Y Tywyddiadur

Sadwrn. Diwrnod dwl ac yn bwrw'n drwm ar hyd y dydd. Yn darfod lladd gwair Caegronw isa yn y boreu. Yn gwneud peth mawn yn Caegronw ucha gwlaw yn eu gyru [sic] i lawr o gwmpas dau o'r gloch y Prydnhawn. Wil Sion a Sion Morris yn mynd i'r Sgubor i Curo Haidd, y lleill yn mynd i dorri rhedyn i Gae'r hafotty ar ol Prydnhawnbryd yn mynd i gau rhwng yr Allt banadl a'r Allt goch

Sul. Diwrnod dwl yn y boreu. yn chwythu ac yn sychu'n dda at y Prydnhawn  Richd. Owen Penrhynheli a Buwch yma efo'r Tarw

llun. Diwrnod dwl distaw yn y boreu yn sychu'n dda yn y Prydnhawn  Y Meibion cyn boreufwyd yn rhoi Mwdyla yn Tygwair y Tymawr yn mynd wedi i Gaegronw ucha i ddarfod gwneud mawn. Y Merched yno yn casglu gwair Caegronw isa Y Ci Ffrind yn cnoi Dafad yn y Cae glâs wrth iddynt fynd i Gaegronw nes gorfod ei lladd. Sion Hugh Drwsyrymlid yma'n talu peth o ei Ardreth Edward Baili H. R. Williams Esqr. yma'n danfon rhybydd i mi fynd i'r Sesiwn

Mawrth. Diwrnod dwl ac yn dwad i fwrw gwlaw trwm iawn  Wil Sion a Sion Morris yn cau drws talcen y  Tygwair Tymawr, Sion Hugh a Robin Griffith yn torri rhedyn Dic efo chlawdd [clawdd DB] y Mynudd yn edrych ffordd yr oedd y Defaid yn dwad i'r Caea Cyn boreufwyd. ar ol boreufwyd yn mynd y Gaegronw ucha i wneud Mawn. ar ol Ciniaw Sion Hugh a Robin Griffith yn mynd i gau'r clawdd Terfyn rhwng Caegronw ucha a'r Gorllwyn y lleill yn mynd i dorri rhedyn. Gwas Elizabeth Griffith Llangybi yn dwad yma ac yn mynd a chi bach efo fo adref. Griffith William yma'n hel Treth Tylodion Gwyl Swithin

Mercher. Diwrnod dwl ac yn bwrw Cawodydd trymion ar hyd y dydd. Robin Griffith a Sion Hugh yn mynd y boreu i orphen cau y clawdd Terfyn Caegronw ucha Wil Sion, Dic a  Sion Morris cyn boreufwyd yn torri rhedyn, yn mynd ar ol boreufwyd i ddechreu codi cerrig i drwsio clawdd rhwng Allt y Tymawr a'r Mynudd ac yn dechrreu ei drwsio Richd. William Gôf Tremadoc yma yn nol arian am weithio. Robin Griffith a Sion Hugh heb ddwad i lawr tan y nos

Iau Diwrnod cymylog ac ynsychu'n bur dda. Y Meibion yn y boreu yn trwsio'r Clawdd rhwng Gallt y Tymawr a'r Mynudd, o gwmpas deg o'r gloch yn mynd i Gaegronw isa i droi gwair, ac yn carrio gwmpas hanner gwair Caegronw isa. Sionun wedi bod a Jac a Denbi yn yr Efail y Boreu. Richd. Robert y Crydd yma yn danfon Esgidia imi wedi ei trwsio

Gwener Diwrnod dwl mwll iawn. Wil Sion a Sion Morris wedi bod cyn boreufwyd efo'r chlawdd gallt y Tymawr ac yn cadw yr arfau. Dic yn mynd a'r Gwartheg o Gaea y Tymawr i Hafody budredd a'r Dyniewid o Forfa Trwyn y garreg i'r Hen Erw. Sion Hugh a Robin Griffith cyn boreufwyd yn torri brwyn yn Morfa Trwyn y garreg at Ddâs gwair Caegronw. Dic a Sionun ar ol boreufwyd yn eu carrio yno. Y Buchod yn dwad o Flaenycoed i Cae'fotty Yn dechreu lladd gwair yn yr hen Forfa. Mr. Owen Aberglaslyn yma yn mynd ai Lawdryll [llawddryll DB] adref. Fi wedi bod yn Tremadoc yn y Farchnad.

