Y Tywyddiadur

Dydd Mawrth. Diwrnod sych distaw gwresog. Yn Cneifio ac yn nodi deg o Wyn at y rhai Nodais o'r blaen. W.D. James yn codi'r Degwm. Gwas Morris Jones Tremadoc yn dwad a hanner Baril o Borter yma

Dydd Mercher. Diwrnod dwl sych lled wyntog ac oer. Y Meibion yn codi at Glr--n [glorenod? clorenod DB) yn y Bryncoch yn mynd ar ol Prydnhawn bryd i pigo'r clawdd rhwng Morfa trwyn y garreg a'r Morfa glofer. Ellis Owen Cefnymaesydd yma'n yfed Te. W Roberts y Meddyd[sic] yn galw yma wrth dwad o'r Tymawr oddiwrth Merch Mari oedd wedi brifo

Iau  Diwrnod sych gwresog. Y Meibion yn codi mawn yn Caegronw [sic] Fi wedi bod yn Maentwrog yn mynd at Mr. LLoyd y Twrna o achos y Mynudd heb ei gael gartref

Gwener. Diwrnod sych gwresog. Y Meibion yn torri anialwch ynyr Henerw y boreu ar ol Ciniaw yn mynd i orphen codi mawn i Caegronw isa. Robt. Thomas yn mynd adref. Fi wedi bod yn Tremadoc yn y Farchnad. Y stalwyn y Garr mawr yma dros y nos

Diwrnod sych gwresog Y Meibion yn Reiniog yn codi mawn. Y Gwe---- [gwenyn? DB] yn heidio yr ail haid

Dydd Sul Diwrnod sych oer

llun Diwrnod sych lled oer. Yn Yspaddu pedwar ar bymtheg o Wyn Owen Roberts Tyddynwisgin, Y Meibion yn torri rhedyn yn y Cae glâs

Diwrnod dwl distaw claiar. Yn cae efo Owen Owens Partreuddyn wrth yr hen Gafn yn y Morfa. Dic wedi bod a'r Eboles yn yr Efail. Wil Sion yn codi at Gloron yn hendratyfi, Bachgen o Criccieth yma'n danfon Burum. Fi wedi bod efo O Owens yn Yspaddu dau ddyniewad a phump o Wyn

Mercher  Diwrnod dwl lled oer wedi bwrw peth gwlaw a chenllysg. Yn darfod priddo Cloron ac yn chwnu'r Haidd yn Morfa'r Garreg. Fi wedi bod yn nghynhebrwng Sion, Mab Richd Ellis Reiniog

Iau Diwrnod dwl mwll iawn ac yn gwlitho peth weithia. Yn gwneud Mawn yn Caegronw isa. Seren wedi dwad a Llô. Sion Morris yma

Gwener. Diwrnod dwl sych. Yn Gwneud Mawn yn Caegronw ucha ac yn darfod yn Caegronw isa. Fi wedi bod yn Tremadoc yn y Farchnad.

Sadwrn. Diwrnod dwl mwll ac yn bwrw peth gwlaw mân. Yn gwneud mawn yn Reiniog. Fi wedi bod yn Ffair Pwllheli wrth dyfod adref yn ymdroi peth yn Ty'n y Coed efo John Evans ac yn mynd i Langybi i gysgu efo Owen Roberts

Sul. Diwrnod mwll ac yn bwrw Cawodydd o wlaw Taranau mewn rhai manau Fi yn dwad adref o Langybi.

llun. Diwrnod sych mwll iawn. Yn dechreu llad [sic lladd] gwair yn y Tymawr. Sion Hugh a Sion Morris yn dwad yma. Fi wedi bod yn Ffair Griccieth. Y Cyflogi pladurwr am un geiniog ar ddeg y dydd ac yn prynu hanner dwsin o Gribiniau

Mawrth. Diwrnod gwresog mwll iawn yn y boreu. Gwlaw Taranau trwm at hanner dydd, yn bwrw gwlaw mân trwy'r Prydnhawn. Yn lladd gwair yn y Tymawr. Neli Pyrs yn dwad yma i gyweirio gwair. Evan James yn dwad yma i wneud Car newydd ac i drwsio Cribinia

Mercher. Diwrnod dwl yn y boreu, sych a lled wyntog yn y Prydnhawn. Yn darfod lladd Gwair yn y Tymawr, erbyn Ciniaw, ac yn mynd i ddechreu lladd gwair i Gaegronw Yn tynu Cloron gyntaf eleni yn yr ardd

