Y Tywyddiadur

Iau. Diwrnod sych lled ddwl, Dic yn mynd y boreu i Gaegronw i nol y Fuwch goeswen i lawr at fynd i'r Ffair. Wil Sion a Sionun yn hel yr wyn i allt y Tymawr. Wil Sion a Sionun yn mynd ar ol boreufwyd i orphen toi Das gwair y Beudy ucha ac iw raffio. Fi yn mynd i'r Ffair Dic yn dwad Fuwch yno. Yn ei gwerthu i Rowland Edmund y Feleuryd. gofyn da ar fais--od ond y pris yn isel. llawer o Wartheg o bob math yn y ffair, a gwerthu llawer am brisoedd isel iawn. Elin yn dwad i'r ffair yn y Prydnhawn

Gwener. Diwrnod dwl distaw. Y Meibion cyn boreufwyd yn gorphen Rhaffio Das y Beudy uchs. Dic a Sionun yn mynd wedi ac wyth o'r Lloia i'r Morfa iw Dyddyfnu, a Wil Sion yn mynd i drwsio'r helm Haidd Dic yn codi'r Geifr yn y Buarth Gwyn. Sion yn ag[sic] Eboles Llangybi i Hafodybudredd, ac yn dwad a'r ddwy Eboles yma o Mynudd  Yn mynd o gwmpas pedwar o'r gloch i nol un lwyth Haidd o'r Morfa oedd ar ol er y Diwrnod o'r blaen ac yn ei wneud yn helm fechan y nghae'r hendra efo'r lleill

Sadwrn. Diwrnod sych teg. Ann bach wedi bod yn sal neithiwr gan ddolur yn ei bol ac hebfod yn dda heddyw[sic]. Y Meibion yn lladd yd y Caelleppa ucha. Robt. Thomas y Caecoch yn dwad a llo gwrw a llo banw yma. Lewis George Dyn o Bwllheli ym[sic] yn nol arian oedd yn dwad i Dafydd Lewis Cyfrwywr o Bwllheli sydd wedi marw.

Sul Diwrnod sych teg. Mr. Owen Aberglaslyn yma'n y Prydnhawn

llun. Diwrnod sych teg. Y Meibion yn darfod lladd yd y Caelleppa ucha ac yn lladd yd yn y Caemain. Fi wedi bod yn y Ciniaw Gwyl mihengel, Gwen Williams Caeddafydd wedi dwad yma

Mawrth. Diwrnod dwl ac yn bwrw Cawodydd ar ol Drwghin trwm o Wynt a gwlaw neithiwrt. Yn darfod lladd yr yd y Caemain, a'r Buarth gwyn, ac yn lladd peth yn y Weirglawdd ucha. Fi wedi bod yn Mhenmorfa efo Mr. Williams y Steward, yn ymdroi yno hyd o fewn i chwarter i chwech o'r gloch

Mercher. Diwrnod cymylog ac yn bwrw cawodydd yn y boreu yn sychu'n dda yn y prydnhawn. Yn lladd Ceirch yn yr hen Forfa. Mari William Tomas yn dwad a chwech o hwyad yma o Langybi

Iau. Diwrnod cymylog ac yn bwrw ambell gawod led drom. Y Meibion yn lladd Ceirch yr ochr draw i'r ffos yn yr hen Forfa, yn dwad i Cae'r hendra i danu'r Ceirch du erbyn prydnhawnbryd yn mynd wedi i'r hen Forfa i afrio  Elin yn mynd i Langybi erbyn yforu[sic] at y Sasiwn. GMS y Meddyg Williams or Plashên yma yn rhoi'r Brêch y Buwchod ar y ddwy Eneth fach sef Ann a Bessan.[?]

Gwener Diwrnod dwl cymylog, gwyntog iawn yn y boreu. Gwlaw trwm iawn rhwng dau a thri o'r Gloch y Prydnhawn. Sasiwn yn mhwllheli Betty Owen wedi mynd yno. Yn toi dwy o'r helmi haidd ac yn gorphen gapio'r Ceirch yn y Buarth gwyn. yn mynd ar ol Prydnhawnbryd i wneud rhaffa

Sadwrn Diwrnod clir yn y boreu yn cymylu at gwrs o'r dydd, ac yn sychu'n dda at y Prydnhawn, Yn tori mieri i roi o gwmpas yr helmi, Yn mynd wedi i'r hen forfa i afrio Ceirch, yn dwad a llwyth o Geirch o'r Buarth gwyn. Fi yn mynd i Dremadoc yn y Prydnhawn. Elin yn dwad adref o Langybi

Sul Diwrnod dwl Dryghinllyd ac yn bwrw gwlaw ar hyd y Dydd

llun. Diwrnod dwl ac yn bwrw ambell gawod. Yn troi Buwch a'r Tarw i'r Adladd i'r Tymawr. Yn lladd Ceirch yn y Weirglawrr ucha ac yn Afrio Mr. John Evans Tyncoed yn galw yma

