Y Tywyddiadur

Iau. Diwrnod sych distaw wedi bwrw gwlaw’n drwm neithiwr Yn mynd a llwyth o wair o’r Morfa i’r Beudy ucha, ac yn dwad a llwyth o’r Morfa i’r Marchdai. Yn planu Cloron gyntaf eleni [sic]. William Sion a Griffith Evan yn darfod y Trainsia yn yr hên Forfa

Mercher. Diwrnod dwl sych gwyntog. Yn darfod marlio Gwenith yn yr hen Glawdd llanw yn yr hên Forfa, Gwlaw a dryghin at y Prydnhawn. Sion Hugh a Neli yn nithio ac yn puro Gwenith

Gwener Diwrnod cymylog ac yn bwrw ambell gawod. Yn rhoi dau Lwyth o Gloron i mewn, ac yn rhoi,helm Haidd i mewn. Dafydd wedi mynd i Briodas Sionun Ellis ei frawd i’r Towyn. Fi wedi bod yn Tremadoc yn y Farchnad Elizabeth Griffith Llangybi yn dwad yma

Sadwrn Diwrnod cymylog ac yn bwrw Cawodydd o Genllysg wedi bwrw Eira tew hyd y Mynyddau. Wil a Dafydd yn Codi’r Celyn rhwng y ddwy Ardd ac yn eu planu efo’r Ffordd ty ucha i ddrws y Ty. Elizabeth Griffith Llangybi yn mynd adref. Yn cael Ystenaid [llond piser] o Gwrw o’r Undeb Tremadoc

SUL Diwrnod dwl lled oer ar ol Gwynt a Gwlaw trwm iawn neithiwr

llun Diwrnod sych distaw. Yn darfod planu’r [sic] Celyn ty ucha i ddrws y TY erbyn canol dydd, yn mynd wedi [sic] i deilo i’r Ardd Gloron pen ucha i Hendratyfi  Fi wedi bod yn TREMADOC [sic] yn nol hoelion at wneud at [sic. y geiriau ‘wneud at’ wedi eu croesi allan] roi cledrau oddiwrth Adwy’r Morfa at Feudy’r morfa

Mawrth Diwrnod sych distaw. Yn Aredig yn y Weirglawdd ucha. Dafydd yn gorphen chwalu tail yn Weirglawdd isa’r Tymawr, Yn rhoi yr hwch ar Mochyn i fewn iw pesgi at eu lladd. Gwlaw yn y Prydnhawn a dryghinllyd

Mercher Diwrnod sych teg ar ôl gwlaw trwm yn y boreu, Gwyntog ar hyd y dydd Yn mynd i’r Weirglawdd ucha ddaliad y Prydnhawn ac yn darfod Aredig yno Dafydd yn torri lle i wneud clawdd o flaen drws y Ty. Wil a minau [sic] wedi bod yn codi [darlun o blanhigyn tebyg i goeden heb ddail] yn buarth yr hen Erw

Iau Diwrnod dwl distaw sych. Wil Sion wedi bod a’r Ceffylau Gweithio yn Efail Sion Evan yn ail osod eu Pedolau. Dafydd yn y Gelli fawr yn Codi Cerrig at Bentanau adwy Cae’r lloia, Yn _^ ^eu [sic] carrio yno ddaliad y Prydnhawn –

Gwener Diwrnod sych yn y boreu gwlaw trwm yn y Prydnhawn. Wil Sion a Harri yn carrio mawn o Gaegronw ucha. Sion Hugh a Dafydd yn planu [sic] Cloron, Ffâ a Phys yn yr ardd. William Jones.Gweithiwr o Glawddfa Llidiart yr Arian yma. Fi yn mynd efo fo i Dremadoc i’r Farchnad

Sadwrn Diwrnod dwl sych yn y Boreu, Cawodydd trymion yn y prydnhawn Wil Sion a Harri yn carrio mawn o Gaegronw ucha, Dafydd yn palu peth yn yr ardd ac yn nol llwdwn oedd wedi dwad tros y Graig wrth dwll y Maen Grisial. Wil o’r Gorllwyn yma’n dal Tyrchod daear. Fi yn gwneud bocs Colomenod

SUL Diwrnod clir sych distaw

llun. Diwrnod dwl dryghinog yn y boreu hindda distaw at y Prydnhawn Wil a Harri yn carrio mawn o Gaegronw ucha. Dafydd yn gollwng y Gwartheg allan, ac yn mynd wedi [sic] i ‘sgwrio’r Clawdd rhwng Morfa’r Goedan a’r Morfa glofer