Iau Diwrnod teg gwresog yn dylu at yr hwyr. Y Meibion yn lladd Gwair yn Caegronw ucha, ddeg o'r gloch yn dwad i'r Tymawr i rengcio'r gwair at ei goccio. Yn mynd yn nol at giniaw i ladd gwair, yn dwad i lawr yn y Prydnhawn ac yn Coccio gwair y Tymawr agos i gid.[sic] Gwragedd o lawr y wlad yma'n prynu'r Gwlan ac yn ei bwyso ac iw ddanfon ddechreu yr wythnos nesaf. Fi wedi bod y Mhenmorfa mewn Festri yn y Prydnhawn.

Gwener. Diwrnod dwl ac yn bwrw gwlaw dwys yn y boreu, teg a sychu'n dda at y Prydnhawn. Yn darfod lladd Gwair Caegronw ucha gwmpas amser Prydnhawnbryd, ac yn dechreu lladd Gwair Caegronw isa. Betty Owen yn ei gwelu [sic] yn sâl trwy'r dydd. Fi yn ei gwaedu. Gartref heb fynd i'r Farchnad

Sadwrn. Diwrnod dwl ac yn bwrw peth gwlaw weithia. Yn lladd Gwair yn Caegronw isa. Fi wedi bod yn Ruarllygaid yn edrych, Defaid Sêt heb gael yr un Niwliog a gwlawog at y Prydnhawn. Fi wedi bod efo Robt. Sion Hendrahowel yn y mynudd yn chwilio am G--r. yn cael naill ai C--r, ai S--r

Sul. Diwrnod dwl ac yn chwthu'n lled drwm ac yn bwrw peth gwlaw weithia

llun. Diwrnod dwl yn y boreu yn bwrw Cawod fechan gwmpas dau o'r Gloch ac yn drom o gwmpas pedwar. Dic yn danfon y Gwlan i Lanystumdwwy yn y boreu. Fi yn mynd i Drefmadoc [sic] i Barrattoi peilliad iddo ddyfod efo fo adref yn ei ollwng yn anghôf. Fi yn mynd i Gaegronw ddeg o'r gloch i alw ar y Meibion i ddwad i danu Coccia i'r Tymawr yn ei drin yn dda ac yn ei rengcio hyd ddau o'r gloch pan y bwriodd gawod fechan. yn carrio cwrs wedi, ac yn rhengcio cwrs hyd bedwar pan bwriodd gawod drom iawn. yn mwdylu trwy'r gwlaw, ar ol chwech o'r gloch. Taranau a gwlaw trwm iawn

Mawrth Diwrnod dwl ac yn bwrw'n drwm yn y boreu. Y Meibion heb fynd i Gaegronw tan ar ol boreufwyd. Wil Sion priddo Clorenod Sion Morris wedi bod yn danfon rhybydd i John Williams Towyn fod ei ddefaid yn troseddu ar fy nhir Morris Jones Tremadoc yma yn y Prydnhawn

Mercher. Diwrnod dwl yn y boreu yn dwad i sychu'n dda at hanner dydd Yn lladd gwair yn Caegronw yn y boreu, gwmpas deg o'r Gloch yn dwad i'r Tymawr i danu Mwdyla a choccia, ac yn ei garrio i gyd erbyn o gwmpas hanner awr wedi deg. Evan James yma yn gorpen [sic] trwsio'r Ceir ac yn mynd adref

Iau Diwrnod lled dwl ac yn sychu'n bur dda hyd hanner dydd, yn dylu wedi ac yn taflu dafnau. Y Meibion yn gorphen hel o gwmpas y Ty gwair yn Ty Mawr wrth fynd i gaegronw yn y boreu. yn dechreu lladd gwair, yn mynd i droi gwair Caegronw ucha ac yn ei rengcio erbyn Ciniaw. yn ei fwdylu a pheth o Gaegronw isa. Yn dwad yn wlaw trwm rhwng tri a phedwar o'r Gloch prydnhawn ac yn parhau i fwrw tan y nos

Gwener. Diwrnod dwl ac yn chwythu yn drwm iawn yn y Prydnhawn. Y Meibion yn lladd gwair yn Caegronw isa. Thomas Rees yn dwad a Ffon Hugh Lloyd Cynfel yma imi iw gweled. Fi yn mynd efo fo i Dremadoc i'r Farchnad