Y Tywyddiadur

Dydd Sadwrn. Diwrnod clir ac yn sychu'n dda yn y Prydnhawn. Bachgen Sion Prisiart y Tymawr yma'n Degymu'r Ceirch a'r Haidd y Morfa. Yn gorphen Toi Da^s gwair y Morfa. Yn lladd peth Ceirch yn y Caemain, yn troi'r Haidd yn y buarth gwyn, Yn troi'r Glofer yn y Morfa ac yn ei danu ac yn ei Fwdwlu  Yn rhoi gorchymyn i Bottiwr i ddwad a llestri Priddion imi

Dydd Sul Diwrnod cymylog ac yn sychu'n dda iawn

Dydd llun. Diwrnod dwl ac yn bwrw gwlaw ma^n ar ambell dro trwy'r boreu, gwlaw trwm at un o'r gloch. Yn Carrio Ceirch y Morfa hyd at un llwyth pan ein daliodd gwlaw trwm. Yn gwneud rhaffa yn y Prydnhawn

Dydd Mawrth. Yn wlaw trwm yn y boreu, sychu'n lled dda yn y Prydnhawn a bwrw cawod. Will Owen a Dic yn rhaffio Da^s Caegoronw ac yn dechreu rhaffio y Das glofer. Sion Morris a Wil Sion yn gwneud clawdd o Gwmpas Da^s gwair yr hen Forfa, ac yn dwad a llwyth o Geirch o'r Morfa sef y llwyth diwaethaf. Fi yn mynd i Benmorfa at Mr. Williams y Steward

Dydd Mercher. Diwrnod dwl yn y boreu, yn sychu'n dda am 'chydig ganol dydd, gwlaw trwm at un o'r gloch. Yn troi Haidd y Buarth gwyn ac yn y Cynull 'chydig ohono cyn gwlaw Yn carrio Haidd y Morfa. Sion Morris a Wil Sion yn mynd at y Clawdd o gwmpas Da^s gwair yr hen Forfa. Y Ddau arall yn trwsio y Da^s glofer. Yn colli [sic] Dyn yn Caernarfon am saethu dau ergyd at superfiser a lladratta ei Geffyl a ei eiddo, a'i glwyfo yn ei Fraich deheu. W.Ll. Coldicott yn Sirydd (alias) Wil hafodydd brittiou

Dydd iau. Diwrnod dwl gwyntog yn y boreu, dryghin trwm at hanner dydd. Yn troi Haidd yn y buarth gwyn, gorphen tori Ceirch gwernclowna a'r Weirglawdd ucha. Y Prydnhawn yn gwneud rhaffa  Dyn yma'n danfon rhannau Geiriadur Charles [Geiriadur Beiblaidd Thomas Charles*]. Morwyn Mr. Owen Aberglaslyn yn dwad a Physgodyn yma.

*Ei waith llenyddol pwysicaf oedd ei eiriadur ysgrythurol a gyhoeddwyd mewn pedair cyfrol (1805, 1808, 1810, 1811) yn wreiddiol ac a adargraffwyd sawl gwaith yn ystod y 19g. Yn ogystal â chyfleu llawer o wybodaeth newydd am cefndir hanesyddol yr Ysgrythurau, mae Charles yn trafod cysyniadau diwinyddol hen a newydd mewn arddull goeth, gaboledig. (Thomas Charles - Wicipedia (wikipedia.org)

Dydd Gwener. Diwrnod dwl yn y boreu ac yn sychu'n dda yn y Prydnhawn, yn gwneud pen Da^s y Beudy ucha, yn troi, ac yn Cynnull Haidd y Buarth Gwyn, ac yn ei garrio. Fi wedi bod yn y Farchnad.

Dydd Sadwrn Diwrnod cymylog dwl yn sychu'n dda. Yn troi ac yn tanu Ceirch y Caemain, y Caelleppa, y Weirglodd ucha a Gwernclowna, ac yn eu cynnul, Yn carrio Ceirch y Caemain a'r Caelleppa hyd at ychydig sydd heb addfedu [sic]. Fi wedi bod yn y Traeth yn pysgotta heb ddal dim. Yr Heffer Sereu [sic] wedi dwad llo.

Dydd Sul. Diwrnod dryghinllyd yn y boreu'n sychu'n dda at y Prydnhawn. Morris Jones Tremadog a'i wraig, a Mr. Owen Aberglaslyn yma. Owen Humphreys Clenenney wedi bod yma efo Phapur yn achos ardreth y Brenhin

Dydd Llun. Diwrnod dwl ac yn bwrw ambell gawod fechan. Di[sic] wedi bod a Jac a'r Eboles ddu yn yr Efail, ac yn dwad adref yn lled sa^l. Wil Owen yn rhaffio das y Morfa. y lleill yn gorphen lladd hynnu o Geirch oedd yn rhy la^s yn y Caelleppa ucha, Yn mynd ar ol Prydnhawnbryd i garrio Ceirch Gwernclowna a'r Weirglawdd ucha

Dydd Mawrth. Diwrnod lled gymylog ac yn sychu'n dda  Yn dechreu tori'r Ceirch Cae'r hendra yn y borau, ac yn mynd i danu Mwdylau adladd y Glofer yn y Morfa, ac yn ei garrio i gyd. Y Buwchod yn mynd i Forfa Trwyn y garreg

