Y Tywyddiadur

Gwener Diwrnod sych teg wedi rhewi peth neithiwr. Yn teilo oddiwrth Feudy tynybwlch i’r llainhir, Dic yn agor ffosydd

Sadwrn. Diwrnod distaw sych. Yn teilo oddiwrth Feudy Tynybwlch i’r llain hir. Dic wedi bod [sic] Evan James yn Tynymynudd ucha yn torri Onen [sic onnen ?]. Sion Morris wedi bod yn Tremadoc efo’r Drol ddechreunos yn nol Hobad o Wenith, 69 pwys o Beilliad [sic], Penwaig a thresi Haiarn &c. Evan James yn mynd i ffordd [sic]

Sul Diwrnod clir teg. Ceffyl oddiyma a Throl Portreuddyn yn mynd i ddanfon Corph Dynes o’r Garn Dolbenmaen, oedd yn Forwyn yn y Creua Llanfrothon [sic. Llanfrothen] oedd wedi Boddi er’s pythefnos i’r boreu Heddyw [sic. heddiw. Roedd Ionawr 18 yn ddiwrnod sych distaw cymylog] wrth fynd adref ac nid oeddynt wedi gwneud ymofyniad amdani hyd y boreu heddyw [sic] pryd y cawd [sic. cafwyd] ei chorph gan Owain Bachgen Griffith Evan ar gyfer Pont Aberdeunant yn Afon y Traeth

llun. Diwrnod dwl sych distaw claiar. Gwyl Fair newydd [sic. mewn llythrennau bold], yn dechrau teilo i Forfa’r Garreg i Wenith ac yn dwad a llwyth o Wair i’r Beudy newydd. Dic yn agor ffosydd yn Cae’r hendra ac efo Neli yn puro Hobad o Haidd at fynd i’r Felin

Mawrth. Diwrnod dwl sych. Yn teilo i Forfa’r garreg. Dic yn agor ffôs yn Wernclowna. Twm wedi bod a phwn o Haidd yn melin Tanrallt heb gael Malu Eidion oedd yn sâl o’r rhyddglwyf yn marw yn y Beudy newydd.

Mercher Diwrnod sych teg. Yn teilo i’r Buarth gwyn. Dic yn tori [sic. torri] lle i gladdu’r Eidion yn Cors Tyddynllewelyn ac yn ei flingo ai gladdu. Elin a minau wedi bod yn Tremadoc

Iau. Diwrnod sych teg distaw peth eira hyd bennau’r Mynyddau. Yn teilo oddiwrth y Beydy [sic beudy] newydd i’r Buarth gwyn. Dic wedi bod yn danfon croen yr Eidion oedd wedi marw i’r Plâs newydd yn pwyso pumdeg. Magdalen Owens Cefncynferch yn dwad yma, Ceffyl Melin Tanrallt yn Marw tan ei fwrn [?] wrth gafn y Mochyn

Gwener. Diwrnod tebig [sic] i ddryghin. Yn teilo i’r Buarth gwyn yn y boreu, ganol dydd yn mynd a’r Ymenun [sic] i Dremadoc i’w bwyso ac yn mynd i’r Towyn i nol haner tunell o Glo [sic. hanner tunnell o lo], Dic yn agor ffôs yn Gwernclowna. Fi wedi bod yn Tremadog yn y Farchnad  Wm.Robert y Marchogwr yn dwad yma. Evan Isaac yn dwad efo fo yma, gwrs o’r nos

Sadwrn Diwrnod niwlog ac yn bwrw gwlaw ar hyd y dydd. Sion Hugh wedi dwad yma i ddyrnu ddoe. [sic. mewn llythrennau bold]. Sion Morris yn gwneud panel. y lleill yn nithio

Sul. Diwrnod niwlog ac yn bwrw gwlaw ar hyd y dydd

llun. Diwrnod distaw clir teg iawn. Modi Owens Cefncynferch yn mynd adref Wm.Robert y Marchogwr yn mynd allan gyntaf efo’r Eboles, Sion Morris yn teilo oddiwrth y Beudy ucha i’r llain hir. Dic yn agor ffosydd. W [sic]

Mawrth. Diwrnod niwlog claiar iawn ac yn bwrw gwlaw dwys ar hyd y dydd Sion Morris yn dechreu Aredig yn y llainhir. Dic yno yn chwalu tail

