Y Tywyddiadur

llun Diwrnod dwl gwyntog. Wil a Robert yn darfod trwsio a rhaffio Dâs y Beudy newydd, yn mynd wedi i ddechreu cau rhwng yr adladd a'r Caea porfa. Harri a Dafydd yn hel yr Wyn at eu gilydd ac yn dwad a'r Ferlan a'r Cyw o'r Mynudd. Richard Thomas Penmorfa yn galw yma wrth Yspaddu moch Hendrahowel ac yn Ciniawa. Fi yn mynd efo fo i Gynhebrwng Sian gwraig Arthur Hughes Penmorfa,  yn ymdroi yn y Wern wrth ddyfod oddi yno

Mawrth. Diwrnod dwl gwyntog. Wil a Harri yn carrio Mawn o Gaegronw ucha, y ddau arall yn tori anialwch yn yr hên Erw.

Mercher Diwrnod sych. Wil a Harri yn dechreu Aredig yr hên Forfa y drydydd waith y ddau arall yn torri Anialwch yn yr hen Erw. Morris Jones Tremadoc yma'n pwyso'r Gwlan.

Iau Diwrnod sych teg. Wil Sion a Harri yn Aredig yn yr hen forfa  y Prydnhawn yn danfon y Gwlan i Dremadoc ac yn [dod] a hanner Tunell o Glo efo fo Adref  y ddau arall yn darfod torri Anialwch yr hen Erw. Robt. Griffith byn mynd adref i aros am ddau ddiwrnod neu dri. Yn darllaw.

Gwener Diwrnod [?] ac wedi bwrw ambell gawod. Wil Sion a Harri yn Aredig yn yr hen Forfa. Dafydd yn torri Anialwch. Fi wedi bod yn y Farchnad

Sadwrn. Diwrnod sych, Yn darfod Aredig ddaliad y boreu, yn mynd ddaliad y Prydnhawn i ddechreu llyfnu Gwenith yno

Sul Diwrnod dwl gwyntog ac yn bwrw ambell gawod weithia

llun Diwrnod dwl wedi bwrw gwlaw'n drwm yn y boreu. Yn cau peth rhwng y Buarth gwyn a'r Caemain, yn mynd wedi i deilo oddiwrth Feudy'r Morfa hyd at yr hen glawdd llanw. Robt. Griffith yn dyrnu Ydwellt Haidd. Mr. Broster Bangor yn galw yma i ymofyn tal am Gyhoeddi Cyfarfod Cymdeithas Eifionydd

Mawrth, Diwrnod dwl ac yn bwrw gwlaw lled drwm ar hyd y dydd. Y Meibion yn glanhau yr Ysgubor a Robt. Griffith yn dechreu dyrnu Ceirch

Mercher Diwrnod dwl ac yn bwrw ambell gawod lled drom. Dafydd a Wil Sion yn gollwng dwr o'r tir gwenith yn yr hen Forfa ac yn chwalu tail yno. Yn mynd a'r chwech Bustach o'r Morfa i Weirglawdd y Tymawr ac yn mynd a'r Gwartheg Hespion yno yn eu lle. Y Fuwch sydd yn ei phesgi yn tori ei Chorn

Iau Diwrnod sych gwyntog oer ac Eira tew hyd benau'r Mynyddau  Dafydd a Harri yn carrio mawn o Gaegronw, Jac yn colli ei bedol  Harri wedi bod a fo yn Efail y Dref yn ei gosod  Robt. Griffith yn Dyrnu

Gwener Diwrnod oer gwyntog ac yn bwrw Cawodydd o Genllysg eira hyd bennau'r Mynuddau. Yn carrio Mawn hyd amser Prydnhawnbryd yn mynd wedi i hel y Defaid o'r Mynudd i'r Allt am ei bod gymaint Dryghin

Sadwrn. Diwrnod sych distaw teg. Yn carrio mawn o Gaegronw ucha. Robt. Griffith yn mwsoglu'r llaethdu.[sic] Fi wedi bod yn ffair Griccieth

Sul Diwrnod dwl claiar ac yn bwrw gwlaw man Fi wedi bod yn Aberglaslyn efo Mr. Owen. Gwen Williams Caeddafydd yn dwad yma

llun. Diwrnod gwyntog oer ac yn bwrw Cawodydd oerion  Yn carrio mawn hyd amser Prydnhawnbryd. a Robert yn Dyrnu Yn mynd wedi i hel y Defaid ac i ollwng y Maheryn, ac yn gyru Defaid hespion i Gaegronw

Mawrth. Diwrnod gwyntog ac yn bwrw Cawodydd trymion oerion. Wil Sion a Robt. Griffith yn Marlio Gwenith yn yr hen Forfa  Dafydd a Harri yn carrio Mawn o Gaegronw ucha

Mercher Diwrnod dwl distaw yn y boreu, yn dwad i fwrw gwlaw dwys claiar yn y Prydnhawn. Wil Sion a Robt. Griffith yn marlio Gwenith yn yr hen Forfa. Dafydd a Harri yn Carrio Mawn o Gaegronw ucha

Iau Diwrnod dwl sych distaw. Y Meibion yn yr hên Forfa yn Marlio Gwenith. Dyn yma o Rôsmaelan yn dweud fod Owen Roberts Tad Owen Roberts Tynlôn wedi marw, a gofyniad i mi ddwad iw Gynhebrwng y foru [sic]

Gwener Diwrnod sych distaw. Y Meibion yn darfod Marlio'r Gwenith yn yr hen Forfa. Fi Ynghynhebrwng Owen Roberts Rhosmaelan y Nghlynog. yn dwad i'r Tynlon y noson

Sadwrn. Diwrnod sych distaw, Y Meibion yn Aredig yr hen Glawdd llanw ac yn rhedeg yr Aradr hyd rychau'r Gwenith oedd wedi ei lyfnu. Fi yn dwad adref o Langybi a'r Tynlon

Sul. Diwrnod dwl

llun. Diwrnod dwl sych. Yn darfod hau Gwenith yn yr hen Forfa. Robt. Griffith yn dyrnu.

Mawrth. Diwrnod sych yn y boreu gwlaw dwys at y Prydnhawn Yn dechreu tynu Cloron at eu cadw, gwlaw yn eu curo at y Prydnhawn

Mercher Diwrnod sych yn y boreu gwlaw dwys at y Prydnhawn  Yn tynu Cloron nes y daeth i fwrw gormod. Fi yn gosod melin wynt ar y Gwenith yn yr hen Forfa

Iau Diwrnod dryghinog ac yn bwrw gwlaw lled drwm ar hyd y dydd. Wil a Dafydd wedi bod y boreu yn y Morfa yn cau yn mynd wedi i wneud rhaffa Robt. Griffith yn Dyrnu, y lloia yn dwad i'r Caea lleppa a'r Caemain