Y Tywyddiadur

llun Diwrnod dwl yn taflu rhai dafnau gwlaw weithia. Yn darfod lladd gwair yn y Morfa bach erbyn boreufwyd, yn lladd y gwair rhaffa yn mhen isa i Hendratyfi a'r Gelli bach yn mynd wedi i ddechreu i Gae'r hendra. Twm wedi mynd a phwn o Haidd i Felin Tanrallt iw falu. Yn mynd ar ol Prydnhawnbryd i dyru [dyrnu?] ac i garrio 'chydig mwy na haner gwair y Morfa bach

Mawrth Diwrnod sych teg. Yn darfod lladd gwair Cae'r Hendra a Buarth tan Derwen, yn troi gwair pant Cae'r Hendra. Y Cyweiriwrs yn mynd i dyru hynu o wair oedd yn y Morfa bâch ar ol Prydnhawnbryd. yn lladd gwair penucha Hendratyfi

Mercher Diwrnod gwresog. Yn dechreu lladd gwair y Gelli wastad y boreu ar ol boreufwyd yn mynd i'r Morfa bach i garrio hynnu o wair oedd yno, yn ddwâd i rengcio gwair Cae'r hendra ac yn ei garrio i gyd ar ol Ciniaw

Iau Diwrnod sych gwresog. Yn darfod lladd gwair y Gelliwastad penucha'r Buarth gwyn, y Caemain ac yn dechreu yn yr Henerw. Sionun wedi bod yn Tynlon yn nol dyniewad Tarw. Owen Roberts yma yn y Prydnhawn ac yn prynu dwy Anner ac Eidion

Gwener Diwrnod gwresog. Yn gorphen lladd gwair yr henerw a phen isa Cae'r hendra erbyn boreufwyd. Yn mynd wedi i dyru Hendratyfi, Buarth tair Derwen a'r Gelli wastad, yn dechreu Carrio o gwmpas unarddeg, ar ol eu carrio yn tyru gwair y Buarth gwyn a'r Caemain ac yn eu carrio. Diwedd cael Dâs y Beudy newydd Fi wedi bod yn Tremadoc yn y Farchnad

Sadwrn Diwrnod dwl mwll. Yn lladd gwair y ddau gae lleppa erbyn ciniaw Yn mynd ar ol Ciniaw i wernclowna i ddechreu lladd gwair, yn dwad i lawr o gwmpas dau o'r gloch ac yn carrio gwair yr Hen erw, y Cae lleppa isa a'r ucha erbyn cwr-[?] o'r nos. Dyn yma oddiwrth Wm. Jones Bwlch y Moch ddiwrnod am fenthig Tarw

Sul Diwrnod gwresog. Fi yn lladd neidr ddu wrth glawdd y Brynmagl

llyn. Diwrnod dwl mwll. Yn darfod lladd gwair Gwernclowna erbyn Ciniaw yn mynd wedi i Gae tycoch i lladd gwair. Yn dwad i fwrw gwlaw rhwng dau a thri o'r gloch o'r Prydnhawn. Y Meibion yn mynd wedi i roi to ar y Darau[?] ar ol darfod tri yn mynd i gaegronw i wneud pen y Das, a'r lleill yn mynd i roi Mydyla yn y Ty gwair.

Mawrth. Diwrnod dwl mwll, cymyla duon ac yn bwrw peth weithia o wlaw Taranau Yn darfod lladd gwair y Cae tycoch erbyn Ciniaw, yn mynd wedi i ddechreu lladd gwair i'r Weirglawdd ucha. Robt. Dyn o'r Garn Dolbenmaen yn dwad  a dau alwyn o Gin yma o Gaernarfon. Mrs. Jones y Siop a Mrs. Captain Prichart y Gomer yma

Mercher Diwrnod dwl mwll. Yn darfod lladd gwair erbyn Ciniaw Wil Sion, Sion Morris a Robt. Griffith yn mynd i wneud pen Dâs gwair yr hen Forfa. Y lleill yn mynd a Brwyn at Ddâs gwair Caegronw. Gwlaw trwm iawn yn y Prydnhawn Y Meibion yn mynd wedi i wneud rhaffa Sion Hugh yn Ymadael

Iau Diwrnod mwll dwl ac yn bwrw ambell gawod drom. Wil Sion a Sion Morris yn toi ac yn rhaffio dâs gwair Caegronw erbyn Ciniaw, yn mynd wedi i wneud rhaffa Dic a Robt. Griffith yn tori brwyn yn y Morfa. Wil Sion a Sion Morris yn mynd yn y Prydnhawn i dorri anialwch efo chloddia'r Caea gwair. William Roberts y Doctor yma'n nol Eli glâs. Gwas Cae Eithintew yn dwad yma ar ei ol wedi brifo. Geneth o Langybi yn dwad a hanner dwsin o Hwyad yma.

