Y Tywyddiadur

Sadwrn. Diwrnod dwl heb sychu llawer Dydd Gwyl St. Swithin Yn danfon To at ddâs Gwair Caegronw, yn torri rhedyn, ac yn rhaffa ar Ddâs Gwair y Morfa y boreu. Yn mynd wedi i droi ac i danu mwdyla i'r Tymawr, Yn carrio Gwair y Weirglawdd isa i gid ac yn Mwdylu gwair y Weirglawdd ucha

Sul Diwrnod sych teg wedi bwrw gwlaw'n drwm yn y boreu

llun Diwrnod sych teg. Yn lladd gwair Hendratyfi  Dafydd wedi bod a'r ddau Geffyl gweithio yn Efail Sion Evan, Fi wedi bod yn y Drefmadoc

Mawrth Diwrnod dwl sych. Wil Prisiart a Guto wedi bod yn Toi Das gwair Caegronw, yn mynd wedi i dorri'r rhedyn. Dafydd a Wil Lloyd yn Carrio Mawn o Gaegronw isa. Dafydd wedi bod efo'r nos yn danfon y Drol at Robt. Risiart i wneud Trwmbal newydd iddi

Mercher. Diwrnod dwl sych. Wil Prisart a Gutto yn torri rhedyn y ddau arall yn carrio mawn o Gaegronw isa. Ellis Evan Ty'n ffridd wedi bod yma. Yn cael hanner dwsin o Galenni Hogi oddiwrth Owen William Ismael y Garn

Iau. Diwrnod dwl ac yn bwrw gwlaw lled drwm ar hyd y dydd  Wil Prisiart a Gutto yn tori rhedyn. Y ddau arall yn darfod Carrio mawn o Gaegronw isa. Robt. Thomas y Caecoch yn dwad a dau Fochyn gadael yma

Gwener Diwrnod teg mwll iawn yn y Prydnhawn wedi bwrw gwlaw trwm y boreu  Y Meibion hyd amser Ciniaw yn carrio graian i wasdadhau drws y Ty  yn mynd wedi i'r Caelleppa isa i dynu Ceirch o'r Gwraidd am ei fod yn rhy fyn [fyr?] i ladd nai fedi, o achos y gwres mawr a wnaeth. Fi wedi bod yn Tremadoc yn y Fachnad [sic]

Sadwrn Diwrnog [sic]  gwesog. Yn tynu Ceirch yn y Caelleppa isa, Yn cael hanner Baril o Arweddlyn Cyffredin. 

Sul Diwrnod gwresog. Fi wedi bod yn y llan

llun Diwrnod gwresog. Sion Hugh a Sion Morris yn dwad yma wedi bod gartref. Yn darfod tynu Ceirch y Caelleppa isa erbyn Ciniaw, Yn mynd wedi i lifo'r Crymanau ac i ddechreu Medi'r Gwenith yn yr hen Forfa. Sion Hugh yn hau Maip yn yr Ardd. Owain ac Elizabeth Roberts Tynlon Llangybi yn dwad yma

25 Mawrth Diwrnod sych gwresog. Y Meibion yn Medi Gwenith yn yr hên Forfa. Owain ac Elizabeth Roberts Tynlon yn mynd adref. Sion Hugh gartref

Mercher Diwrnod sych gwresog. Y Meibion yn medi Gwenith yn yr hen Forfa. Mr. Evans Gwerthydd Poethlyn o Gaernarvon yn galw yma. Elin Jones y Morfa bychan yn dwad a Physgodyn yma

Iau Diwrnod sych gwresog. Yn darfod medi Gwenith yn yr hen Forfa hyd at 'chydig oedd heb addfedi [sic] yn mynd wedi i ddechreu medi Haid [sic] i fuarth yr hen Erw> Mr. Lloyd y Wern a John Pugh Tynllan yn galw yn y Prydnhawn

Gwener. Diwrnod sych gwresog. Yn Medi Haidd yn Buarth yr hen Erw. Elizabeth Griffith Llangybi a Chatrin Tomas Bryn'r hydd yma. Hugh Griffith a Bachgen o Lerpwl yma. Fi yn mynd efo hwy i Dremadoc

