Y Tywyddiadur

Mercher Diwrnod dwl sych mwll Y Meibion cyn boreufwyd yn Cynull Ceirch yn yr hên Forfa, yn darfod lladd gwair meillion morfa'r Goedan ac i gynill [sic] peth Ceirch yn yr hen Forfa

Iau Diwrnod dwl sych ac yn dylu at y Prydnhawn, Yn lladd gwair yn Morfa'r Garreg hyd amser Ciniaw yn mynd wedi i garrio gwair meillion morfa'r Garreg hyd at 'chydig, a gwair yr hen forfa beth iw gymysgu ag ef yn carrio hyd lawer o'r nos rhag ofn gwlaw. Yr Anner wedi dwad a llo

Gwener. Diwrnod dwl yn y boreu ar ol bwrw gwlaw neithiwr teg at y Prydnhawn  Y Meibion cyn boreufwyd, raiyn carrio Gro i'r Drws, y lleill yn cau o gwmpas Hendratyfi  Yn mynd wedi i Forfa'r Garreg i ladd Gwair hyd amser Prydnhawnbryd, y ddau Wil yn dwad a hynnu o Wenith oedd heb uddfedu [sic] a'r unwaith a'r llall i fynu. Yn mynd ar ol Prydnhawnbryd i Fuarth yr hên Erw i Gynull Haidd. Fi heb fynd i'r Farchnad!!

Sadwrn. Diwrnod sych gwresog. Y Meibion cyn boreufwyd yn darfod lladd gwair Morfa'r Garreg.  Yn mynd wedi rhai i garrio Haidd o Fuarth yr hen Erw a'r lleill i danu Mydyla i'r Morfa'r Goedan ac i droi Gwair Meillion morfa'r Garreg. ar ol Ciniaw rhai yn mynd i orphen carrio Gwair meillion morfa'r Garreg, a gwair yr hen Forfa, ac yn mwdylu peth gwair yn morfa'r Garreg a pheth gwair Meillion yno hefyd

Sul. Diwrnod Gwresog

llun Diwrnod gwresog lled gwyntog yn y Prydnhawn wedi bwrw Cawodydd trymion yn y boreu. Y Meibion cyn boreufwyd yn gwneud a rhaffa. Fi yn mynd wedi efo Wil a Gutto i Gaegronw i nol tri Eidion a chwech Diniewad at ei gwerthu, ac yn gwaedi [sic] ac yn troi'r tri Eidion i Weirglawdd ucha'r Tymawr i'r Adladd, a'r chwech Dyniewad i'r Caea porfa  y lleill yn nol dau bwnn o Dô at yr helm Haidd. Ar ol Ciniaw yn dwad a dau lwyth o Geirch o'r hen Forfa ac yn Cynull peth Ceirch yno. O gwmpas tri o'r gloch y Prydnhawn y cwbl yn mynd at y Gwair i'r Morfa'r Garreg. Yn gorphen mwdylu'r Gwair meillion, ac yn mwdylu peth o'r gwair arall

Mawrth Diwrnod dwl gwyntog ac yn bwrw cawod o wlaw o gwmpas tri o'r gloch y Prydnhawn, Yn gorphen cynull Ceirch yr hen Forfa, ac yn dechreu carrio Gwair Meillion Morfa'r Garreg rhwng pumb [sic] a chwech o'r gloch y boreu, ar ol boreufwyd yn carrio gwair arall Morfa'r Garreg ar gefnau, yn garrio agos i gid pan ein daliodd gwlaw. Ar ol Prydnhawnbryd aeth Wil Williams i Doi yr helm Haidd, a'r lleill i ddechreu lladd gwair i Fuarth tair Derwen

Mercher. Diwrnod sych cymylog ar ol gwynt a gwlaw trwm iawn neithiwr  Twm wedi bod a Denbi yn Efaill Sion Evan. Wil yn Toi'r helm Haidd y lleill yn darfod lladd gwair Buarth tair Derwen yn mynd wedi i ddechreu lladd gwair i Gae'r hendra, ar ol Ciniaw yn mynd i orphen carrio Ceirch o'r hen Forfa ac i fwdylu hynu o wair oedd ar ol yn Morfa'r Garreg

Iau Diwrnod dwl distaw yn y boreu, ac yn dwad i fwrw gwlaw'n drwm ac i chwythu at un o'r gloch. Yn darfod carrio gwair y Morfa i gid erbyn Ciniaw. Yn mynd wedi i wneud rhaffa ar ol Prydnhawnbryd yn mynd i Gae'r Hendra i ladd Gwair

Gwener. Diwrnod dwl niwliog. Yn lladd gwair Cae'r Hendra a'r hen Erw Fi wedi bod yn Tremadoc yn y Farchnad

Sadwrn. Diwrnod sych teg. Y Meibion hyd amser Ciniaw yn hel To at Ddas Gwair y Morfa.  Yn mynd wedi i rengcio gwair Pant Cae'r hendra at ei goccio, ac i dro gwair Buarth tair Derwen ac i droi Ceirch y Buarth Gwyn, Cabanadl, y Weirglawdd ucha a'r llain hir. Yn cocio gwair Cae'r hendra, yn mwdylu gwair Buarth tair Derwen a'r hen Erw

