Y Tywyddiadur

Sul. Diwrnod sych dwl. Fi wedi bod efo Mr. Owen Aberglaslyn. Elin wedi bod yn y Dre

llun. Diwrnod dwl ac yn dwad i fwrw gwlaw o gwmpas naw o'r gloch  Y Meibion yn Mwdyly[sic] gwair y Caelleppa isa ac yn ei garrio, a gwair y buarth gwyn erbyn boreufwyd a hynu[sic] hanner awr wedi naw or gloch, yn mynd wedi i ladd gwair i'r Cae tycoch ac yn e ddarfod

Mawrth. Diwrnod dwl ac yn bwrw gwlaw dwys y rhan amlaf. Yn dechreu lladd gwair yn y Weirglawdd ucha. Sion Hugh yn mynd i ffordd

Mercher. Diwrnod cymylog gwyntog ac yn bwrw peth gwlaw weithia. Yn darfod Lladd gwair y Weirglawdd ucha erbyn Ciniaw, yn mynd wedi i drwsio peth ar ddâs y Beudy newydd, ac yn mynd wedi i Wernclowna i droi peth ac i fwdylu. Fi wedi bod yn Tremadoc

Iau Diwrnod dwl yn y boreu, yn sychu'n dda iawn ganol dydd, yn dylu at y Prydnhawn  Robin Griffith yn mynd efo Sion Morris i ladd ei wair yn y boreu, yn dwad yma o gwmpas deg  o'r gloch i ddechreu tanu mwdyla yn Gwernclowna yn troi gwair Cae tycoch a pheth o'r Weirglawdd ucha, yn dechreu carrio gwair Wernclowna o gwmpas dau o'r gloch, yn ei garrio i gyd hyd at y peth oedd mewn lle gwlyb o gwmpas yr hen gadlys, yn carrio gwair y llain hir a phen isa'r weirglawdd ucha a phen bryn y Weirglawdd ucha

Gwener Diwrnod dwl ac yn gwlithio peth weithia ac yn sychu'n dda yn y Prydnhawn Y Meibion cyn boreufwyd yn mynd a tho at Ddâs y beudy ucha, wedi yn mynd i garrio Mwdyla [sic mydylau] o'r Caetycoch i Feudy Tynybwlch ac yn trwsio Dâs y Beudy newydd Fi wedi bod yn Tremadoc yn y Farchnad. Robin Griffith wedi bod efo Sion Morris yn lladd ei wair yn y Boreu

Sadwrn. Diwrnod sych teg. Robin Griffith wedi bod efo Sion Morris yn lladd ei wair hyd hanner dydd. Y Meibion yn y boreu yn tanu gwair rhaffa yn wernclowna, wedi yn tanu'r gwair oeddem wedi ei garrio o wernclowna i'r Cae tycoch i sychu ac yn troi gwair yn y Weirglawdd ucha, ar ol Ciniaw yn dechreu Tyru ac yn ei garrio i gid[sic] Diwedd Cael y Gwair, ar ol cynhauaf gwlyb anghyffredin wedi bod ddeg wythnos yn ei gael Cynhauaf Costus anghyffredin iawn. Robt. Griffith a Neli Pyrs yn ymadael wedi bod yma Naw wythnos a thridiau. Elizabeth Griffith Llangybi yn dwad yma

Sul. Diwrnod sych teg.

llun Diwrnod sych teg distaw. Y Meibion cyn boreufwyd yn y Mynudd yn chwilio am Wyn heb gael yr un. Yn mynd wedi i Gneifio'r Wyn yn cael Saith deg a thri ar ol darfod yn mynd i Gae'r hendra i ddechreu tori'r Ceirch cyntaf eleni Elizabeth Griffith Llangybi yn mynd adref

Mawrth Diwrnod sych gwresog distaw. Y Meibion cyn boreufwyd yn lladd ceirch yn Cae'r hendra. Dic yn mynd wedi i'r Allt i dorri rhedyn i drwsio pen Dâs yr hen forfa. Fi efo Wil Sion yn torri tylla ynddo am ei fod yn twymno [sic twymo] gormod. Sionun wedi bod yn yr Efail yn nol bâch gwair. Betty Owen yma'n Yfed Te efo i Bachgen bach

Mercher Diwrnod sych gwresog iawn a distaw. Y Meibion yn mynd y boreu i orphen tori'r Ceirch gwyn i Cae'r hendra yn ei ddarfod erbyn unarddeg o'r gloch yn mynd wedi i Forfa'r Garreg i ddechreu lladd Haidd

Iau Diwrnod sych gwresog iawn. Y Meibion yn Morfa'r Garreg yn lladd    Fi wedi bod yn Tremadoc yn y Prydnhawn

Gwener Diwrnod sych gwresog iawn ar ol wybr goch yn y boreu. Y Meibion yn troi Haidd saith Cefn yn y morfa'r Garreg, ac yn darfod lladd yr Haidd yno, yn Cynull Ceirch gwyn Cae'r hendra Fi wedi bod yn Tremadoc yn y Farchnad. Yn tebygu i ddryghin at yr hwyr

Sadwrn Diwrnod dwl claiar ac yn bwrw gwlaw mân wethia [sic] wedi bwrw'n lled drwm neithiwr. Y Meibion yn y boreu yn gwneud rhaffa, ac yn mynd wedi i raffio Dâs gwair y Morfa glofer, gwlaw yn eu curo, yn mynd i wneud rhaffa ar ol Prydnhawnbryd yn mynd i raffio. Sionun yn mynd i chwilio am oen oedd ar ol. Dolly wedi bod a Phwn o Haidd yn melin Tanrallt yn ei falu. Gwlaw lled drwm trwy'r Prydnhawn

