Y Tywyddiadur

Iau Diwrnod dwl gwyntog, gwlaw at y Prydnhawn, Yn llifo Pladuria. Y Meibion yn y Prydnhawn yn gyru gwair o'r Ty gwair i daflod y Beudy Tymawr, Twm wedi bod a phwn o Haidd yn y felin

Gwener Diwrnod dwl a gwlaw trwm yn y boreu. Y Meibion yn y Sgubor yn gwneud rhaffa rhawn. Sion Hugh yn dwad yma'r boreu, Sion Morris a Robt. Griffith yn dwad yma at hanner dydd. Robt. Sion Hendrahowel yn gorphen plastro'r llaethdy  Yn dechreu ar y Gwair yn Caegronw ucha. Fi heb fod yn y Farchnad!

Sadwrn. Diwrnod niwliog ac yn bwrw ambell gawod drom. Sion Morris wedi bod y Nghaernarfon yn nol 14 o Fattia. Y lleill yn lladd gwair yn Caegronw ucha Wm. Prisiart Ereiniog yn dwad a Llythur imi oddiwrth Mr. Lloyd Penyglanne  Robt. Thomas Caecoch yn dwad a Hwch yma

Sul. Diwrnod lled dwl yn y boreu, yn bygwth bwrw at ganol dydd sychu'n dda at y Prydnhawn

llun Diwrnod dwl yn y boreu, sychu'n dda at y Prydnhawn. Yn darfod lladd gwair yn Caegronw ucha erbyn Ciniaw, ac yn dwad i'r weirglawdd ucha'r Tymawr i ddechreu lladd gwair. Sionun wedi bod a Captan a'r Eboles yn yr Efail Sion Evan, yn mynd i ffordd wedi. Sion Hugh Drwsyrymlid yma yn gorphen talu ei Ardreth. Gwragedd o lawr y wlad yma'n pwyso'r gwlan

Mawrth Diwrnod niwliog ac yn bwrw peth gwlaw mân. Y Meibion yn lladd gwair yn Tymawr hyd amser ciniaw. Yn dwad i lawr wedi i wneud ffordd trwy'r Gelli fawr at y Beudy newydd. Dic wedi bod yn danfon y gwlan i Lanystumdwy Griffith Owen y Clenenney yma'n chwilio am fenthig [sic] a---n

Mercher Diwrnod dwl ac yn bwrw gwlaw mân. Y Meibion yn gwneud y ffordd trwy'r Gelli fawr at y Beudy newydd. Fi yn mynd y Prydnhawn i Benmorfa at Mr. Williams y Stiward. Robt. Thomas y Caecoch yn dwad ac Ebol dwyflwydd yma.

Gwener. Diwrnod gwresog mwll. Yn lladd gwair y Morfa bach, yn troi gwair yr hên Forfa a Morfa'r garreg, ac yn ei Fwdylu i gid cyn nos  Fi heb fod yn y Farchnad

Gwener Diwrnod dwl yn y boreu sychu peth yn y Prydnhawn. yn coccio gwair y Gweirglawdd ucha y Tymawr ac efo'r ffordd yn y Gelli fawr Fi wedi bod yn Tremadoc yn y Farchnad

Sadwrn Diwrnod dwl yn y boreu sychu'n dda at y Prydnhawn. Y Meibion yn y boreu efo'r ffordd yn y Gelli fawr, yn mynd ar ol boreufwyd i'r Tymawr ac yn chwalu peth Coccia, yn mynd wedi i Gaegronw ucha yn troi'r gwair yno ac yn ei garrio i gyd. yn mwdylu'r gwair Coccio oeddem wedi danu yn Tymawr wrth dowd [sic] i lawr. Elizabeth Griffith Llangybi yn dwad yma wedi bod yn y Rhiwlâs

Sul. Diwrnod dwl distaw yn tebygu i fwrw gwlaw

llun. Diwrnod niwlog ac yn bwrw gwlaw weithia. Y Meibion yn Tymawr yn lladd gwair hyd hanner dydd, yn dwad wedi at y ffordd i'r Gelli fawr. Sion Morris yn mynd ar ol Ciniaw i godi Maengrisial. Gwas Robt. Jones Tremadoc yma'n nol y Gaseg ddu. Finau yn mynd ar ol Ciniaw yno i nol ei harian

Mawrth. Diwrnod dwl yn y boreu yn sychu'n dda at y Prydnhawn Y Meibion y boreu efo'r ffordd yn Gelli fawr, yn mynd o gwmpas dau o'r gloch i'r Tymawr i danu coccia'r weirglawdd ucha, yn ei drin ac yn ei fwdylu. Sion Morris yn Codi Maengrisial

