Y Tywyddiadur

Dydd llun Diwrnod lled ffeind. Fi yn dyfod adref o Langybi erbyn un o’r Gloch.Yn dwad a Brethyn Côb ucha.deunydd Clôs a gwasgod a hâd Glofer efo mi. Mr.Roberts Bryn Selwrn yn galw yma Will yn Aredig yn y Morfa i Haidd

Dydd Mawrth Diwrnod teg Claiar. Fi yn mesur y ffosydd yn y Morfa efo Sion Jones.ac yn gosod clawdd iddo i’w wneuthur efo’r Ffordd fawr o Drwynygarreg at y clawdd terfyn Aberdeunant. Y Meibion yn carrio gwair o Gaegoronw i’r Beudyucha. Sion William wedi mynd i Ddolbenmaen i godi gwarant yn erbyn Daniel Jones Ynuspandu [sic. Ynyspandy] am ei guro boreu ddoe pan oedd yn dyfod at ei waith. Yn gwneuthur Llidiart at Feudy Caegoronw i’w roi ar adwy’r mynudd [sic]. y Meibion yn mynd a llwyth o wair o’r Morfa i’r Beudy Newydd

Dydd Mercher Diwrnod teg iawn wedi barigo’n bur drwm neithiwr. Wil yn Aredig yn y Morfa. Sion William a Huwcyn yn codi clawdd y Mynudd [sic]. Owen wedi bod a Jack yn yr Efail T.David yn dechreu codi cerrig at clawdd y ffordd

Dydd iau Diwrnod teg hynod barrig [sic. barrug] mawr y boreu. Ffair yn Tremadoc Fi yn mynd yno. Humphrey Lloyd yma wedi bod yn edrych y ffordd fawr tan allt y llys. Will yn Aredig yn y Morfa Huwcyn yno yn clirio y rhycha

Dydd gwener Diwrnod niwlog yn y boreu ac yn bwrw gwlaw at ganol Dydd Fi yn cychwyn chwech o’r gloch y boreu i Gaernarvon i’r chwarter Sesiwn  Gwenol yn fy nghyfarfod wrth ochr llyn y gadair.yn mynt [sic. mynd] ar y Petty Jury ar Drial Harry Sion Griffith Sion am basio naw chwecheiniog drwg yn Pwllheli.ei farnu’n euog Yn prynu dau Bistol Newydd.yn dyfod adref erbyn hanner nos

Dydd Sadwrn. Diwrnod teg. Fi yn mynd i Benmorfa i’r Vestry Will yn Aredig yn y Morfa y lleill yno yn clirio rhycha

Dydd Sul. Diwrnod niwlog claiar hynod. Yn mynd i ben yr allt ar ol Ciniawa ac yn clywed y GÔG [sic.] yn canu

Dydd llun Diwrnod claiar ffeind iawn. Yn lyfnu cae’r Hendra Sion yn dechreu agor y ffos rhwng y morfa gwair a’r Morfa arall. Huwcyn yn mynd i’r Towyn i nol pedwar hobad o Glorenod ac Owain yn mynd a’r Ceffyl i Langybi i ymofyn Elin adref

Dydd Mawrth Diwrnod claiar hynod. Yn dechreu llyfnu ceirch yn y Morfa Yr EGIN CLORENOD [sic] cyntaf yn Ymddangos yn yr ardd. y Gwartheg hespion yn mynd i Gaegoronw. Lowry Cerrigyrhwydwr yma yn nôl Hobaid o Haidd Y Fi yn gosod y Llidiart wrth Feudy Caegoronw. Ellin ac E.Griffith yn dyfod yma o Langybi

Dydd Mercher Diwrnod teg ffeind iawn. E Griffith yn mynd adref. Y Meibion yn mynd i’r Morfa i Lyfnu Fi yn mynd i Benmorfa

Dydd iau Diwrnod dwl tebig i wlaw. Gwas Rich^d Thomas Penmorfa yma yn nôl tri Hobaid o Haidd hâd chwech o’r gloch y boreu. Fuwch wina wedi dwad a llo yn y boreu. Y Meibion yn y Morfa yn llyfnu Ceirch Elizabeth Owen yn cael chwech cheiniog wedi fathu er amser y Frenhines Elizabeth Blwyddyn yr Arglwydd Un Mil pum cant a phymtheg a Thiugain