Sadwrn Diwrnod dwl sych. Yn Cynull Ceirch y Caelleppa isa erbyn Boreufwyd. Yn mynd wedi i garrio'r Gwenith o'r hen Forfa, a'r Ceirch o'r Caelleppa ias. Mr. Jones Ysgolfeister Tremadoc yn mesur rhan o'r Mynud [sic] sydd yn perthyn i'r Tymawr

Sul Diwrnod gwresog mwll, yn dylu ac yn taflu dafnau yn y Prydnhawn

llun. Diwrnod dwl tebig wlaw trwy'r boreu gwres yn y Prydnhawn  Y Meibion y boreu yn hel rhedyn at wneud pennau'r helmi Gwenith ac yn gwneud eu penau, ac yn dwad a phedwar pwn o frwyn at eu Toi, Gutto wedi bod yn y Reiniog yn nol Oen. Yn Cynull peth Haidd yn Buarth yr hên Erw  Yn torri Ceirch y Buarth Gwyn a pheth yn y Caebanadl. Fi wedi bod yn y dref yn edrych a oedd Robt. Prisiart wedi gwneud Trwmbal y Drol

Mawrth Diwrnod sych gwresog yn y boreu, chwythu a dylu at y Prydnhawn, Yn lladd yd yn y Caebanadl hyd amser ciniaw yn mynd wedi i ladd Ceirch i'r hên Forfa, ac yn Fedi peth Gwenith oedd heb fynd yn aeddfed ar unwaith a'r llall

Mercher Diwrnod mwll wedi bwrw gwlaw yn y boreu, Y Meibion y boreu yn llifo Pladuriau yn mynd wedi i wneud rhaffa, a'r lleill yn glanhau'r Gwenith oedd wedi colli wrth ei garrio, yn mynd ar ol Ciniaw i Gaegronw isa i orphen gwneud Mawn, Gutto wedi bod yn y Drefmadoc yn nol y Trwmbal newydd Fi wedi bod y Mhenmorfa yn Cyfarfod Mr. Lloyd y Wern yn ceisio gosod Clawdia Terfyn rhwng Mr. Gore a Sir Joseph Huddard yn Llwytmor

Iau Diwrnod dwl yn y boreu gwres yn y Prydnhawn. Yn dechreu lladd Gwair yn yr hen Forfa Gwair. Fi a'r Plant yn cael Diddosbenau Gwellt

Gwener Diwrnod mwll wedi bwrw gwlaw'n lled drwm y boreu  teg at y Prydnhawn. Sion Morris a Gutto yn cau rhwng Caegronw ucha a'r Gorllwyn ucha Sion Hugh yn chwynu ac yn hau Erfin yn yr Ardd isa. Wil Williams yn toi'r helmi Gwenith. Sion Hugh a hwytha yn mynd wedi i wneud i wneud lle i dywallt llwythi Yd at Gefn yr Ysgubor. Fi wedi bod yn y Dref yn y Farchnad. G.W. Caeddafydd yma

Sadwrn Diwrnod sych dwl. Yn lladd Gwair Meillion yn Morfa'r Goedan ac yn chwdylu gwair yr hen Forfa. Mr. Jones Ysgol Feister Tremadoc yn galw yma efo'r hwyr efo Darlun o'r Tymawr Oddiar yr Allt.

Sul Diwrnod dwl sych. Mr. William Jones Caemawr yn galw yma

llun  Diwrnod gwresog. Yn gorphen lladd Meillion Morfa'r Goedan erbyn boreu fwyd. yn mynd wedi i orphen medi'r Gwenith yr hen Forfa, ac i orphen lladd y Ceirch yno, ac i orphen torri Haidd Buarth yr Hen Erw, yn mynd wedi i ddechreu lladd Ceirch y llain hir

Mawrth. Diwrnod dwl sych mwll. Yn darfod lladd y Ceirch i gid. Yn mynd wedi i ddechreu lladd Gwair Meillion Morfa'r Garreg. Fi wedi bod y Mhenmorfa y Nghynebrwng Geneth Wm. Williams Siopwr Tremadoc. Yn cael Mecrill oddiwrth H. Evans Tynymaes