Sul. Diwrnod dwl ac yn bwrw gwlaw y rhan amlaf

llun. Diwrnod gwyntog cymylog ac yn sychu'n dda yn y Prydnhawn ar ol gwlaw trwm iawn yn y boreu. Y Meibion yn y boreu yn rhoi Tô ar ben Dâs y Beudy ucha, yn mynd wedi i wneud rhaffa, ar ol iddi fynd yn hindda yn gwneud pen Dâs y Beudy newydd. yn mynd rhwng hanner dydd ac un o'r gloch i'r Morfa'r Garreg i danu Haidd saith o'r Cefna, yn gafrio y ddau Cefn agosaf i'r clawdd terfyn ac yn cynull y pump arall

Mawrth Diwrnod dwl ac yn sychu'n bur dda. Y Meibion cyn boreufwyd yn dechreu toi Dâs y Beudy newydd, yn mynd wedi i Forfa'r garreg i droi Haidd, ai danu, ac yn ei gynull ond 'chydig oedd efo chlawdd [sic. RT/OE? clawdd] y Traeth pan y daliodd gwlaw ni efo nos

Mercher. Diwrnod cymylog lled wyntog ac yn sychu'n bur dda. Y Meibion hyd amser Prydnhawnbryd yn toi Das y Beudy newydd, yn mynd wedi i Cae'r hendra i ladd Ceirch

Iau. Diwrnod cymylog sych. Wil Sion yn y boreu yn rhaffio Dâs gwair y Morfa Glofer, ac ar ol boreufwyd Dolli yn mynd efo fo i Dynu pena'r Ystycia haidd i'r Morfa'r garreg, ar ol hynnu [sic] yn mynd i raffio. Dic a Sionun yn Carrio Mawn o Gaegronw ucha

Gwener. Diwrnod dwl ac yn bwrw peth. Sionun wedi bod yn Tymawr Penmorfa yn nol Sion i ddwad yma i Ddegymu'r Haidd yn y Morfa'r Garreg a'r Ceirch gwyn yn Cae'r Hendra, yn cael unarbymtheg o Ystycia Haidd yn y Morfa a dau yn Cae'r Hendra. Yn dwad a llwyth o Haidd i ddechreu helm yn Cae'r Hendra yn dwad yn gawod, yn mynd wedi i hel Tô. yn gadael y llwyth Tô wrth adwy yr hen Forfa, ac yn dwad a llwyth o Haidd i fynu, ac yn ei roi yn y 'sgubor  Owen Roberts yn dwad yma Fi heb fod yn y Farchnad. gwlaw trwm yn y Prydnhawn

Sadwrn. Diwrnod cymylog teg ac yn sychu'n bur dda. Y Meibion -------- yn gwneud rhaffa, yn mynd wedi i wneud pen Dâs gwair y Beudy ucha --- Prydnhawnbryd i garrio'r Haidd o Forfa'r Garreg, yn ei garrio i gyd ond dau lwyth ---- unargloch y boreu, ac yn ei wneud yn helmi yn Cae'r hendra. Dic a Sionun wedi bod --- Caegronw yn nol yr Heffer at y Tarw. Owen Roberts yn mynd adref ar ol borreufwyd i fynd i ffair Caernarfon. Brawd Betty Owen y forwyn yma yn dwad yma

Sul Diwrnod dwl ac yn gwlychu'n drwm ar hyd y dydd. Dic wedi bod yn y Gorllwyn ucha yn nol pethau oedd Sian wedi dwad o Gaernarfon i Elin.

llun. Diwrnod gwyntog ac yn bwrw Cawodydd trymion. Y Dyniewid yn  myd [sic] o Flaen y Coed i Hafod y budredd, y pum Eidion yn oddiyno i forfa Trwyn y garreg a'r Buchod yn mynd o'r Henerw i Gae'r hafotty. Yn diwedd toi Dâs y Beudy newydd, yn mynd ar ol Prydnhawnbryd i ddechreu toi Das y Beudy ucha. Hogan Robert Roberts y Gorllwyn yma'n danfon Siwgwr a Sebon oedd wedi ddwad o Gaernarfon yma.

Mawrth. Diwrnod dwl yn y boreu ac yn taflu dafnau o wlaw. Yn y boreu yn chwalu'r helm haidd o achos ei bod yn twymno [sic]. yn mynd wedi i chwalu'r ysgubor pen ystyciau i Ceirch gwyn yn Cae'r hendra, yn mynd ar ol boreufwyd i ladd peth yd yn y Cae main a'r Buarth gwyn. hanner awr wedi un o'r gloch yn mynd i ddechreu cario Ceirch gwyn Cae'r hendra. Yn ail wneud yr helm Haidd oedd wedi ei chwalu yn y boreu. Gwlaw at bedwar o'r gloch

Mercher. Diwrnod dwl distaw mwll. Y Meibion y boreu yn hel yr Wyn i allt y Tymawr Ar ol boreufwyd yn chwalu helm arall Haidd oedd yn twymno[sic] gormod yn mynd wedi i'r Buarth gwyn i dori ac i afrio Ceirch. cyn hanner dydd yn ail wneud yr helm Haidd yn bwrw peth gwlaw cyn ini ddarfod. Meibion yn mynd yn eu hol i'r buarth gwyn