Sadwrn. Diwrnod dwl niwliog ac yn bwrw gwlaw dwys ar hyd y dydd Y Meibion yn yr Hen forfa yn lladd gwair hyd o gwmpas naw o'r gloch pryd ei gelwais i fynu. Yn mynd wedi i drwsio palmant wrth y Beudy newydd ac i riglo o gwmpas domen. ar ol Ciniaw. Sion Morris yn mynd adref y lleill yn mynd i dorri rhedyn i ben Caeglas a chaea'r Ty mawr. Fi wedi bod efo Robt. Sion Hendrahowel yn y Mynudd

Diwrnod dwl niwliog iawn ac yn bwrw peth gwlaw mân weithia Gwlaw trwm iawn at yr hwyr

llun. Diwrnod dwl ac yn bwrw gwlaw trwm iawn ar hyd y nos neithiwr a'r boreu heddyw[sic] hyd hanner dydd. Y Llif mwyaf yn yr Afon yma a ydwyf ei gofio erioed. Y Meibion yn y boreu yn trwsio o gwmpas y Beudy newydd a'r domen. ar [sic] Ciniaw yn mynd i drwsio clawdd rhwng gallt y Tymawr a'r Mynudd

Mawrth. Diwrnod cymylog ac yn sychu peth. Y Meibion yn trwsio'r clawdd rhwng gallt y Tymawr a'r Mynudd. Fi wedi bod ynghynebrwng Lowri Roberts Ynusgain[?] [sic Ynysgain DB] bach y Nghriccieth  ei hoedran Naw deg dau

Mercher. Diwrnod dwl ac yn bwrw ambell gawod led drom. Y Meibion yn trwsio'r clawdd rhwng Gallt y Tymawr a'r Mynudd. Sionun wedi bod y ngallt Erwsuran yn nol oen

Iau Diwrnod cymylog ac yn bwrw ambell gawod yn y boreu. yn sychu'n dda yn y prydnhawn. Y Meibion yn trwsio clawdd rhwng gallt y Tymawr ar Mynudd hyd amser Ciniaw, yn mynd wedi i Gaegronw ucha ac yn tanu'r Mwdylau ac yn ei fwdylu wedi yn ei ôl cyn y nos heb sychu digion [sic] iw gario Elin wedi bod yn Tynllan Criccieth Owen Roberts Tyddynwisgin yn dwad yma  efo'r nos

Gwener Diwrnod dwl ac yn bwrw cawodydd trymion yn y boreu teg at y Prydnhawn Y Meibion yn trwsio'r clawdd rhwng Gallt y Tymawr ar Mynudd Owen Roberts yn mynd adref. Fi heb fynd i'r Farchnad!

Sadwrn. Diwrnod cymylog yn tebygu i sychu yn y boreu, yn dwad i fwrw rhwng deg ac unarddeg.   Y Meibion cyn boreufwyd yn trwsio clawdd rhwng y Gelltydd isa a'r Mynudd  Ar ol boreufwyd yn mynd i drwsio'r clawdd rhwng Gallt y Tymawr ar Mynudd o Gwmpas  naw o'r gloch yn mynd i Gaegronw i danu Mwdyla yn tanu rhai, yn dwad yn wlaw yn Ciniawa yn Caegronw ac yn mynd at Glawdd Gallt y Tymawr yn eu hola  Fi wedi bod yn y Traeth yn Pysgotta ac heb ddal dim

Sul. Diwrnod clir yn y boreu. yn dylu ac yn chwthu at y Prydnhawn ac yn dechreu bwrw gwlaw cyn pedwar o'r gloch!!! Gwlybanieath [sic] trwm anghyffredin ers hir amser

llun Diwrnod dwl yn y boreu ac yn sychu'n dda yn y prydnhawn. Y Meibion hyd amser Ciniaw yn trwsio'r Clawdd rhwng Gallt y Tymawr a'r Mynudd, ar ol Ciniaw pedwar yn mynd at y Clawdd a'r pedwar arall yn mynd i droi gwair i'r Morfa yn galw y pedwar a aethai at y Clawdd i lawr at y lleill i'r Morfa i drin y Gwair yn dechreu ei dyrru ar ol Prydnhawnbryd ac yn dechreu ei garrio wyth o'r gloch. Grace Jones CaeEithintew yma'n Yfed Tê

