Y Tywyddiadur

Iau y Derchafael [sic. Dyrchafael]. Diwrnod dwl gwlawog. Yn darfod planu [sic] Cloron yn yr hên Ardd – Gwyl wedi, DIWEDD LLAFURIO. Fi wedi bod yn Tremadoc 

Gwener. Diwrnod dwl yn y boreu teg at y Prydnhawn. Yn dwad a dau lwyth o wair o’r Morfa, un i’r Beudy newydd y llall i’r Marchdy. Y Fuwch Blacan a Besi wedi dwad a lloia 

Sadwrn. Diwrnod sych teg. Ffair yn Mhenmorfa Fi wedi bod yno yn cyflogi pedwar o Weision a morwyn. Y Cyfloga yn bur uchel. Eliazbeth Griffith Llangybi yn dwad a’r Gaseg fawr yma at ddwad a chiw ac iw fagu

SUL Diwrnod sych teg. Fi yn dal Ceinach [ysgyfarnog] ie_^^uangc [sic] wrth Feudy’r Morfa

llun Diwrnod sych teg. Y Meibion yn carrio’r Dâs Cloron i miawn [sic. mewn]. John Wynne Tremadoc yma’n edrych y Fuwch Modlen. Fi yn mynd i Gynhebrwng Sioned gwraig Owen Parry Saer Tremadoc, ac yn gwerthu y Fuwch i John Wynne Neli a Robin yn ymadael. Sionun Sion Japheth Llangybi yn dwad i nol Eboles E.Griffith

Mawrth Diwrnod sych dwl mwll. Y Fuwch Goeswen [sic. “Goeswen” wedi ei groesi allan] Brithan wedi dwad a llo y boreu heddyw, Wil Sion a Harri wedi bod yn danfon y Fuwch Modlen i Dremadoc. Yn darfod rhoi’r dâs Cloron i fewn. Yn mynd wedi i’r Morfa i hel Cerrig

Mercher Diwrnod sych teg. Y Meibion yn hel cerrig. Caseg fawr Llangybi wedi dwad a chiw neithiwr [sic]

Iau Diwrnod sych teg. Y Meibion yn Reiniog yn lladd mawn. Y Gwenun yn heidio [sic]

Gwener Diwrnod sychlyd oer. Yn yspaddu naw o Ddyniewid. Y Gwas a’r Forwyn newydd yn dwad i’w lle. Ar ol hanner dydd, Wil Sion a Harri yn dechreu carrio mawn o Gaegronw isa, y ddau arall yn dechreu cau rhwng Caea gwair a’r Caea porfa. Fi wedi bod yn Tremadoc yn y Farchnad. Dic yn dwad yno i fy nol at un o’r Dyniewid [sic] oedd wedi dwad i waedu ar ol ei yspaddu Goeswen wedi dwad a llo Prydnhawn heddyw [sic]

Sadwrn Diwrnod sych gwresog. Wil Sion a Harri yn carrio [sic] mawn o Gae gronw isa, y Ddau arall yn dechreu lladd mawn yn Caegronw ucha

Y SULGWYN Diwrnod sych gwresog. Fi wedi bod yn llan 

llun Diwrnod dwl mwll wedi bwrw cawod yn y boreu, Y Meibion y boreu yn palu rhwng Cloron ac yn codi at y bresych yn yr Ardd isa, ac yn gwasdadhau y lle bu y dâs Cloron yno hefyd. Ffair y Nghriccieth fi wedi bod yno

llun [sic. “llun” wedi ei groesi allan. Mawrth] Diwrnod dwl mwll iawn. Wil Sion a Harri yn carrio mawn o Gae gronw isa.y ddau arall yn lladd mawn yn Caegronw ucha

Mercher. Diwrnod cymylog mwll ac yn bwrw ambell gawod drom. Yn troi’r gwartheg i’r borfa. Ugain i Hafodbudredd, Deg i Gaea’r Tymawr a Phymtheg i Gae’r Hafodty [sic]. Wil Sion a Harri yn carrio mawn o Gaegronw isa, y ddau arall yn lladd mawn yn Caegronw ucha Fi wedi bod yn Mhenmorfa yn rhoi rhaff wrth y Gloch ac yn gosod y llan i Robt.Sion Hendrahowel i’w gwyngalchu

Iau. Diwrnod sych teg. Wil Sion a Harri yn Carrio mawn o Gaegronwisa [sic] y ddau arall yn lladd mawn yn Caegronw ucha. Fi wedi bod yn Mhwllheli yn y Correcsiwn. Ystalwyn Madryn yma

Gwener Diwrnod sych teg. Yn darfod carrio mawn o Gaegronwisa [sic] ac yn dechreu palu rhwng Cloron yn Ardd pen ucha i Hendratyfi. Y ddau arall yn lladd mawn yn Caegronw. Mr.Williams y Steward a Mr. Kyffyn yma yn ail brisio’r Tir yma. Fi yn mynd ar eu hola hwy i Benmorfa

Sadwrn Diwrnod sych teg. Yn darfod palu rhwng y Cloron yn Ardd pen ucha i Hendratyfi. Y lleill yn lladd mawn yn Caegronw, Fi yn mynd i Benmorfa at Mr.Williams y Steward ac yn mynd efo oddiyno i Ddolbenmaen

SUL. Diwrnod sych lled oer SUL Y DRINDOD [SIC]

llun Diwrnod sych teg. Wil Sion a Pegi wedi bod yn y Felin isa yn Silio gweddill Ceirch had. Y ddau arall yn darfod lladd mawn yn Caegronw Fi wedi bod yn Tremadoc y nghyfarfod [sic] Mr.Williams y Stewart. Yn gyru’r [sic. gyrru’r] helm Haidd i mewn. Harri yn cadw’r Buwchod [sic] yn y Morfa i bori rhwng y Trainsia

Mawrth. Diwrnod gwresog. Y Meibion cyn boreu fwyd yn tori chwyn yn Yd y Caebanadl yn tori chwyn [sic. “yn tori chwyn” wedi ei groesi allan] yn mynd wedi [sic] i’r Marian oddiar Pistill du[sic. Pistyll du] i ddechreu gyru [sic] cerrig i lawr at gau y Trainsia. Sion Morris yn dechreu durnu yr Helm Haidd

Mercher Diwrnod dryghinllyd ac yn bwrw gwlaw lled drwm ar hyd y dydd. Y Meibion yn tori brwyn yn y Morfa rhwng y Trainsia

Iau Diwrnod dryghinllyd ac yn bwrw gwlaw trwm ar hyd y dydd. Y Meibion wedi bod yn chwynu’r yd ac yn codi at Gloron yn yr Ardd pen ucha i Hendratyfi Morris Jones Siopwr Tremadoc yma yn y Prydnhawn

Gwener Diwrnod teg mwl ar [sic. mwll a?]  bwrw peth yn y boreu. Y Meibion yn trwsio’r Tomenydd. Robt.Thomas Caecoch yn dwad a dau Fochyn yma. Fi yn mynd i Dremadoc i’r Farchnad

Sadwrn Diwrnod sych lled oer ar ol gwlaw trwm yn y boreu. Y Meibion yn hel cerrig i lawr dros y Pistill [sic] i’r Trainsia

SUL Diwrnod sych lled wyntog. Mr.Owen Aberglâslyn yn gyru [sic] Brithylliad [sic] yma