Y Tywyddiadur

Dydd Sul Diwrnod distaw teg eira tew hyd y mynydda [sic]

Dydd llun. Diwrnod budr yn bwrw eirwlaw [sic] trwm hyn hanner dydd  Sionun wedi bod a’r tri cheffyl gweithio yn yr Efail. Yn mynd ddaliad y Prydnhawn i aredig i’r Caelleppa ucha  Sionun Sion Japheth yn dwad yma o Langybi i ofyn am Ann. Richd.William Rhwngyddwyryd yma’n danfon sachau i fynd i gyfarfod Ceirch hâd

Dydd Mawrth. Diwrnod sych lled [? Sic]. Yn aredig yn y Caelleppa ucha

Dydd Mercher Diwrnod sych distaw claiar Wil Sion yn aredig yn y Caemain. Dic yn dyrnu Haidd  Dolly yn dwad iw lle

Dydd iau. Diwrnod niwlog claiar ac yn bwrw gwlaw man dwys Wil Sion yn Aredig yn y Caemain. Owen Roberts Tyddyn wisgin yn dwad yma. Yn mesur y clawdd yn y Tymawr.yn 18½ o Rydau. Silvanus Jones Caegwyn yn galw yma gyda’r twyllnos. Wil Sion wedi bod yn nol hanner tunell o glo [sic. hanner tunnell o lo]

Dydd Gwener. Diwrnod budr yn bwrw eirwlaw [sic] trwm iawn hyd hanner dydd.teg at y Prydnhawn. Wil yn dyrnu Haidd. Dic yn curo eithin. Fi wedi bod yn Tremadoc yn y Farchnad

Dydd Sadwrn Diwrnod distaw claiar teg. Wil Sion wedi mynd i nol y Ceirch hâd i’r Tynewydd y Mynudd [sic]. Y lleill yn carrio [sic] Clorenod o’r Dâs i’r Ty Clorenod.   Yn Darllaw

Dydd Sul Diwrnod distaw sych oerach na doe [sic]

Dydd llun. Diwrnod distaw sych. Wil Sion yn Aredig yn y Caemain. Dic wedi bod yn danfon y Gwartheg allan i ffwrdd. Sion Hugh Drwsyrymlid yma’n gofyn am gau y rhan yn y mynudd [sic]. Sian Tomas Penmorfa a Begi Owen yma. Sion Morris yn darfod cau clawdd y Mynudd [sic] o hen Adwy Tyddyn Llewelyn i Ben y Castell.

Dydd Mawrth. Diwrnod budr ac yn bwrw gwlaw y rhan amlaf. Wil Sion a Sionun yn dechreu aredig yn Morfa’r Garreg yn y pen agosaf i’r Traeth iddo. Dic yn gorphen ch^alu [sic. chwalu] tail yn y Caemain ac yn mynd i ddyrnu Haidd. Gwlaw trwm iawn at y Prydnhawn  Wil Sion wedi bod a Heurns [sic. haearn, heurn] aradr y Morfa yn yr Efail.

Dydd Mercher. Diwrnod sych sych [sic] oer wedi bwrw eira neithiwr a rhewi’n galed yn y boreu. Wil Sion yn Aredig yn y Weirglawdd ucha. Evan James yn dwad yma. Fi wedi bod yn Llangybi yn cyfarfod Owen Roberts ynghylch rhanu’r [sic. rhannu’r] Tyddynod rhwng y ddwy chwaer

Dydd iau. Diwrnod claiar budr ac yn bwrw gwlaw dwys agos ar hyd y dydd. Y Meibion yn nithio Haidd. Mrs.Jones Siop Tremadoc yma

