyn i ddanfon Elizabeth Griffith Llangybi trwy’r Traeth chwech o’r gloch y boreu i fynd at Ffair Wrexham. Robt. Jones gwas Morris Jones Siopwr Tremadoc yma yn nol benthig arian. Will yn Caecanol  Huwcyn yn plygu Clawdd terfyn y Ty Mawr

Dydd Mawrth Diwrnod budr Claiar. Will yn aredig y Caecanol. Sion a Huwcyn yn cau’r trains [sic.] yn Tymawr. Griffith Jones Tailiwr yn dyfod yma Minau yn mynd i’r Dre i ymofyn Trimins [ iddo ac yn ymdroi y nhy Rob^t Jones Yn dyfod adref erbyn unarddeg o’r gloch nos

Dydd mercher Diwrnod dwl Claiar. Will yn gorphen aredig Caecanol Huwcyn a Sion yn Tymawr yn gorphen cau y Trains a phlygu’r Clawdd Terfyn. Sion yn planu bytatws cynnar yn yr ardd yn y Prydnhawn

Dydd Iau Diwrnod teg Claiar brâf Y Meibion yn carrio gwair o Gaegoronw Sion yn planu drain yn y morfa. Y lleill yn curo biswail. Mam yn mynd i’r Dre i ymofyn Ffunen [cadach neu hances?] i’w rhoi i Mrs.Jones Tyddynelen. Doctor Edwards yma yn yfed Tea yn y Prydnhawn. G.Jones (Tailiwr) yn mynd i ffwrdd. Mam yn misio cael Ffunen

Dydd gwener Diwrnod budr ac yn bwrw gwlaw. Fi yn cychwyn i Gaernarvon chwech o’r gloch y boreu i’r Sesiwn. yn Ciniawa yn Arwydd yr Afr.ac yn cysgu efo Hugh Griffith Druggist yn ei dy.wedi bod ‘chydig amser yn yr Hall [sic. wedi tanlinellu] Gornfelan yn cymryd Tarw [sic. mewn ysgrifen brâs]

Dydd Sadwrn. Diwrnod Sych. Fi yn mynd i’r Hall ddeg o’r gloch y boreu ac yn dyfod allan rhwng tri a phedwar y Prydnhawn yn Ciniawa yn arwydd yr Afr ac yn dyfod adref erbyn un o’r gloch y boreu

Dydd Sul Diwrnod niwlog budr Fi yn mynd i’r Llan ac yn dyfod adref erbyn dau o’r gloch.ar fy nhraed

Dydd llun y Pasg Diwrnod claiar teg niwlog yn y boreu. Fi yn mynd i Dremadoc i’r Gwylmabsant yn dyfod adref erbyn tri o’r gloch y boreu

Dydd Mawrth diwrnod teg ffeind. Y Meibion yn carrio gwair o Gaegoronw i’r Beudyucha ac yn nol llwyth o wair o’r Morfa i’r Beudy Newydd

Dydd Mercher Diwrnod teg dwl claiar. Yn dechreu Llyfnu yn Werclowna [sic. Wernclowna]. Sion yn Plygu clawdd rhwng y Weirglawdd ucha a’r llain hir. Fi yn mynd i benmorfa i’r Vestry.yr oedd yr Overseers yn rhoi eu cyfri i fynu [sic. fyny]. Yn llyfnu’r llain hir Yn dwad i fwrw gwlaw yn drwm yn y Prydnhawn

Dydd iau Diwrnod teg. Y Meibion yn llyfnu yn y Caecanol a’r Gelliwastad Griffith Morris yn dyfod yma i ddal Tyrchod daear. Yn gosod y Tir iddo i’w lanhau oddiwrth Dyrchod Daear am bedwar swllt a ch_^^wecheiniog yn y Flwyddyn [sic. mewn llythrennau bras]. Yn cael llythur [sic. llythyr] oddiwrth John Jones Mesurydd Tir a Map ynddo o lotiau oedd yn perthyn i Dyddynygwynt a Drwsyrymlid Sir Feirionydd

Dydd gwener Eira tew hyd bena’r mynyddoedd. Fi yn mynd i Fesur ffordd fawr oedd wedi ei thrwsio tan allt y llys 55½ o Rydau. Will yn aredig yn y Morfa i roi Haidd. M^r.W^m Jones Tyddyn Elen yma’n Ciniawa. Minau yn mynd efo fo i’r Farchnad

Dydd Sadwrn Diwrnod teg wedi barigo [sic. barugo] neithiwr. Will yn aredig yn y Morfa. Fi yn mynd i Criccieth i’r Cyfarfod Ustusiaid. Yn mynd oddiyno i Langybi

Dydd Sul Diwrnod hindda Fi yn Llangybi