Gwener Diwrnod dwl ac yn bwrw ambell gawod fechan, Y Meibion cyn boreufwyd rhai yn cau rhwng Brynmagalar ffordd y lleill yn carrio to at ddâs Morfa Glofer Yn mynd wedi i hel yr Wyn iw diddyfnu yn gyru pedwar ar bymtheg a thriugain i Allt y Tymawr. Yn mynd wedi i wneud pen dâs yr hen Forfa a'r Morfa Glofer Fi heb fod yn y Farchnad!

Sadwrn. Diwrnod sych teg. Y Meibion cyn boreufwyd rhai yn Toi Dâs yr hen Forfa a'r lleill yn drwsio Dâs yr hen Erw. Yn mynd wedi i droi gwair y Weirglawdd ucha, Cae'r ty coch, a Gwernclowna, yn ei garrio i gyd ond gwair Gwernclowna erbyn deg o'r gloch, yn mwdylu peth o hwnnw pan ein daliodd gwlaw, a gadewyd y llall ar led. Sion Morris yn ymadael.

Sul Diwrnod dwl mwll, yn dwad i fwrw gwlaw yn y Prydnhawn

llun Diwrnod teg yn y boreu, yn bwrw rhai Cawodydd bychain o gwmpas pedwar yn y prydnhawn. Y Meibion hyd amser Ciniaw yn carrio brwyn o'r Morfa at y Beudy newydd, yn mynd ar ol Ciniaw i danu ac i droi peth gwair yn Wernclowna ac yn carrio peth, gwlaw yn ein curo i lawr at brydnhawnbryd yn mynd wedi i nol llwyth o frwyn at y Beudy newydd. yn coccio gwair Wernclowna efo'r nos.

Mawrth Diwrnod teg mwll. Wil Sion a Robt. Griffith yn Toi Dâs gwair yr hen Forfa erbyn ciniaw. y lleill yn tanu gwair Wernclowna - Y Cwbl yn mynd yno at ei garrio, yn carrio peth, gwlaw yn eu curo i lawr cyn iddynt ddarfod, yn mynd wedi i wneud rhaffa. Gwas bach y Tynlon yn dwad a Llythur yma i ddweud fod y Bachgen bâch wedi Marw er wyth o'r gloch nos Sul

Mercher. Diwrnod teg mwll Y Meibion yn dechreu toi Dâs gwair Morfa glofer yn mynd wedi i Wernclowna i danu mwdyla ac yn ei garrio i gid Diwedd cael y Gwair Cynhauaf da hynod. Fi wedi bod yn Tynlon y Nghynebrwng y Bachgen bach

Iau Diwrnod teg mwll, Y Meibion yn darfod Toi Dâs y Morfa glofer erbyn boreufwyd. yn mynd wedi i wneud pen Dâs y Beudy newydd. Neli wedi mynd adref Dic efo gwâs Portreuddyn yn cau rhwng y ddau Forfa ar ol Prydnhawnbryd

Gwener Diwrnod teg mwll ac yn bwrw ambell gawod o wlaw brâs a chenllysg  Yn gwneud pen Dâs y Beudy newydd cyn boreufwyd. Robt. Griffith yn dechreu ei Doi. Will Sion a Dic yn trwsio Dâs y Beudy ucha. Elizabeth Roberts Tynlon ucha yn dwad. Fi wedi bod yn Tremadoc yn y Farchnad. Mr. Evans Trafaeliwr o Gaer yno

Sadwrn. Diwrnod dwl a gwlaw trwm efo'r nos. Y Meibion rhai yn tori Anialwch y lleill yn trwsio ac ynn gwneud pen Dâs y Beudy ucha ac yn ei Doi Yn darfod toi y gwair i gid. Robt. Griffith yn ymadael. Elizabeth Roberts yn mynd adref. Dafydd Dafis Tyn y Mynudd isa yn gweithio yn twll y Maen grisial

Sul. Diwrnod dwl ac yn bwrw peth gwlaw

llun Diwrnod sych teg. Dic wedi bod y boreu yn cau rhwng gallt y Tymawr a Gallt Hendrahowel. yn mynd ar ol boreufwyd i'r Mynudd i chwilio am Wyn oeddwn wedi fino [?] gael y diwrnod o'r blaen. Fi efo Sionun wedi bod yn danfon'r Eidion a dwy Anner i Benmorfa i gyfarfod  gyrr Owen Roberts

Mawrth. Diwrnod sych mwll. Y Meibion yn tori Anialwch. Owen Roberts Tynlon yn galw yma wrth i'r Gyrr Gwartheg fynd heibio

Mercher. Diwrnod claiar dwl yn bwrw ambell gawod drom ac un Daran Y Meibion yn tori Anialwch. Owen Roberts yn dwad yma wrth fynd adref, yn Ciniawa yma. Tomas Bryn'r Hydd yn mynd efo fo adref. oedd wedi yma ddoe

Iau diwrnod dwl sych mwll. Y Meibion yn tori Anialwch yn y Cae glâs a Chae'r Tymawr