Y Tywyddiadur

Mawrth Diwrnod gwresog Yn darfod lladd gwair y Wirglawdd ucha. ar Cyweiriwrs wedi bod yn tyru gwair y Caelleppa ucha

Mercher Diwrnod gwresog Yn darfod Lladd y Gwair erbyn dau o'r gloch y Prydnhawn, Yn mynd wedi i dyru gwair Wernclowna Caetycoch a'r Weirglawdd ucha

Iau Diwrnod gwresog, Yn carrio gwair Wern clowna, Cae tycoch, a'r Weirglawdd ucha, ar Caelleppa ucha Diwedd Cael Y Gwair Cynhauaf da hynod Sion Hugh a Sion Morris yn Ymadael

Gwener Diwrnod gwresog Y Meibion cyn boreufwyd yn tori brwyn hyd yr hen Forfa, Fi gartref, yn mynd wedi i wneud penna Dasau'r Morfa, Dafydd a Harri yn hel brwyn yn yr hen Forfa. Elizabeth Griffith Llangybi yn dwad yma

Sadwrn. Diwrnod gwresog, Yn gwneud pen Das y Beudy newydd ac yn carrio'r Mwdyla mawn o Gae'r Hendra a'r Caemain yno, Dafydd a Harri wedi bod yn Caegronw yn nol yr Anner at y Tarw, Yn ei gymeryd  Mesurwr Tir yma'n Mesur Caegronw

Sul Diwrnod gwresog

llun Diwrnod gwresog. Y Meibion hyd amser Ciniaw yn trwsio Dâs Gwair y Beudy ucha. Yn mynd wedi i orphen gwneud pen Dasau'r Morfa ac i garrio To attynt ac i ddechreu eu Toi, Yn cael Llythur o Blâsybrain

Mawrth Diwrnod sych lled wyntog wedi bwrw gwlaw'n lled drwm yn y boreu, Wil Sion, Robt. Griffith a Dafydd yn Toi Dasau'r Morfa, ac yn dechreu torri peth Haidd yn Morfa'r Goedan. Dic a Harri yn carrio To at Ddâs y Beudy newydd ac yn mynd a dau bwnn o Do at Ddas Cae gronw

Mercher Diwrnod dwl ac yn dwad i fwrw gwlaw at hanner dydd, Wil Sion a Robt. Griffith yn gwneud pen Dâs Caegronw ac yn ei Doi  Wil Sion yn dwad a'r Anner frech a'r Cefn gwyn at y Tarw ac yn mynd i roi To ar ben Dâs y Beudy ucha, Yn mynd wedi i wneud rhaffa

Iau Diwrnod sych dwl mwll. Y Meibion yn Caegronw ucha'n gwneud Mawn, Gwlaw ar hyd y Prydnhawn, Y Meibion yn dwad i'r Beudy newydd i wneud rhaffa

Gwener Diwrnod sych yn y boreu. Cawodydd yn y Prydnhawn. Yn darfod gwneud mawn yn Caegronw ucha. Dafydd wedi bod yn danfon Elin ac Ann i'r Tynlon. Fi heb fod yn y Farchnad

Sadwrn Diwrnod cymylog sych. Yn gyru Cerrig i lawr dros y Pistill du hyd amser boreufwyd yn mynd wedi i wneud pen dâs y Beudy newydd, ac yn Cynull hynu o Haidd oedd wedi ei dorri yn Morfa'r Goeden

Sul Diwrnod sych cymylog mwll

llun Diwrnod sych cymylog mwll wedi bwrw gwlaw trwm y boreu Dic yn mynd i'r Cynhauaf Yd. Robt. Griffith yn aros yma yn ei le. Dafydd wedi bod a Flower yn yr Efail Sion Ifan. Wil Sion a Robt. Griffith, y boreu yn tori anialwch hyd Gae'r Coldy. Yn mynd wedi i Doi Dâs gwair y Beudy newydd

Mawrth Diwrnod sych cymylog. Wil Sion a Dafydd cyn boreufwyd wedi bod yn cau clawdd y Mynudd a Robt. Griffith yn cau o gwmpas Hendratyfi ar ol boreufwyd yn mynd i wneud pen Dâs gwair y beudy ucha ac iw Doi  Elin ac Ann yn dwad adref o'r Tynlon

Mercher. Diwrnod dwl ac yn bwrw Cawodydd. Wil Sion a Robt. Griffith cyn boreufwyd yn cau bwlch rhwng yr Allt a Chae'r lloia a Dafydd yn palu'r Dalar yn yr hên Ardd Gloron i hau i Erfin, finau yn eu hau yno  Fi wedi bod yn Tremadoc

Iau Diwrnod dwl mwll ac yn bwrw ambell gawod. Y Meibion yn cau'r Trainsia yn yr hên Forfa efo chladd. Wil Sion wedi bod ac Aradr y Morfa yn yr Efail. Yn mynd ar ol Prydnhawnbryd i ladd Haidd i Forfa'r Goeden  Gwen Owen Tynyberllan yma

Gwener Diwrnod sych. Fi yn mynd i Gaernarvon i'r Sessiwn. Y Meibion efo'r Trainsia yn yr hen Forfa

Sadwrn Diwrnod lled sych ar ol dryghin trwm yn y boreu Y Meibion yn yr hên  Forfa efo'r Trainsia. Wil Sion yn dechreu Aredig yno Fi yn dwad adref o Gaernarfon o'r Sassiwn

Sul Diwrnod dwl sych

llun Diwrnod gwlawog yn y boreu sychu at y Prydnhawn Y Meibion y boreu yn gwneud rhaffa, Yn mynd wedi i Aredig ac at y Trainsia. G William yma'n hel Treth y Tylodion

Mawrth. Diwrnod dwl sych. Robt. Griffith a Dafydd efo'r Trainsia yn yr hen Forfa. Wil Sion wedi bod y boreu a swch aradr y Morfa yn yr Efail ac yn Aredig hyd amser Ciniaw, yn mynd wedi i drin yr Haidd oedd ei dorri er dydd iau, ac yn torri peth yn Morfa'r Goedan

Mercher. Diwrnod dwl ac yn bwrw gwlaw mân y rhan amla. Y Meibion efo'r Trainsia yn yr hen Forfa. Wil Sion yn aredig hyd amser Prydnhawnbryd Wil Sion yn mynd wedi i godi bwlch ynghlawdd y Mynudd Penycastell, a Robt. Griffith a Dafydd yn mynd at Robert Hendrahowel i gau twll Clawdd terfyn rhwng y ddwy allt

Iau Diwrnod cymylog lled wyntog ac yn bwrw ambell gawod. Y Meibion hyd amser boreufwyd yn gwneud rhaffa, Yn mynd wedi i hel yr Wyn i'w diddyfnu yn gyru Pedwarugain ac wyth i Allt y Tymawr, Yn mynd ar ol Ciniaw i Gynull peth Haidd i Forfa'r Goedan, ac i ddechreu lladd Haidd i Forfa'r Garreg. Sychu'n dda iawn yn y Prydnhawn

Gwener Diwrnod niwliog mwll ac yn bwr gwlaw mân dwys  Y Meibion wedi bod y boreu yn dechreu torri Ceirch yn y Caebanadl  Dafydd a Harri yn mynd ar ol boreufwyd i nol y Dyniewid o Gaegronw i gaea'r Tymawr, yn mynd wedi at y lleill i'r hên Forfa i Aredig ac at y Trainsia