Mawrth. Diwrnod cymylog dwl weithia yn dwad i sychu'n dda at y Prydnhawn Y Meibion yn y boreu efo chlawdd Gallt y Tymawr, Yn mynd o Gwmpas naw o'r gloch i Gaegronw i danu Mwdyla, yn tanu mwdyla Caegronw isa a chors Caegronw ucha ac yn ei Carrio i gyd wedi bod yn ei Fwdylau dair wythnos ond dau ddiwrnod oherwydd gwlybaniaeth anghyffredin. Yn dwad yn  wlaw trwm cyn wyth o'r Gloch. William y Llofft yn dwad a dwy o lechi Crynion yma

Mercher. Diwrnod cymylog ac yn sychu'n bur-dda. Y Meibion cyn boreufwyd wedi bod yn trwsio clawdd Gallt y Tymawr. Yn mynd wedi i'r Morfa i ladd gwair, gwmpas deg o'r gloch Dic a Sionun yn mynd i Gaegronw ucha i danu Mwdylau efo'r Merched. Y Cwbl yn mynd yno ar ol Prydnhawnbryd ac yn ei garrio - yn darfod lladd gwair yr hen Forfa. Diwedd cael gwair Caegronw wedi iddo fod allan Fis union

Iau. Diwrnod dwl ac yn bwrw ambell gawod. Yn lladd gwair yn Morfa'r Goedau, ac yn coccio gwair yn yr hen Forfa. Fi wedi bod yn Penglana Maentwrog efo Mr. Lloyd y Twrna o achos y Mynudd. Sionun wedi bod a llythur yn CaeEithintew. Yn darfod lladd gwair yn morfa Goedau

Gwener Diwrnod budur gwlawog. Y Meibion yn dechreu lladd gwair yn Morfa'r Garreg. O gwmpas deg o'r gloch yn eu galw hwy i fynu am ei bod yn bwrw gormod o wlaw i ladd gwair. Dic, Sion Hugh a Robin Griffith yn mynd i dorri rhedyn i Flaenycoed. Dic a Sionun wedi bod yn y Mynudd yn nol wyn gweiniad i'r Tir. Gwlaw Trwm ar hyd y dydd. Y Meibion y rhan fwyaf or Diwrnod yn y 'Sgubor yn gochel gwlaw. Fi heb fod yn y Farchnad!

Sadwrn. Diwrnod dwl ac yn bwrw ambell gawod. Y Meibion cyn boreufwyd yn torri anialwch yn blaenycoed a'r Gelli fawr  yn mynd ar ol boreufwyd i orphen trwsio clawdd Gallt y Tymawr. Sionun wedi bod a'r Ceffyl yn Tynllan Criccieth yn nol fy Mam, oedd yn Mhwllhei[sic  Pwllheli ] ers blwyddyn i Galanmai diwaethaf. Gwen Caeddafydd yma

Sul. Diwrnod dwl ac yn bwrw gwlaw yn drwm iawn yn y boreu hindda at y Prydnhawn Morris Jones Tremadoc yn dwad yma yn y Prydnhawn

llun. Diwrnod dwl ac yn bwrw gwlaw yn y boreu yn dwad i sychu'n dda at hanner dydd. Y Meibion y boreu yn darfod trwsio clawdd Mynudd gallt y Ty mawr. Wil Sion, Sion Morris a Dic yn mynd i wneud pen Dâs Gwair Caegwr[?] y lleill yn mynd ar ol Ciniaw i forfa'r Goedau i droi gwair, yn ei weld yn rhy lâs yno, yn mynd i'r hen forfa i danu Coccia, ac yn garrio i gyd erbyn rhwng un ardded [sic] a hanner nos, yr Wair pur lâs a thrwm

Mawrth. Diwrnod dwl yn y boreu ac yn dwad i sychu'n dda at hanner dydd  Y Meibion yn y boreu yn lladd gwair yn morfa'r Garreg, ac o gwmpas naw o'r gloch yn mynd i droi gwair Morfa'r Goedau, ar ol Ciniaw yn tanu ei drwiadau ac yn ei dyrru ac ol Prynhawnbryd yn dechreu ei garrio, ac yn ei gael yn wair da hynod  Harry Owen Tyddynadi yma yn ymdroi peth ac yn cael llythur [sic] i fynd i Williams y Towyn i fynd i Mr. Lloyd y Cefnfaes i attal Costia ymlaen o achos y Mynudd