Dydd Gwener Diwrnod claiar budr yn bwrw gwlaw dwys ar hyd y dydd Gwas Tyddynwisgin yn dwad a Llythur [sic] yma yn achos rhannu y Tir rhwng Elin ai chwaer. Wil Sion yn tynu [sic. tynnu] cerrig i drwsio’r clawdd rhwng y Caemain a’r Caecanol.  Dic yn crynu [sic]. Fi yn mynd i Dremadoc i’r Farchnad. llythur yn dwad i fy nghyfarfod i fynd efo Ellis Jones Dolgelley i frynefelucha. yn cael benthig Ceffyl gan Richd.Thomas Penmorfa. yn cael gwlaw trwm iawn

Dydd Sadwrn. Diwrnod budr gwlawog yn y boreu teg at hanner dydd Wil Sion yn dyrnu yn y boreu ac yn mynd y Prydnhawn i orphen Aredig yn y Weirglawdd ucha

Dydd Sul. Diwrnod sych distaw lled oer. Yn bwrw abell gawod o eira drom. Dau oen bach yn dwad i’r Ty. un yn marw –

Dydd llun. Diwrnod distaw teg sych wedi rhewi peth neithiwr. Fi wedi bod yn Tremadoc. Y Meibion yn nol llwyth o wair o’r Morfa i’r Beudy newydd ac yn teilo oddiwrth y Beudy newydd i’r bryncoch. Sion Morris yn dwad yma yn cau rhwng y Caemain a’r Caecanol

Dydd Mawrth. Diwrnod distaw teg sych wedi rhewi a barrigo [sic barugo] peth Wil Sion yn Aredig yn y buarth gwyn. Sion Morris a Dic yn cau rhwng y Caemain a’r Caecanol. William y Beudy Mawr yma

Dydd Mercher. Diwrnod distaw teg sych. Yn curo biswail. Sion Morris yn gorphen cau y mhen [sic] ucha’r Caemain

Dydd iau. Diwrnod dwl distaw claiar. Wil Sion yn Aredig yn y Morfa. Sion Morris a Dic yn cau rhwng y Caelleppa ucha a’r Cae banadl. Yn dechreu aredig yn yr hên [sic] Forfa Evan James yn darfod 

Dydd Gwener. Diwrnod distaw claiar. Yn gorphen chwalu biswail Sion Morris yn dechreu palu yn yr Ardd ac yn planu [sic. plannu] Clorenod. William Owen y Gwyndy yma’n talu’r Ardreth. Fi yn mynd i Dremadoc i’r Farchnad

Dydd Sadwrn. Diwrnod gwresog mwll. Sionun wedi bod yn danfon Ceirch du hâd i Richd.Thomas Penmorfa ac yn dwad a cheirch gwyn hâd efo fo adref oddi yno. Wil Sion a Dic yn dwad a dau lwyth o Dail oddiwrth y Beudy newydd i’r Ardd, ac yn dwad a llwyth o Wair o’r Morfa i’r Beudy newydd, ac yn mynd i deilo i’r Bryncoch. Fi efo Sion Morris yn hau Winiwns [sic. wynwyn] a llysiau cochion ac yn planu [sic] ffa yn yr Ardd.

Dydd Sul y Pasg. Diwrnod dwl ac yn bwrw gwlaw man dwys weithia. Fi wedi bod yn y Llan ar fy nhraed

Dydd llun. Diwrnod dwl ac yn bwrw gwlaw mân claiar. Bachgen Richd.Thomas Penmorfa yn danfon Ceirch hâd yma. Y Meibion yn parottoi’r [sic. paratoi’r] offerynau [sic. offerynnau] at Lyfnu Cynffonwen yn dwad a llo. Fi yn gwneud Genwair

Dydd Mawrth. Diwrnod dwl budr. Wil Sion yn Aredig yn y Cae’rhendra Sion Morris a Dic yn cau bwlch yn Wal y Traeth ac yn dechreu cau y bylcha yn y clawdd y ffordd. Fi wedi bod yn y Festri yr oedd yr Oferseers [sic. overseers] yn rhoi eu cyfri i fynu [sic. fyny]

Dydd Mercher. Diwrnod gwlawog. Fi yn mynd i Gaernarfon i’r Sesiwn yn cael fy ngwlychu yn drwm iawn wrth fynd yno