Mercher Diwrnod distaw teg Sion Morris yn dwad a llwyth o wair o’r Morfa i’r Beudy newydd, ac yn mynd a llwyth o wellt i’r Beudy ucha. Fi yn mynd efo Wm.Robert y Marchogwr efo’r Eboles i Dyddynllewelyn. yn  rhwymo sach a gwellt ar ei chefn, y rhaff yn torri wrth iddi ystrancio a lluchio hitha yn diengyd at y Ty Llo yn mynd i’r ffos yn Gwernclowna ac yn marw wedi imi fynd a fo i Tynybwlch

Iau. Diwrnod niwlog Dryghinllyd [sic drycinog] iawn ac yn bwrw gwlaw trwm ar hyd y dydd. Sion Morris yn mynd y boreu i aredig i’r llainhir, yn gollwng at haner [sic] dydd gan ddryghin [sic ddrycin]. Dic yn blingo’r llo ac yn ei gladdu

Gwener. Diwrnod sych lled oer. Sion Morris a Sionun yn carrio gwair o Gaegoronw i’r Beudy ucha. Dic yn Tymawr yn agor Ffosydd. Fi wedi bod yn Tremadoc yn y Farchnad  Wm Robert y Marchogwr yn mynd at Gaseg Griffith Williams y Llymgwyn heb ddarfod iwsio y Gaseg yma

Sadwrn Diwrnod sych oer, eira hyd bennau’r Mynyddau. Sion Morris yn Aredig yn y Llain hir. Dic yn agor ffosydd yn Tymawr, ac yn mynd i ddanfon Croen y llo fu farw i’r Plasnewydd. Evan James a Tomas ei Fab yma yn nol ei Arfau  Yr hen Wyl Fair [sic. mewn llythrennau bold]. Elizabeth Griffith Llangybi yn dwad yma

Sul Diwrnod sych distaw eira hyd benau’r [sic] Mynyddau [sic]

llun. Diwrnod distaw budr ac yn bwrw gwlaw mân. Mwy o eira hyd y Mynyddau [sic] Sion Morris yn teilo oddiwrth y Beudy newydd i Forfa’r Garreg [Morfa'r Garreg]. Dic efo Ffosydd yn Tymawr Elizabeth Griffith yn mynd adref

Mawrth. Diwrnod sych distaw wedi rhewi peth neithiwr. Sion Morris yn Teilo oddiwrth y Beudy newydd i Forfa’r Garreg. Dic yn trwsio’r ffordd yn Brynmagl ac yn agor y ffôs i ddyfrio Cae’r hendra, Twm wedi bod a thelaid o Haidd yn Melin Tanrallt iw falu i’r Fuwch. Cathrin Jones Tynymynydd yma.

Mercher Diwrnod sych distaw yn bwrw peth eira yn y boreu. Sion Morris yn dechreu aredig yn Morfa’r garreg i Wenith. Dic yn agor ffôs yn Wernygath ac un yn Blaen y coed. Wm.Morris Pantymaesydd Llanfrothan [sic] yma yn gofyn a wnae’r plwy [sic. plwyf] yma gymeryd gwraig Sion Mab Ereiniog heb ei symudo yma

Iau Diwrnod sych gwyntog.eira hyd y Mynyddau [sic]. Sion Morris yn Aredig yn Morfa Garreg. Dic yno yn chwalu tail, Fi yn mynd yno ar ol hanner dydd i hau Gwenith Sionun yn dwad yno i lyfnu

Gwener Diwrnod gwyntog oer. Y Meibion yn Morfa’r Garreg yn rhoi gwenith i lawr. Fi wedi bod yn Tremadoc yn y Farchnad

Sadwrn. Diwrnod sych distaw. Sion Morris yn darfod Aredig i wenith yn Morfa’r Garreg .yn mynd wedi i orphen Aredig y llainhir ac yn dechreu Aredig yn y buarth gwyn. Dic yno yn chwalu tail. Sionun yn darfod llyfnu Gwenith yn y Morfa Sion Hugh yn plannu Ffa a chloron yn yr Ardd [sic]

Sul Diwrnod [‘dwl oer’ wedi ei chwalu allan] sych teg

llun Diwrnod dwl oer ac yn bwrw peth gwlaw. Yn dwad a llwyth o wair o’r Morfa i’r Beudynewydd ac yn rhedeg yr Aradr hyd y rhycha [sic. rhychau] gwenith, ac yn dwad a’r Aradr a’r Og i fynu [sic]. Sion Hugh a Dic yn nithio. Fi yn gwneud Melin wynt ac yn ei gosod yn y Morfa yn y Tir Gwenith