Y Tywyddiadur

Gwener Diwrnod sych distaw. Wil a Dafydd y Nghaegronw yn toi y Dâs mawn. Robt. Griffith efo Owen Owens Portreuddyn yn Cau rhwng Buarth yr hen erw a Phortreuddyn. Richard Williams Dolwgan yn edrych y Moch tewion. Fi yn mynd i Drefmadoc [sic] ac yn eu gwerthu i Harri Owen

Sadwrn. Diwrnod sych yn y boreu, dylu ac yn dwad i fwrw gwlaw ac yn wyntog ar hyd y dydd. Y Meibion y boreu yn hel y defaid ar fedr eu Cneifio, yn mynd a'r Wyn i'r Cae banadl, yn mynd wedi ddyrnu ac i wneud Panela. Y Ceffylau gwylltion yn mynd i lawr i'r Morfa

Sul Diwrnod dwl sych gwyntog, Yn mynd a'r Anner ddu Goeswen at y Tarw

llun  Diwrnod dwl ac yn bwrw cawodydd o Genllysg Eira yn isel hyd y mynuddau. Yn tynu Cloron iw Cadw

Mawrth Diwrnod dwl ac yn bwrw eirwlaw ar hyd y dydd bron Y Meibion yn tynu rhai Cloron

Mercher. Diwrnod dwl ac yn bwrw Cawodydd y rhan amlaf. Wil a Dafydd yn agor Cwttar efo ochr y Beudy newydd. Robt. Griffith yn Dyrnu, Yn gosod Clawdd Terfyn rhwng y Caeglas a'r Caea porfa Tymawr i Sion Morris iw wneud am bump swllt y Rhwd

Iau. Diwrnod dwl sych ac yn chwythu'n drwm o'r dwyrain. Yn tynu Cloron Fi wedi bod yn Cerrigyrhwydwr yn Cyttuno efo Sion Hugh i ddwad yma'r gauaf

Gwener. Diwrnod dwl sych distaw. Yn tynu Cloron iw cadw

Sadwrn Diwrnod  distaw sych. Ffair y Mhenmorfa. Fi wedi bod yno yn Cyflogi'r Gweision. Y Cyflogau yn uchel

Sul. Diwrnod dwl claiar ac yn bwrw gwlaw dwys ar hyd y dydd

llun Diwrnod cymylog ac yn bwrw ambell gawod fechan. Yn tynu Cloron yn Buarth yr hen Erw

Mawrth. Diwrnod clir sych wedi rhewi peth a barugo neithiwr  Yn tynu Cloron yn Buarth yr hen Erw.

Mercher. Diwrnod niwliog ac yn gwlithio yn y boreu clirio ac yn sychu at y Prydnhawn. Yn darfod tynu Cloron, ar ol cael tywydd gwlyb iawn

Iau Diwrnod dwl ac yn dwad i fwrw gwlaw trwm at ddau o'r gloch. clirio at yr hwyr. Wil Sion a Harri wedi bod yn y Dref. Dafydd yn clirio yr Houwel ac yn gwastadhau ei gwaelod

Gwener Diwrnod dwl ac yn bwrw gwlaw agos ar hyd y dydd  Fi wedi bod efo Wil a Dafydd yn tori rhai polion yn y Tymawr  Lewis, Gwehydd o Lanfrothen yn danfon Gwrthbeni yma. Y Forwyn newydd yn dwad iw lle. Fi heb Fod yn y Farchnad

Sadwrn Diwrnod dwl sych. Yn Cneifio, wedi ein dal hyd yn ddiweddar iawn gan gwlybaniaeth. Wm. Williams y Bwlchllechog yma yn prynu'r Caws ac yn eu pwyso. Ellis Williams Cigydd Tremadoc yma yn edrych y Fuwch dew. Robt. Griffith yn ymadael

Sul Diwrnod dwl ac yn bwrw gwlaw'n drwm drwy'r Prydnhawn

llun Diwrnod dwl ac yn bwrw Cawodydd o wlaw. Y Meibion yn darfod gwasdadhau [sic] o flaen drws yr Ysgubor ac yn chwalu'r Cwt Eithin  Fi wedi bod yn Tremadoc  Sion Hugh yn dwad yma i ddyrnu ac i Borthi

Mawrth Diwrnod dwl gwyntog ac yn bwrw Cawodydd o wlaw a Chenllysg  Wil yn cau ac yn dwad a'r Buwchod o'r Caea ucha i'r Caea lleppa a'r Cae main. Dafydd a Harri yn carrio mawn o Gaegronw ucha. Y Clawdd Terfyn rhwng y Tymawr a'r Cae glas wedi cael ei dechreu ddoe

Mercher. Diwrnod dwl ac yn bwrw gwlaw mân ar hyd y dydd  Dafydd a Harri wedi bod yn Caegronw yn nol siwrna o Fawn yn gollwng wedi o ran bod y Gaseg wedi colli ei Phedol. yn mynd wedi i garrio Gwellt i Feudy Tynybwlch. Wil Sion efo minau yn dechreu gwneud y Cwt Eithin

Iau Diwrnod dwl sych yn y boreu yn dwad i fwrw'n ddwys at y Prydnhawn. Wil wedi efo mi yn gweithio peth ar y Cwt Eithin yn y boreu yn mynd wedi i hel cerrig i lawr yn y Gelli fawr nes y daeth i fwrw gormod. Dafydd wedi bod a'r tri Cheffyl gweithio yn Efail Sion  Evan. Griffith Griffiths Cwrt ucha yma efo Sion William y Brithdir bach yn ysgrifenu llythur i fynd at Mr. Williams Dolgelley  Robt. Thomas y Caecoch yn dwad a 2 Fochyn gadael yma

Gwener Diwrnod distaw sych teg. Gwas Evan Evans Cyffeithiwr Crwyn Pwllheli yn dwad yma hanner awr wedi deuddeg y boreu i ddweyd fod fy Mam yn sâl finau yn mynd efo fo yno, yno erbyn pedwar o'r gloch y boreu. Dafydd a Harri yn carrio Mawn o Gaegronw ucha

Sadwrn Diwrnod dryghinllyd ac yn bwrw gwlaw'n drwm iawn yn y boreu, Wil Sion yn mynd a'r Drol efo Robt. Sion Hendrahowel i fynd cherrig o'r Allt wen i Fonwent [sic] at wneud gwaith yn y bedd, finau yn mynd yno yn y Prydnhawn

Sul. Diwrnod dwl sych yn y boreu gwlaw trwm at y Prydnhawn Fi yn mynd i Bwllheli

Llun Diwrnod dwl ac yn bwrw Cawodydd trymion Dydd Claddedigaeth Ann, Gwraig y diweddar Risiart Edwards o Fron Oleu a hunodd y Nhy Evan Evans Cyffeithiwr Crwyn, y Mhwllheli,  un o'r gloch y boreu Dydd gwener y 25 dydd o fis Tachwedd yn y flwyddyn MDCCCXXV. Claddwyd hi y Mhenmorfa yn bedair ar ddeg a thriugain Oed

[Mae'r cofnod uchod wedi amgáu mewn blwch du]