Sul. Diwrnod dwl sych yn y boreu gwlaw at y Prydnhawn

llun. Diwrnod sych teg. Ffair y Mhenmorfa. Elin a minau wedi bod yno. Y Meibion yn lladd gwair y Caemain, yn troi gwair pen isa i Gae'r hendra ac yn cynull Ceirch y Buarth gwyn, y Caebanadl, y Weirglawdd ucha, a'r llain hir. Sion Hugh yn mynd adref gan ddolur yn ei Lygadau [sic]

Mawrth. Diwrnod dwl yn y boreu, yn dwad i fwrw gwlaw'n drwm at y Prydnhawn  Yn Mydylu gwair pen isa i Gae'r hendra, yn mynd wedi i wneud rhaffa. Fi wedi bod yn y Dref yn nol William Robert y Marchogwr. Dafydd yn nol yr Ebol Coch o Gaegronw, Yn darfod cario'r Ceirch i gid erbyn boreufwyd. Yn cael ar ddarn o'r Buarth gwyn, Y Caebanadl a darn o'r Weirglawdd ucha a'r llain hir, dri llwyth bychan, Y Gwres mawr yn yr hâf wedi dal ar yr Ydau a'r Gweiniau fwy nag a ddarfu, on [sic] pan mae ychydig yn Cofio, os neb.

Mercher Diwrnod dwl ac yn bwrw Cawodydd trymion o wlaw. Wil a Dafydd yn rhaffio'r helmi  Sion Hugh a Gutto wedi bod yn Caea porfa'r Tymawr yn hel Cerrig

Iau Diwrnod cymylog lled wyntog ac yn sychu'n dda wedi bwrw Cawod o gwmpas deg o'r gloch y boreu. Yn tanu Mwdylau a'r Coccia gwair Cae'r hendra a Buarth tair Derwen a'r hen Erw ac yn eu Carrio i gyd hyd ychydig yn yr hen Erw. Tomos Bryn'r Hydd yn dwad yma

Gwener Diwrnod dwl mwll. Yn lladd gwair y Buarth gwyn, y Gelli wasdad ac yn dechreu lladd gwair Wernclowna. Fi heb fod yn y Farchnad

Sadwrn Diwrnod dwl gwyntog ac yn bwrw Cawodydd o wlaw. Y Meibion cyn boreufwyd yn lladd gwair yn Wernclowna. Yn mynd wedi i drwsio'r Dâs gwair y Morfa hyd amser prydnhawnbryd yn mynd wedi i Wernclowna i lladd gwair. Thomas Jones Bryn'r Hydd yn mynd adref

Sul Diwrnod dwl ac yn bwrw gwlaw man weithia

Diwrnod dwl gwlawog. Wil Williams yn darfod rhaffio'r helmi ac yn rhaffio Das Gwair Caegronw. Sion Hugh a Gutto wedi yn hel Cerrig yn Caea porfa'r Tymawr y ddau arall wedi bod yn torri To yn Morfa trwyn y Garreg. Evan James yma. Fi wedi bod yn Tremadoc

Mawrth. Diwrnod dwl ac yn bwrw gwlaw'n drwm y rhan amlaf. Y Meibion cyn boreu fwyd yn dwad a llwyth o Dô at Ddâs y Beudy newydd, yn mynd i roi Gwair y mhen Dâs y Morfa hyd amser Ciniaw, Yn gwneud rhaffa hyd amser Prydnhawnbryd, yn mynd wedi i ddechreu Codi Cerrig i wneud clawdd rhwng y Parc canol a'r Parc isa'r Tymawr

Mercher Diwrnod dwl claiar ac yn bwrw rhai Cawodydd. Y Meibion yn Codi Cerrig yn y Tymawr, Wil yn rhaffio Das Gwair y Morfa. Fi wedi bod y Nghynebrwng Mab Sion Robert Evan y Mhenmorfa

Iau Diwrnod dwl ac yn bwrw Cawodau. Y Meibion y boreu yn Tymawr efo'r Clawdd yn y boreu, yn mynd wedi i roi gwair y mhen Das gwair y Morfa, ar ol Prydnhawnbryd yn mynd i'r Tymawr at y Clawdd

Gwener. Diwrnod sych gwresog yn y boreu, gwlaw o gwmpas un o'r gloch hyd y nos  Y Meibion cyn boreufwyd yn y Tymawr efo'r Clawdd, yn mynd wedi i droi gwair y Gelli wastad, y Buarth gwyn, y Cae main, y Caelleppa ucha, a pheth yn yr Hen Erw, ei drin yn dda, pan  ein daliodd y gwlaw ac yntau i gid ar led. Gutto wedi bod a Captan yn Efail Sion Evan yn ei bedoli. John Pugh Tynllan yn galw yma

Sadwrn Diwrnod cymylog ac yn sychu'n lled dda. Yn trin gwair y Buarth gwyn, y Gelli wastad, Yn mwdylu gwair y Gelli wastad ac yn carrio y llall i gid.