Mawrth. Diwrnod dwl budr yn bwrw gwlaw man ar hyd y Dydd Wil Sion a Harri yn cario Mawn o Gaegronw ucha. Dafydd yn gollwng y Gwartheg allan ac yn mynd wedi [sic] i sgwrio’r Cawdd [sic. clawdd] rhwng y Morfa’r Goedan a’r Morfa Glofer. Sionun Morris yn dwad yma i ddechreu gwneud y Clawdd rhwng y ddwy Ardd

Mercher, Diwrnod dwl gwyntog. Wil Sion a Harri yn carrio Mawn o Gaegronw ucha, Dafydd yn gollwng y Gwartheg allan ac yn mynd wedi [sic] i ysgwrio’r Clawdd rhwng morfa’r Goedan a’r Morfa Glofer Sion Morris yn gwneud y Clawdd rhwng y ddwy Ardd. Fi wedi bod yn Nhremadog yn y Cyfarfod Cyffredinol Cymdeithas Eifionydd er Cospi Drwgweithredwyr –

Iau  Diwrnod distaw sych teg. Wil Sion wedi bod a’r Gaseg a’r Ebol coch yn Efail Sion Evan yn gosod eu Pedolau yn mynd wedi [sic] i garrio mawn o Gaegonw [sic] ucha Dafydd ysgwrio’r clawdd rhwng Morfa’r Goedan a’r Morfa Glofer, Sion Morris yn gwneud y clawdd rhwng y ddwy Ardd

Gwener Diwrnod distaw sych teg. Yn mynd a llwyth o’r hen wair o’r Morfa i’r Beudy ucha ac yn dwad a llwyth o Wair o’r Morfa i’r Marchdai. Sion Morris yn gwneud y clawdd rhwng y ddwy Ardd. Fi wedi bod yn Tremadoc yn y Farchnad

Sadwrn Diwrnod sych distaw teg. Wil Sion a Harri yn carrio mawn o Gaegronw ucha. Dafydd yn ysgwrio’r Clawdd rhwng Morfa’r Goedan a’r Morfa Glofer. Sion Morris yn gwneud y Clawdd rhwng y ddwy ardd

SUL. Diwrnod dwl ac yn rhai cawodydd [sic. y geiriau ‘ac yn rhai cawodydd’ wedi eu croesi allan] gwyntog wedi bwrw Cawod o Genllysg yn y boreu

llun Diwrnod dwl gwyntog ac yn bwrw peth gwlaw ganol dydd. Wil Sion a Harri yn darfod carrio mawn o Gaegronw ucha, Harri wedi bod y boreu yn Cwm-ystrallyn  [sic. Cwmystradllyn] yn nol llwdn. Sion Morris yn _^^darfod  y clawdd rhwng y ddwy Ardd, ac yn dechreu y clawdd o flaen y drws. Sion Hugh wedi bod yn dechreu palu lle i Winiwns [sic] yn pen draw i’r Ardd isa.gwlaw yn ei rwystro

Mawrth Diwrnod dryghinllyd ac yn bwrw’n drwm y boreu, hindda at y Prydnhawn Ffair y Mhenmorfa [sic] yn mynd a’r Gwartheg allan i Dremadoc i fynd a hwy i’r Ffair yn eu troi adref oddi yno. Fi yn mynd i’r Ffair ac yn eu Gwerthu i Silvanus Jones ar ol iddo eu hedrych yn Tremadoc

Mercher Diwrnod sych teg, Wil a Dafydd yn teilo oddiwrth y Beudy ucha i’r llain hir. Fi wedi bod ^ [sic] Ffair Ffestiniog yn prynu Ceirch hâd          

Iau Diwrnod sych teg. Wil a Dafydd yn Teilo i’r Buarth gwyn. Sion Hugh yn Planu Winiwns [sic] yn yr Ardd. Sion Hugh [sic. ‘Hugh’ wedi ei groesi allan] Morris yn gwneud y Clawdd o flaen y Drws

Gwener Diwrnod sych teg mwll. Wil Sion a Dafydd yn teilo oddiwrth y Beudy newydd i’r Caebanadl. Sion Hugh yn trin yr Ardd. Yr oen bach cyntaf wedi dwad ddoe Fi wedi bod yn Tremadoc yn y Farchnad

Sadwrn Diwrnod sych gwyntog. Yn teilo oddiwrth y Beudy newydd i’r Cae banadl. Sion Hugh yn trin yr Ardd. William Jones o Glawddfa llidiart yr Arian wedi bod yma. Mwinig wedi dwad a Llo neithiwr [sic. ‘neithiwr’ wedi ei groesi allan] y boreu heddyw [sic. heddiw] –