Dydd gwener Diwrnod teg iawn Yn troi’r Defaid i’r Mynudd [sic.] ac yn marcio Pedwar ugain a thri o Wyn a Deuddeg a Thriugain o hesbyrniad. Gwas y Braich y bîb yma yn nol Hobaid o Haidd. Fi yn mynd i Dremadoc i’r Farchnad. Y Meibion yn mynd i’r Morfa i Lyfnu Haidd

Dydd Sadwrn. Gwres mawr. Y Meibion yn y Morfa yn llyfnu Haidd. Yn planu Cucymerau yn yr Ardd. Mam yn mynd i’r Bettws mawr a rei Thraed 

Dydd Sadwrn [Sadwrn wedi ei groesi allan] Sul. Gwres a gwynt sychlyd. Owen Roberts Porthmon yma E.Owen a Robert Thomas Llangybi wedi dyfod yma ddoe. Yn mynd i ben y Castell ar ol Ciniaw

Dydd llun. Gwres a gwynt sychlyd iawn. Owen Roberts yn mynd i ffwrdd cyn ei Frecwest [sic. frecwast]. Y Meibion yn llyfnu Haidd yn y Morfa

Dydd Mawrth Diwrnod gwresog iawn. Y Meibion yn nol llwyth o wair o’r Morfa i’r Beudy Newydd. will yn aredig yn y Morfa ddaliad y Prydnhawn. Betsan Owen a Rob^t. Thomas yn mynd adref yn y Prydnhawn

Dydd Mercher. Yn dwad i fwrw gwlaw.pur oer. G O.Tomas [sic.] yma o Langybi yn nol dillad i Mam oedd yno. Will yn y Morfa yn Aredig y lleill yno’n llyfnu

Dydd Iau. Yn llêd fwrw gwlaw ac yn bur oellyd [sic  oerllyd]. Will yn Aredig i Bytatws [tatws]. yn Hendratyfi. Y lleill yn gorphen Llyfnu Haidd yn y Morfa. Fi a Sion William yn cronni’r Marwddwfr yn y Morfa yn hesbyddu’r Cafn ac yn dâl [sic] Dwsing [sic] o Frythylliad brâf.

Dydd gwener  Diwrnod dwl lled oer. Will yn aredig i Fytatws [tatws] yn Hendratyfi  Fi yn mynd i Dremadoc i’r Farchnad  Yn dyfod adref cyn unarddeg y nos

Dydd Sadwrn. Diwrnod dwl gwyntog oerllyd. Y Meibion yn dechreu Teilo i’r Bytatws. Fi yn Saethu llygoden ffrenig yn y Sgubor. Owen Williams Caerwych yma

Dydd Sul  Diwrnod teg. Fi wedi bod yn y Llan. Yn ciniawa yn Penmorfa efo Owen Humphreys a Rob^t Lloyd Ffowliwr M^r Gore yn dyfod adref erbyn chwech o’r gloch y Prydnhawn

Dydd llun  Diwrnod teg ac yn gyffredin yn lled oerllyd y nos a boreu. Will wedi mynd i’r Towyn i nol llwyth o Galch i Fytatws. Fi yn mynd i Benmorfa i Gyfarfod Mr Holland ac eraill ynghylch settlio Plwy i hen ganwr baledi i fynd i Sir Fôn. Ffowliwr Mr Gore yn dyfod hyd Dremadoc hefo mi i fynd adref.minau yn dyfod adref cyn Dêg

Dydd Mawrth  Diwrnod gwresog teg iawn Morris Griffith y Trethwr yma yn nol Treth cy ffyla[sic. ceffylau] a Threthi eraill.  

Dydd mercher  Diwrnod gwresog hynod. Y Meibion yn teilo i Hendratyfi i Bytatws 

Dydd iau  Diwrnod teg heb fod yn wres mawr. Y Meibion yn dechreu rhychu a phlannu Bytatws. yr Heffer frêch, merch Sialcan wedi dwad a llô yn Caegoronw.