Dydd mercher, Diwrnod dwl gwyntog, Y Meibion yn gwneud pen Da^s y Beudy newydd. Mari wedi mynd a phwn o Haidd i'r Felin  Wil Sion yn mynd at OwenPortreuddyn i gau rhwng y ddau forfa  Sion Morris yn mynd i gau bwlch y'nghlawdd y Mynudd Caegoronw y ddau arall yn mynd i raffio Da^s gwair yr hen forfa. Fi wedi bod yn Tremadoc

Dydd iau Diwrnod dwl distaw mwll. Wil Owen a Dic yn y boreu cyn boreufwyd efo Da^s yr hen Forfa. y ddau arall yn Gorphen tori Ceirch Cae'r Hendra. Diwedd lladd yr yd. ar ol boreu fwyd yn i Gaegoronw i nol y gwair oedd yno yn yspa^r o wneud pen y Da^s i wneud pen da^s y Beudy newydd. Adarwyr yn mynd trwy gwr y Tir. Owen Roberts Tyddynwisgin yn dwad wedi iddi dywyllu

Dydd Gwener. Diwrnod clir sych, Y Meibion yn mynd a llwth o Do at Dda^s y Beudy uchaf. Yn gwerthu Pedwar Eidion i Owen Roberts  Yn gwneud pen y Da^s Adladd glofer y Morfa. Yn gorphen toi Da^s y Beudy newydd. Y gorphen Cynnull Ceirch y Caelleppa ucha ac yn Cynnull peth o Geirch Cae'r hendra. Fi wedi bod yn y Farchnad. Fy Ewythr Tyddyn y gwynt yno. Troi dwy Fuwch at Pesgi yn eu gwedu

Dydd Sadwrn. Diwrnod clir sych. Wil Sion a Sion Morris yn gorphen cau o gwmpas y Das gwair yr hen Forfa. Wil Owen a Dic yn dechreu toi Da^s y Beudy ucha, ar ol Prydnhawnbryd yn gorphen cael yr Yd. Elin a Beggy Owen wedi mynd i Dremadoc. J.M. yn ymadel

Dydd Sul. Diwrnod dwl yn gwlitho chydig yn y Prydnhawn. Fi wedi bod yn Aberglaslyn. Elin a Peggi wedi bod yn Caeddafydd.

Dydd llun. Diwrnod clir sych, Y Meibion y boreu yn toi Da^s y Beudy ucha, Y lloia yn mynd i Weirglawdd ucha y Tymawr  Y Buchod yn mynd i'r adladd i'r hen Forfa. Y Ceffyla yn mynd i Forfa Trwynygarreg, Yn cneifio'r Wyn, ac yn gyrru saith deg tri i allt y Tymawr, yn gadael dau yn cae'r lloia

Dydd Mawrth. Diwrnod dwl mwll iawn, yn bwrw Cawod fechan o wlaw o gwmpas hanner dydd. Y Meibion yn gorphen toi Da^s y Beudy ucha. Wil Owen yn dechreu ei raffio Y ddau arall yn hel to at y Da^s adladd y Morfa. Fi wedi bod yn chwilio am Ysgyfarnog, ac yn misio gweld yr un  Cathrine Humphrey'r Borth yn dwad a phedwar o Dorbydiad yma, ac yn siarad am ddau bwys o Wlan. Sionun wedi bod a Captan yn yr Efail

Dydd Mercher. Diwrnod clir mwll iawn. Y Meibion yn gwneud pen y Da^s glofer yn y Morfa ac yn ei doi. Gwas Owen Roberts yma'n nol y Pedwar Eidion.

Dydd iau. Diwrnod clir gwyntog sych. Y Meibion yn gwneud rhaffa yn boreu, yn mynd ar ol boreufwyd i raffio y Da^s Adladd glofer ac i gau o'i gwmpas. Robt. Sion Cigydd Tremadoc yma'n danfon Llythur oddiwrth Mr. Williams Benar

Dydd Gwener. Diwrnod clir sych gwyntog. Y Meibion cyn boreufwyd yn gorphen cau o gwmpas y Da^s glofer. Yn mynd ar ol boreufwyd i'r Tymawr at y wal yn y Caeaporfa. Fi yn mynd i Dremadoc i'r Farchnad

Dydd Sadwrn. Diwrnod gwyntog lled oer ac yn bwrw peth yn y Prydnhawn. Y Meibion yn y Tymawr efo'r wal, ar ol Prydnhawn bryd yn Toi'r helm Haidd. Fi yn sal yn y boreu wedi ar y Mwyaf [sic] neithiwr. Fi yn danfon Elin i'r Cefncoch, ac yn mynd i'r Clenenney ac i'r Rhwngyddwyryd ar neges oddiwrth Mr. Williams Fi yn ymdroi peth yn penmorfa i aros Elin

Dydd Sul;. Diwrnod dwl sych. Elin a minau wedi bod yn Ty Moris Jones

Dydd llun. Diwrnod dwl sych. Y Meibion efo'r Wal yn y Tymawr

Dydd Mawrth. Diwrnod dwl sych. Y Fi wedi bod yn Ffair Pwllheli. Owen Roberts yn dwad efo mi adref. Y Meibion efo'r Wal yn y Tymawr