Mercher Diwrnod gwresog iawn yn y boreu, yn dylu at ganol dydd ac yn niwlio at y Prydnhawn ac yn gwlitho peth. Yn mynd i boreu i'r Tymawr i'r ladd gwair, o gwmpas naw o'r gloch yn mynd i danu mwdyla i'r Weirglawdd ucha'r Tymawr, yn troi peth o'r weirglawdd isa. yn mynd wedi i ladd peth gwair, yn tyru'r Gweirglawdd ucha erbyn Ciniaw ac yn ei charrio erbyn Prydnhawnbryd yn mynd wedi i orphen lladd y Gwair yn Tymawr Wil Sion yn mynd ddau o'r gloch y boreu i Gwmystrallyn i nol Mari Tomos at Elin oedd yn meddwl ei bod yn mynd sâl. Morris Jones Tremadoc wedi bod yma efo'r nos

Iau Diwrnod niwliog mwll ac yn bwrw peth gwlaw mân weithia, Y Meibion yn lladd gwair yn yr hen Forfa, ar ol Prydnhawnbryd yn mynd i ddechreu gwneud Cadlas wair yno. Dydd Gwyl Swithin Elizabeth Roberts Tynlone yn dwad yma efo'r nos

Gwener. Diwrnod teg ac yn sychu'n dda'n y boreu, Yn carrio llawer o wair y Weirglawdd isaf r Tymawr, Owen Roberts Tynlone yn dwad yma y ddau yn mynd adref efo'r nos. Fi heb fod yn y Farchnad

Sadwrn. Diwrnod sych teg. Yn lladd gwair yn yr hen Forfa hyd amser Ciniaw yn mynd wedi i'r Tymawr ac yn gorphen carrio'r gwair yno i gyd erbyn Prydnhawnbryd yn myndwedi i'r hen Forfa i fwdylu gwmpas ei haner

Sul Diwrnod sych teg. Seren wedi dwad a llo gwyn i gid [sic] ond ei ben

llun Diwrnod sych teg. Yn darfod lladd gwair yr hen Forfa ac yn dechreu yn Morfa'r Garreg, ar ol Ciniaw yn dechreu carrio gwair yr hen Forfa ac yn ei garrio i gyd ond ychydig a laddwyd y boreu heddyw [sic]. Gutto Owain o Bortreuddyn fy Nghefnder yma wedi dwad adref neithiwr wedi bod oddi cartref saith mlynedd ar y Mor

Mawrth. Diwrnod teg gwresog. Y Meibion yn lladd gwair Morfa'r garreg ac yn dechreu yn y Morfa glover. Y Merched yn tynu'r gwair oedd heb ei garrio yn yr hên Forfa. Ci bach yn dwad yma oddiwrth Mr. Owen Aberglaslyn

Mercher Diwrnod teg gwresog. Elin yn mynd yn sâl yn geni'r Bachgen bâch o ddeutu haner awr wedi pedwar o'r gloch yn y Boreu Dic wedi bod yn cwmystrallyn yn nol Mari Tomos, yma mhen cwmpas awr wedi ei eni. Y Meibion yn lladd gwair yn Morfa'r glofer hyd agos hanner dydd. yn mynd wedi i garrio gwair yr hen Forfa a'r rhan fwyaf o forfa'r garreg

Iau Diwrnod teg gwresog. Yn darfod lladd gwair Morfa glofer, ac yn dechreu tyrru peth yno. Sionun wedi bod yn Tynlon.

Gwener Diwrnod dwl tebig i wlaw yn y boreu, clirio at hanner dydd a gwresog Yn tyrru gwmpas hanner gwair Morfa'r Glofer y boreu, yn mynd wedi i orphen carrio gwair Morfa' Garreg, ac i garrio tyrra o Forfa'r glofer, yn mwdylu peth yno: Geneth o Langybi yn dwad a thri o Hwyad yma, dylu at yr hwyr Fi heb fod yn y Farchnad. E. Griffith Llangybi yn dwad yma efo'r nos o Gaernarfon

Sadwrn Diwrnod cymylog a gwresog. Yn dechreu lladd gwair yn y Morfa bach y boreu, yn tanu mwdyla yn Morfa glofer, yn mynd wedi i ladd gwair hyd amser Ciniaw. Yn mynd wedi ac yn carrio gwair Morfa glofer i gyd. Wm. Owen y Gwyndy yma.

Sul Diwrnod dwl sych. G. Williams Caeddafydd yma Morris Jones y Siopwr ai Wraig yma yn y Prydnhawn. Mari Tomas Cwmystrallyn yma