Mawrth. Diwrnod cymylog yn y boreu ac yn bwrw ambell led [sic] drom. Y Meibion cyn boreufwyd wedi bod yn y Mynudd yn nol y Maheryn, yn mynd wedi i ladd yd ac i Afrio i'r weirglawdd ucha. yn mynd ar ol Prydnhawnbryd i danu yd y Caelleppa a pheth o'r Caemain. Owen Humphreys y Clenenney yma, achos bod dwrdio achos y ffordd fawr wrth y Felin isa. Dic wedi bod yn siop Morris Jones yn nol dau alwyn o whiskey [sic]

Mercher. Diwrnod clir yn y boreu, ac yn tebygu i ddryghin at hanner dydd dryghin trwm at dri o'r gloch. Yn gorphen tori Ceirch y Weirglawdd ucha yn y boreu yn mynd wedi i orphen tanu Ceirch y Caemain, yn cynnull tri ar hugain o Stycia yn Cae'r hendra a dau ar bymtheg yn y Caelleppa ucha ac yn ei garrio i gyd

Iau. Diwrnod clir sych. Dic a Sionun yn carrio mawn o Gaegronw. Wil Sion a Dolly yn lladd Ceirch yn y Morfa, o Gwmpas hanner dydd yn mynd i droi Ceirch y Caelleppa ucha. yn ei gynull i gyd ac yn garrio erbyn ychydig o'r nos, yn bwrw rhai Cawodydd cyn ini ddarfod

Gwener. Diwrnod dwl ac yn bwrw Cawodydd trymion iawn. Y Meibion yn y boreu yn hel to, ac yn toi yr helm haidd yn mynd wedi i orphen lladd Ceirch yr hên forfa (Diwedd Lladd y Ceirch) ac yn ei afrio. Fi wedi mynd i Dremadoc i'r Farchnad.

Sadwrn Diwrnod dwl ac yn bwrw Cawodydd lled drymion, Y Meibion yn gorphen gafrio'r Ceirch yn yr hen forfa ac yn mynd i'r Weirglawdd ucha i afrio'r Ceirch yno. A Y Meddyg Williams o'r Plâshen yma yn y Prydnhawn

Sul Diwrnod dwl ac yn bwrw Cawodydd lled drymion Fi wedi bod yn llan

llun. Diwrnod dwl heb sychu fawr yn chwythu o'r Dwyrain. Y Meibion yn y boreu yn cae o gwmpas yr helmi Haidd, yn mynd wedi i dorri'r hedyn i ochor y Brynmagal, yn wedi i droi yd y Gaemain, ar ol Prynhawnbryd yn mynd i garrio peth Ceirch o'r hên Forfa.

Mawrth Diwrnod lled ddwl distaw, yn sychu'n bur wan. Y Meibion yn y boreu yn troi yd yn y Weirglawdd ucha, yn carrio yd y buarth gwyn, yn mynd wedi i ysgafnhau Ceirch y Caemain. Ar ol Prydnhawnbryd yn dwad a cheirch y Morfa i fynu i gid [sic]. Sion Tymawr yma'n Degymu Ceirch y Weirglawdd ucha a pheth yn yr hen Forfa. Carrio Ceirch yr hen Forfa i gyd, ac yn cynull y Ceirch Caemain hyd at y peth oedd yn rhy wlyb efo'r clawddia a'r perthi

Mercher. Diwrnod dwl ac yn taflu dafnau o wlaw weithia wedi bwrw cawodydd yn y plygain. Yn darllaw. Yn carrio hynn[sic] oedd wedi ei gynull o yd y Caemain, ac yn carrio Yd y Weirglawdd ucha hyd at un llwyth oedd heb ei rwymo, yn rhwymo y Cwbl yno ac yn y Caemain, ac yn ei garrio i gyd. Diwedd Cael y Cynhauaf. wedi bod er dechreu y Cynhauaf Gwair bymtheg wythnos a thridiau. Y Cynhauaf Gwair ac yd gwlypaf a ydwyf yn ei gofio eriod.[sic] Ellis Owen Cefnymaesydd yma yn y Prydnhawn

Iau. Diwrnod dwl sych. Y Meibion yn hel Tô ac yn toi i Dâs Ceirch Fi wedi bod yn Tremadoc ac yn prynu Deunydd Côb newydd o Frethyn blewog

Gwener. Diwrnod dwl ac yn bwrw ambell gawod drom, Yn codi'r gwttar yn ffolt y Moch, ac yn cau adwyon, Wil Sion yn mynd  wedi i ddyrnu ydwellt, Dic a Sionun yn parrattoi[sic] at garrio Mawn Fi heb fod yn y Farchnad

Sadwrn, Diwrnod sych teg, ar ol un Daran yn y Boreu. Wil Sion yn dechreu trwsio Das gwair y Morfa. Dic wedi mynd i ddyrnu

Sul Diwrnod dwl sych. Elin yn mynd i edrych am wraig Morris Jones Tremadoc, sydd yn sâl ar Enedigaeth dyn bach. Fi yn mynd efo hi.